A smart mi nu na duh ahcun a pom ning tein fek te a dir tikah na inn piak khawh le na theihthiam ve a hau hnga

A smart mi nu na duh ahcun a pom ning tein fek te a dir tikah na inn piak khawh le na theihthiam ve a hau hnga!
==========
A smart mi nu na duh ahcun a pom ning tein fek te a dir tikah na inn piak khawh le na theihthiam ve a hau hnga. Na chimhmi poh ee, ee, ee a ti pengmi nu na duh ahcun a thluak lei he thinlung lei he a rak chambau kha na theih piak khawh ve i a hmaiin na dirkamh zungzal a hau hnga.

Nu dai te na duh ahcun na theih piak khawh lomi a thinlung fahnak le a chim lomi ngaihchiatnak a ton mi vialte na kilven piak a hau hnga. Cun ningzah fak zong a si khawh caah a ngamh lomi thil ah hnekchih (press) loin a hmai in an dirkamh a herh caan a um kho.

Muidawh le a laarmi nu na duh ahcun a thilpuan le ṭamhnak na rinh dih a hau hnga i hawikom tampi a ngeihmi cungah na inn piak le theihthiam piak a hau hnga.

Nu piangthar na duh ahcun fa le va le dam lo zongah pumh tlolh a duh lo, chungkhar pumhnak tuah an huah peng mi le a Bible rel le thlacam nak caan a pek mi te pawl, rawlulh thlacam kal a tlolh duh lo mi vialte na theihthiam piak ve a hau hnga.

Tangka a kawl khomi nu na duh ahcun innrian a tlolh tikah na theihthiam piak a hau hnga. Innrian ah tla ṭhipṭhep tein khuasak tlai seh law nau zoh seh ti na duh ahcun a herhmi vialte a chim hlan ah na ruah piak a hau hnga i cun zei tik hmanhah zei hmanh na chuahpi lo timi bia na ka in na chuah ter lo a hau hnga.

Na chung le he a rem ding nu ṭhit na duh ahcun nupi na ṭhit laiah nan chung tein generel meeting nan ṭhut hnuah nangmah duhmi si loin na chung le duhmi na ṭhit a hau hnga. A perfect mi nu cu kawl len law na hmu lai lo. Nain na dawtmi nu cu na caah perfect a si ko. Kan i lawm. Credit: Lainu Dawtu Aa Bor

Note: Hmanthlak hi online google chungtal lakmi a si. Careltu nih nan theihthiam lai, tiah zumhnak kan ngeih fawn. Nan kan leng peng caah kan ilawm tuk hringhran ko.