A Poi Tuk Hringhran; US Ram Um Chinmi Nih Kan I Ralrin Taktak A Herh!
Siaherhnak Ralrin Cio Ding!
=========
US 31 le Epler lam a tonnak BP gas, station ah ice cream cawk ding ka kal. Rian ttuan chuncaw ei caan i dinh lio ah asi. 5′ 6″ hrawng a si ve mi pa he kan i tong. Dawr chung ka luh bak ah ka sin ah a ka rat hnawh i, tangka nawi na ngei maw? Ka herh tuk! a ka ti. A mah cu ka vun zoh tik cun a kut ah $100 ca a ken mi cu ka hmuh!
Cash hi ken ka hmang tuk lo nan, mah ni cengel cu ka nu nih $20 ca, tlap 20 kha nau zohnak pek ding ah a rak ka pekmi ka rak ken zir.
Mah pa cu ka zoh tik khan $ nawi a herh tuk mi cu a lo i $20 ca ka ngeih mi cu $100 in ka pek. A mah nih $100 ca a ngeih mi a ka pek i ka kut cung phak bak ah tangka $100 si tak lo! ca-tlap sawh sawh (FAKE) si ka fiang. Zohnak in cun tangka $100 ca bak khi a lo!
Ka lungchung tein cun MAW KA NU! a ka hlen cang ko hi ta ka ti. Kanu nih a ka sik ding kha ka ruat colh! “DTZ Mi na zum tuk! Na hnangam tuk! Lung tler hna var zong ngeih ding!” a ka sik ding bia khi a dong ti lai lo, Mah lio inn ttin ka zeuh ning hi cu mu.
BP gas station i dawr hngaktu pa kha a lau tuk ve i va dawi zok a ka ti ve! CCTV um ko police zong kan auh hna lai ti ko nan a ka tlik tak diam. Police nih tangka tak si lo mi (FAKE MONeY) $100 cu an fim.
Tu lio hi ke vak in tangka halmi le mi hlen hmangmi le thilfir hmangmi an tam tuk. Kan hnu kum dongh khan kan rianttuannak kan pi, i mawttaw chung um mi a thil pawl zong an baoh i an rak lak piak dih bal. CCTV um an theih ko zong ah an ttih lo mi a lo! Voi 2 leng hau kulh mi an rak bauh! Tu cu police nih zing le zaan round an tuah cang ko nan ralrin peng hau.
Mah bantuk thil cu ka tong lai ti ka ruah bal mi zong si ve lo nan hmailei tu ah ralrinnak tu a ka cawnpiak. Meithal te hna i ken hna seh law, theih lo si! Ka lo diam ko! Leng chuah tik ah, pawngkam zoh bu tein le ralrin tak bu tein chuak hna uh sih! HO HMANH ZUMH lo ding!
Theih ding cu : Tangka si tak lo mi cu, a tang hmanhlak kan rin mi khi zoh uh law, pen in kan rin i a yawng (color) khi a nak nawn pi in a um lai. Money Marker an ti, Amazon ah $8 hrawng si. Tangka a tak tak le tangka a ttuh (fake) theih ngah! Ngeih khawh cio cun a ttha. Siaherhnak he, Zingkaling.