A Turu Lawlaw, CNO/CNDF kan pasaltha nih mipi sinah ralring a peek!

Salai Van Thawng Thang Nih Mipi Sinah Ralring A Peek!!
===================
CNDF Nih Tuibual SAC Sakhan An Kah I Jet Fighter Nih Bomb A Thlak!Nihin 15, November zingka ah Tuibual SAC ralkap sakhan cu CNDF nih an kah i, SAC ralkap lei nih Jet fighter in bomb zong an thlak nain hliam tuar an um le um lo kong ah thawng fiang theih a si rih lo.

CDF-Hualngoram in ṭuanvo ngeitu pakhat nih cun, “CNDF lei nih cun thawng an kan thanh lo nain Tuibual le Saṭawm hi kanmah ramchung a si tikah khuami hna nih tuzing suimilam 7 hrawng ahkhan thawngpang an kan thanh. Jet Fighter a ra i bomh zong a thlak, aa hliammi an um le um lo fiang in kan thei kho rih lo. Saṭawm khua cu ralzaam ding in an i timhtuah.

CNDF lei nih zeihmanh an kan theihter rih lo caah zeitin dah timhtuahnak kan ngeih lai ti kan fiang kho rih lo,” tiah The Chin Post ah a chim. Hi kahdohnak kong he pehtlai in The Chin Post nih CNDF lei pehtlaihnak kan tuah ko hna nain thawng fiang an kan thanh kho rih lo.

Cung kong he pehtlai in CNO/CNDF i thithruianak ah upa chungtel a si ve mi Van Thawng Thang nih “Kahdohnak thawngpang he pehtlai in kan mah lei nih official in thawngthanh nak kan tuah hlan chung cu pumpak in siseh, Media in siseh zei thawngphang hmanh kan thanh piak hlah uh,” tiah ralring a pekk.


·
တိုက်ပွဲသတင်းနဲ့ပတ်သက်ပြီး မိမိတို့အဖွဲ့အစည်းမှ တရားဝင်မထုတ်ပြန်မချင်း ပုဂ္ဂလိကအနေနဲ့ဖြစ်စေ၊ မီဒီယာမှဖြစ်စေ သတင်း မရေး/တင်ပေးကြဖို့ အသိပေးလိုပါတယ်။
Kahawknak thu thawn pehpar-aw in kanmah pawlkom ih official thu kan than hlan sung cu bulpak in siseh Media in siseh zianghman than lo dingah kan lo theihter a si. Crd-Van Thawng Thang

Van Thawng Thang hi Chin TV nih awards a tuah mi ah “ Chin Youth of The Year 2022 “ an hmuh piak tu zong a si ii lomhpi cio hna usih. Justin Thang zong nih thzang peeknak mah tihin a tial, ” CONGRATULATIONS THAWNG THAWNG! (Chin Youth of the Year 2022), Kum 2018 cem zawngah kan ram ka va tlun lai ah a vei khatnak nak kan rak tong aw.

Kan Chin mino hmailam caan hrang sunmang tampi kan rak man. Kan miphun hrangah ti theitawk in, ziangti’n kee kan kar ding timi pawl thupizet in kan rak rel. Asina’n, a veihnihnak ahcu kum 2022 April thla ah kan tong aw saal na’n, a veikhatnak veek siloin, hramlak ah zalennak sual in kan tong aw riai. A hlan ih kan rak saduhthah le kan sunmang pawl cu khoi ah an hlo ti hman kan mang nawn lo. Hmanseh, kan hmailam cu Pathian ih kutsungah a um timi kan theihfiangmi a si ko tikah, tuar daan ka thiam.

Pathian zaangfahnak le mipi pawl ih duhsaknak thawn Chin Youth of the Year 2021 ka rak co ih, kum 2022 ah teh zo a si pei tiah ka thinlung te’n ka rak ruat rero. Phuzet le mipi tambik nih kum 2022 hrang ahcu Thawng Thawng nan vun hril tikah pumpaak in ka lung a awi. Himi award hi a liam ciami kum caan tampi sungah Thawng Thawng ih miphun hrangah a rak tuanmi pawl lawng siloin, amah ih kaihhruainak thawngin kan Chin raalkap tampi pawl ih an peek awnak, an nun an thapnak pawl le an sual reromi zalennak hrang thazaang kan peeknakah kan vote mi rori a si tiah ka zum.

Kan CNO General Secretary Thawng Thawng le kan raalkap zate Pathian nih lam lo hruai hai sinsin hramseh. Lo humhim vivo hramseh. Zalennak kan co hlan tiang mipi nih thazaang peek sinsin cio uh si. Congratulations Thawng! A veithumnak kan ton aw saal ahcu, thuanthu thar Bawipa nih in ngan ter hram seh.

Hmailam caan ah Chin mino sungin Pathian hrang, kan miphun hrangah le leitlun pi hrangah a tangkaimi Chin Youth suak sinsin hramseh tiah thlaza ka cam. Lungsung takin a lo lungawi pitu, Justin Thang , Chin Youth of the Year 2021. Midang zong nih lompi nak mah tihin an chom ve hna, “Salai Van Thawng Thang lungawipinak ah:

Zo ih fial le fawrh hman silo ih kan miphun in zalennak diktak a hmuh theinak dingah tiih mai inn hlum le nu le pa tanta ih (hiti ih a nu a fehsan laifang hi a nu a tuamhlawm rero laimi fehsan in, ziangtikah ka nu hi in cemsan ding ti thei cingin), seherh lo bangin kan miphun le kan ram ih kawhnak aw sawn thlun in ram dai ah, ni sensa hnuai ah, cerek van ruah bangih a sur rero mi lakah na pekawknak rah a si.

Cawimainak a lo petu Chin TV nan tuanvo na thei ih a lungawi um tuk aw. “Chin Youth of the Year 2022” cawimawinak hi na khum dingah a mawi cuangce ka ti. Pathian in malza lo sawm seh law. Mai miphun cawisanawk kan thiam vivo a sile, miih zah le upat kan hlawh kei, namthlak awk le phiarsawmawk kan hman lai thotho a sile kan hloral vivo ke.

Ka fapa Thawng Thawng, tuisun ih cawinaknak na dawn mi hi a lungawium tuk, in cawimawitu pawl khan ni tam a rei hlanah “khengbet aw” tiih autu an si thei sal timi hi hngilh pang hlah aw. Chin miphun in kan lo rinsan ih nanmah hmangin Pathian in kan miphun le kan ram damter hram seh tiin thlaza kan cam.

Kalay Peng Ah SAC Ralkap Nih Lamkam Thingkung An Hau Tiah Tualchung Mi Nih An Chim! Kalay-Tamu motor lampi telh in Kalaymyo pengchung hmun tampi ah a ummi thingkung hna cu SAC ralkap nih tuthla chung ah nitin ngawt in thingkung an hau kan hmuh, tiah tualchung mi hna nih an chim.

Kalaymyo pengchung lamkam ah cinmi thingkung hna SAC ralkap nih an haunak a ruang hi khuapau a si cang caah vanlei kahdohnak ding timhtuahnak an ngeih caah a si kho, tiah tualchung mi hna le PDF nih an zumh. “Thinkung a nganmi pawl cu a luancia thla hnih hrawng in an hau cang hna, PDF cawlcanghnak hmunhma lawng siloin hmun tampi ah thingkung cu an hau.

Van lei kahdohnak tuah a timh caah a si lai tiah an lunghrinh cio. Ruahchanmi ngei tein tuahmi thil a si,” tiah Kalaymyo khuami pakhat nih a chim. Tualchung hriamtlai phu hna nih lamkam ah a ummi thingkung cung ah bomb hmanh in kahdohnak an rak tuah caah SAC ralkap hna nih lamkam thingkung an haunak a si tiah thawngpang a rak leng bal cang. Asinain atu ah PDF thazaang a ṭhawnnak hmun lawng ah siloin pengkulh chung hmun tampi ah SAC ralkap nih thingkung an hau, tiah tualchung mi hna nih cun an chim.

“SAC ralkap nih thingkung an hau kan hmuh, vanlei kahdohnak tuah a timh tiah thawngpang zong a leng, kanmah lei zong nih a hlankan in timhtuahnak kan ngei ko,” tiah Kalaymyo peng tualchung hriamtlai phu chungtel pakhat nih a chim. SAC ralkap hna nih cun anmah pumpak in thingkung cu hau lo in Department of Construction cu an hauter hna. Cucaah Construction zung rianṭuantu hna cu SAC ralkap fialmi ṭuan lo ding in tualchung hriamtlai phu hna nih ralrinnak an pek hna.

Mandalay Ramṭhen, Matayar Peng Ah Bomb Puahnak In SAC Ralkap 9 An Thi Mandalay ramṭhen, Matayar peng Muaitalaing(မြွေတလိုင်း) khua um SAC ralkap pawl cu bomb in kan puahhnawh hna caah SAC ralkap 9 an thi, tiah bawino Tea nih a chim. Mandalay ramṭhen, Matayar peng Muaitalaing khua ah umhmun a khuar i, Ayeyarwaddy a tlaklei Wetlet peng ah hriamngan in a kaptu SAC ralkap pawl cu nizan November 14 zing sml 9:00 hrawngah Muaitalaing khua in an chuah lei ah bomb in kan puahhnawh hna i, SAC ralkap 9 an thi, pakhat hliamhma fak ngai a pu, tiah Bawino Tea nih cun a chim.

Bomb kan puahhnawh hna sml pakhat a rauh ah Matayar khua in SAC ralkap 300 hrawng cu Ayeyarwaddy tiva thluan in an chuak i, khuate cheukhat ah umhmun an khuar, tiah tualchung mi hna nih an chim. Cu kahdohnak ah cun Tawkyi Myaway pyaw(တောကြီးမြွေပွေး) le Daung Shwe Bo pengkomh Battalion 17 hna i bawm in an kah hna, tiah theih a si. SAC ralkap nih Matayar peng Ayeyarwaddy tiva thluan ah a ummi khuate tam ngai ah rallam an sial i, khuami tam tuk ralhrial in an zam, tiah theih a si.

SAC Nih Thimnak An Tuah Dingmi Kan Cohlang Lai Lo – Malaysia, SAC nih a ra laimi thimnak tuah an timhmi hi kan cohlang hrimhrim lai lo, tiah Malaysia ramdang minister Saifuddin Abdullah nih a chim. Thimnak he aa pehtlaimi upadi vialte SAC nih an remhmi hi hramhram in an remhmi a si i, mi zeihmanh nih an fehter lomi a si caah kan cohlang lai lo, tiah a chim.

“A luancia Myanmar thimnak kha cu a za longmi le a dikfelmi thimnak a si. Vawleipi nih a cohlanmi zong a si. SAC nih thimnak tuah an timhmi hi cu upadi he aa kalhmi a si caah kan cohlang lai lo, tiah online in thawngpang fianternak tuah lioah atu bantukin a chim.
A luancia thimnak lioah Democracy a dirpi hna nih teinak an hmuh ko nain Hluttaw tonpumhnak an ngeih hlan ah SAC nih nawlngeihnak an lak. Cucaah SAC nih thimnak tuah an timhmi hi Malaysia le ASEAN nih cohlan dingah a si kho lomi thil a si pinah tlukruannak a um lomi a si, tiah Malaysia minister Saifuddin Abdullah nih cun a chim.

Indonesia ram Bali tikulh ah tuah dingmi ram ngan 20 (G-20) lutlai upa hna tonhpumhnak ah a kai ve dingmi UN General Secretary António Guterres he zong online in Myanmar ram kong ceihmainak kan ngei, tiah Saifuddin Abdullah nih a langhter. Myanmar rammi har tongmi hna hi vawleicung ramkip nih bawmhchanh an i timh ko nain SAC nih an cohlan lonak kong zong Malaysia minister Saifuddin Abdullah nih thawnglatu pawl sinah a chim chih.

Nutung Muidawh Zuamnak Ah Chin Nu Sarah Boih Nih Laksawng Phun Li A Co, Mandalay ah nutung muidawh zuamnak tuahmi, Mrs Grand International 2022 ah Chin nu Sarah Boih nih nizan November 14 zan ah laksawng phun li a co, tiah theih a si. Sarah Boih nih laksawng a comi hna cu:- (1) Mrs. Grand International Standard Winner . (2) Mrs. Friendship Award.

(3) Mrs. Popularity Award. (4) Mrs. Best Talent Award hna an si. Mrs Grand International 2022 zuamnak Winner laksawng cu Vietnam ram aiawh in aa zuammi nu nih a co i, nutung muidawh zuamnak ah ram 30 an i tel, tiah theih a si. Sarah Boih cu fanu pathum a ngeimi a si i a fanu pathum le a vapa he Yangon ah khua a sami an si.

Myanmar Buainak Kong Kan Tlangtlak Kho Hna Lo – UN General Secretary, Myanmar buainak kong he pehtlai in vawleicung ramkip le UN nih remhdaih khawhnak dingah kan tlangtlak kho hna lo, tiah a luancia November 13, Cambodia ram ah tuahmi ASEAN lutlai upa tonpumhnak ah UN General Secretary Antonio Guterres nih a chim.

Myanmar rammi hna cu a fak bikmi harnak nih a den hnanak kong le SAC nih thong an thlakmi hna zong a rannak in chuah ding le hramhram in SAC nih thil an tuahmi ngol ding zong UN General Secretary Antonio nih a chim. A ra laimi ASEAN Chairman a ṭuan dingmi ram cu Indonesia an si lai i anmah nih Myanmar ram kong ah biatak thlak in thil an tuah lainak kong a zumhnak zong UN General Secretary Antonio nih a chim chih.

Myanmar ram kong tawlreltu UN palai le ASEAN ram kong tawlreltu Myanmar palai he i bawm in Myanmar ram Democracy co ṭhan khawhnak ding ah fak piin kan i zuam lai, tiah UN General Secretary Antonio nih cun a langhter. US President Joe Biden zong nih Myanmar ram Democracy hmuh ṭhan khawhnak ding ca ah fak piin kaa zuam lai i, ASEAN nih biahren an chiahmi phung hi SAC nih an zulh awk a si, tiah a forhfial hna.

ASEAN nih biahren an chiahmi 5 cu SAC nih kum khat le a cheu chungah pakhat hmanh a zulh lo caah SAC nih ASEAN biahren a zulh ṭhannak ding ah caan ri khiahpiak in ASEAN hruaitu hna nih bia an chah, tiah theih a si. SAC nih cun Myanmar ram kong ah ASEAN cu zeihmanh i thlak lo ding in cathanh an chuah. Crd-The Chin Post