Chin Ramkulh, Sami Khua Ah Facang Tun 1 Ah 180,000ks Tiang A Phan
======
Chin ramkulh, Paletwa peng, Sami khua ah nifatin eiawk rawl a si mi facang, chiti le piat man a kai tuk i facang tun 1 ah 180,000ks tiang a phan tiah Mizzima nih a langhter.
Thilri phorh duh ahcun SAC ralkap sin ah nawl lak ta hmasa a hau i, eidin rawl pawl phorh a har tuk ruang le fur caan a si caah thilman a kai tuk tiah tiah a ṭial. A luancia kum dongh hrawng ahcun facang tun 1 ah 80,000ks, piat cuai 1 ah 7,000ks, chiti 1litre ah 8,5000ks, arti pum 1 ah 1,000ks tiang thilman an kai tiah theih a si.
Paletwa le Sami khua ah thilri phorh a herh ahcun Rakhine ram, Kyaukdaw lam le Pakokku – Matupi lam in Sami khua ah thil rak phorh a si nain kahdohnak ruang ah Rakine ram, Kyaukdaw ti lam lawng an hman khawh cang tiah theih a si.
Chuahni Lawmhnak Puai A Tuah Mi SAC Ralkap Bom An Thlak Hna, 2 An Thi; Sagaing ramṭhen, Myaung peng ah a um mi SAC ralkap sakhaan ah chuahni lawmhnak puai a tuah mi SAC ralkap pawl bomrap an thlak hnawh hna i 2 an thi tiah CDSOM Myaung peng PDF nih an thanh.
June 25 zaanlei sml 3:30pm hrawng ah Myaung peng, SAC ralkap sakhaan ah chuahni lawmhnak puai a tuah lio mi SAC ralkap pawl cu maungtu ngei lo vanlawng hme 2 in bom voi 3 an thlak hna. Bom lung 3 cu sakhaan chung ah a tla i a puah caah SAC ralkap 2 an thi, 5 leng fak ngai in hliam an tuar tiah theih a si. Kahdohnak chung ah CDSOM phu, Captain Kyathit phu, Bomh God le adang PDF phu hna bawm in kahdohnak an tuah tiah theih a si. Crd; The Chinland Post