AA Ralbawi Tun Myat Naing kong hi ahopaoh nih theih duh cio mi a si!

AA Ralbawi Tun Myat Naing kong hi ahopaoh nih theih duh cio mi a si!
===========
AA ralbawi Tun Myat Naing kong hi ka si khawh tawk in research le ka hawi le Rakhine sin in theih khawh ka zuam ve ton. A biachim a holh rel hi theih a nuam ngai caah le mino te asinain a ruahnak a pical ngai in ka hmuh lengah a dir hmun a fek i zumh tlak hruaitu asi tiah ka hmuh.

Tlangcung lutlai hriamtlai pawl wine din in an caan an dih a ti ruangah soiselnak tampi a tong. Sihmanhsehlaw, Kum 10 chungah hriamtlaibu thawngbik ser kho tu le kawlram hriamtlai bu lakah minlanghbik cu amah lawng si ko. Mino te asinain a ruahning, abiachim, a umtu thut dir ah soi awk um lo bantuk asi.

Paletwa kong ah kan thin a lin cio. AA Ralkap hoatu Tun Myat Naing interview CCN nih a tuah lai an ti tikah kan i ngeih ngai cio. Ka thazang in lehrulh lo hmanh ah media, idea or chimrelnak in lehrulh ding in kan lungcung ah a rak um. Chim duh mi cu kan ram a kan chuh caah kan lungfak. Asinain AA hoatu Tun Myat Naing interview an tuah dih hnu cun kan lung tha a dam deuh i lehrulh cham ding kan i tin mi nak in i bochan ding kan lung a chuak deuh.

AA ralkap hoatu Tun Myat Naing politic Qualification le personality a mak nak kha ka chim duh mi asi. Cu caah mipi he bia ruah tikah kan chim mi biafang le kan hman mi biafang hi a bia pi tuk timi hi miphun hruaitu nih cun kan theih hi a bia pi ngai.A bik in Ralkap ah hoatu simi hna nih kan biachim holhrel hi kan i ralring ngai a hau.

Cu bel al awk a tha lo mi cu NLD cozah nih ralhrang cazin ah an chiah mi hna, Rakhin an hruaitu Dr. Aye Maung le Wai Hin Aung thihdan an pek mi hna hi an caah NLD cozah hi ral ah an hmuh hna ka ti ahcun kan palh lai lo dah. Cun an chim cia bang in an nih cu Federal Democracy kan khel lo Confederation kan khel an ti caah kan khel ning a khat lo mi si kho.

Asinain Tlangcung mi kan tuarnak ahcun statement tu cu an chuah lengmang ve ko. Cun tulio dotlennak tuahtu hriamtlai zeimawzat he pehtlaihnak tha tein an ngeih ko. Mah pa hi keizong ka uar bak ve pa si. Hruai tu simi nihcun anah ah anak, aran ah arang ti, an chim ngam le an chim mi ah an dir ngam ahau. Cun hnu lawng ah mipi nih fek ten kan dir kamh ngam ve hna lai.

Mifim le A Fim lo mi cu an lung thin put an nung ning le an bia chim le an miphun an hruai ning hna hrim ah pei an ni thlau tuk fawm cu. Culak ah cun maw kanu Cheu khat Ralbawi cu kumsaupi a bawmh tu hna an mipi hmanh khi thih phaih phun zei rello phun nan mah nak in ka fim deuh tibantuk hna in bia hna an chim rih leng ah a niam tak tak mi ngak chia lung thin a ngei mi Ralbawi hna an um ve rih cuh loh tlau bak. Credit: Stephen Sangcem Sakhong