Thailand Ralkap cozah cawlcangh hi ttha te in ngiat a hau mi asi.
======
UN le International rampawl sin ah SAC ralhrang an mah aho hmanh nih an cohlan hna lo tik ah Thailand atu lio cozah nih hin heh tiah SAC lei ttang in a chim kanh hna. Mah cu UN SC ah siseh, ASEAN ah siseh ttha te in a neh dawi ahau mi asi.
Atu zong an cozah sinak a dongh lai te (nai election ah a tlak caah) Burma kong caih ding tiah ASEAN ram pawl cu a sawm hna. ASEAN Chair attuan lio mi Indonesia le Burma ram kong ah mipi lei ah a ttang mi Malaysia nih na thil tuahmi ah hin kan itel lai lo tiah Thailand cu an vun ti. Ramkip ichonhbiak nak ah bia hi nemte in chim asi tawn. A bia hi a nem te na in a fak ngaingai mi bia asi. Thailand caah ningzah awk ngai khi asi.
Thailand ram Nai election ah teinak aco mi mino deuh, progressive ruahnak anei deuh mi Move Forward Party nih hin buaibai nak um lo te in cozah dirh kho seh law kan ram mipi caah thil hi attha lei a panh deuh kho men. Tulio kan ram dirhmun zoh tik ah ram mipi nih kan si khawh chung in kan cawl. Mi kan ibochan lo na in ram inpa ttha le dirkamh pi tu hawittha tampi kan herh ngaingai lio can asi. By Salai Bawi Lian Mang