Lunglawmhnak Thawngpang
========
A Miphun zawn hmanh ruat loin ralhrang sin ah a tangmi VC Henry Van Thio cu NLD member in an chuah. Mah tein chuah si loin an chuahmi a si a zoh a chia ngai. NON CDM pawl caan a phan deng ve. NON CDM pawl zong chuah na si ve tik ah cun mihmai na khap te hnga maw? Cakei nih an tial an tlau khawh hnga maw? Rul le rul an ke an i hmuh i asi ko hen cu.
Pu Win Htein tarpa nihcun biatak ruangah cun lunglawmtein thong chungah ka um duh ko a ti. Win Htein a pasal daan ka ruah ah ka upat tuk. A pasal lo tuk le nu hni venh ter ding asi ko ee, a kong ceih zong zuam asi ti lo.
Vice President Hlun Pu Henry Van Țhio Cu NLD Nih An Party In An Chuah. Central Lairam, Lawngtlai 2023 Hniang 09: Nawlngeihnak aa hruhpi chihmi he i tonnak ah hmuh a si mi NLD cozah chan Myanmar ram Vice President Pu Henry Van Țhio cu Party chungtel sinak in kan chuah tiah NLD EC nih nihin ah an thanh.
Pu Henry Van Țhio cu zapi temtuarnak tuarpi ve ding timi party hmuitinhmi ka zulh lai tiah biakamnam a tuah hlei ah kum 2020 rampi thimnak ah Miphun Aiawh palai pakhat dirhmun in, zapi duhnak ka zulh lai timi zapi sinah pekmi biakamnak a buarmi a si caah kan chuah tiah an langhter.
‘Ralhraang nih an uknak thla 6 sauhnak meeting ah a kai caah le ralhraang nunsaunak caah tuahmi ah a nihhi dengteo te i chim ko ah cun a mah pakhat lawng aa telmi a si. Ralhraang nih hi tluk in zapi cungah hramhram in thil an tuahmi, Ngakchia, upa zapi vanlawng in bomb a thlak hna, East Lairam hoi hna cun fangkarao bak a si. Cu ah hihnu thla 6 ralhraang nih mithahnak license cu kan party nih zei ti’n dah kan cohlan khawh lai’ tiah NLD EC chungtel pakhat nih a chim.
Phungning lo ralhraang nih a luancia Chiapa 31 ah National Defence and Security Council meeting ah an uknak ca thla 6 ah an zauh, hi caan ahhin NLD cozah Myanmar ram Vice President Pu Henry Van Țhio hmuh a si. Ralhraang nih nawlngeihnak lak an timh thawk in National Defence and Security Council meeting ah Pu Henry Van Țhio hi a voikhatnak a kai a si.
Pu Henry Van Țhio cu (2016-2021) tiang Party ah zumhawktlak in rianțuan mi le Myanmar ram Vice President tuanmi a si i, tutan ah ralhraang nih rammi cungah thahnawnnak, bomb thlaknak sualnak phun zakip a tuahmi hna meeting ah aa tel hmuh a si. Hi kong he pehtlai in Hniang 9 ah NLD, EC meeting an tuahnak ah EC lungtlinnak in Pu Henry Van Țhio cu Party chungtel in chuah siseh tiah bia an chah.
NLD Central Committee nih Henry Van Thio cu NLD Party Chungtel Sinak In An Phuah! National League for Democracy (NLD) Central nih Henry Van Thio cu NLD party chungtel sinak in an phuah cang tiah August 9 ah cathanh an chuah. NLD Central Committee lei cathanh an chuah mi cu-1.Rammi sin ah kutthlak in sualnak a tuahtu SAC ralhrang Min Aung Hlaing nih uknak a lak hnu ah NLD party Chairman le Vice Chairman telh in center chungtel minunh 9 cu tlaih in thong a thlak hna.
NLD Central chungtel pakhat a si mi U Nyan Win cu thonginn chung ah ngamdam lo in a um i sii lei zohkhenh- thlopbulnak tha tein a hmuh khawh lo ruang ah thonginn chung ah a nunnak a liam. NLD party cu ramchung mipi nih an duh mi Democracy hmuhnak ding ah mipi he kutsih in hmainor mi a si.
U Henry Van Thio cu (2016-2021) hluttaw palai rian a ṭuan chung ah party nih zumh mi a si caah Myanmar ram Vice- President dirhmun tiang rian pek a si nain nihin ah mipi a hremtu, a thattu, tlaihkihnak a tuahtu misual ralhrang bu he tonpumhnak cu (31.07. 2023) ni ah SAC ralhrang he komh in rian a ṭuan mi hmuh a si.
A cunglei rianṭuannak kong he pehtlai in (8.8. 2023) ah a voihnihnak Central Committee caan karlak emergency meeting auh in Central Committee biaceihnak ah U Henry Van Thio cu NLD party chungtel sinak in chuah ding in biakhiahnak a ngei.
Cucaah U Henry Van Thio cu mipi duhnak tlinter ding le party nih aa timh mi policy zulh in ṭuan ding in biakamnak a tuah i, 2020 kum ramchung thimnak ah Amyotha hluttaw palai in teinak a hmu i, mipi duhning tein rianṭuan ding le biakamnak a tuah mi cu a zulh ti lo caah U Henry Van Thio cu National League for Democracy party chungtel sinak in chuah a si cang. 08.08. 2023 ni a voi 2nak Central Committee Caan karlak meeting hnatlaknak he, Central committee, National League for Democracy
Vice President Pu Henry Van Thio NLD in an phuah. Pu Henry Van Thio nih Mee thlatu rammi hna sin zumhtlak sinak biakam a buar i ralhraang council sin aa fonh ca ah NLD party chungtel sinak in kan phuah tiah nihin nithla khenh in NLD nih cathanh an chuah. Hi biakhiahnak hi, nizan ah tuah mi a voi 2nak central committee lakhruak meeting ah mi tam u hnatlaknak in khiah mi a si tiah an langhter.
“Rammi duhnak biapi ah chia in rian a tuan mi party i a hmuitinh hna le policy pawl ka zulh lai tiah bia aa kam pin ah, 2020 thimnak ah party aiawhtu Amyotha Hluttaw palai pakhat sinak in mee thlatu rammi hna duhnak biapi ah ka chiah lai ti mi rammi hna sin biakamnak a buar caah Pu Henry Van Thio cu NLD party chungtel sinak in kan phuah,” tiah cathanh ah an langhter.
Pu Henry Van Thio cu 2016 – 2021 Hluttaw caan chung ah party nih zumh ngai in tuanvo kan pek mi Vice President a rak si nain atu ah cun rammi hna cung ah hrem, tlaihkhih, thah nawn le sualnak phun za kip a tuah mi nawlngeihnak chuttu phu he July 31 ah aa fonh mi hmuh a si ti zong cathanh ah an telh.
Ralhraang council nih NLD party Chairman, Vice Chairman, CEC chungtel pakua leng ah NLD party chungtel tampi thong an thlak hna ti mi le, NLD party cu ramkomh pumpi in democracy a duh mi tlangcung mi hna le rammi hna he hmun khat ah kan dirti ti zong cathanh ah an langhter.
NLD CHAN VICE PRESIDENT H. VAN THIO NIH GENERAL MINAUNGHLIANG DIRKAM! July 31,2023 Zinglei 9:30 ah Myanmar NDSC (National Defense& Security Council) cu an nei i,Members-11 dingah Members-9 lawng an kai. Cu hna pawl cu;-Acting President U Myintshwe, Vice President Pu Henry Van Thio, Chairman of Phytuh Hluatdaw U.T Khunmyat,Senior General MinAungHliang, Vice Sr.General Soe Win pinah Ministers of Defense, Home, Foreign le Border Affairs an i tel.
MAH nih tuhlan bantukin biapi -pa a chim tilo na’in, rampi Democracy thimnak tuah dingmi ah Township 330 ah Sagaing cheu khat, Maggwe chaklei, Chin, Kayah, Karen hmun cheukhat, Pegu Nichuahlei le Taningtary cheu khatah Security ruangah tuah khawh dawh kan si rih lo pinah Townships-325 tiang Thimnak tuah kan duh
ca’ah Emergency SAC Cozah cu Ram Phunhrampi Article-425 bangin Thlaruk dang rak kan samh piak rih uh ti’ah “ကာလုံ” cu a nawl hna i, cu’ah cun Vice Sr General Soe Win, NLD chan lio Vice President Pu. Henry Vanthio, Speaker T. Khun Myat le Home/Defense Vuanci Minung-5 nih an support(ထောက်ခံ) ca’ah MAH hruai SAC Ralkap Cozah cu Kum 2023 dongh tiang an kal rih lai tinak asi.
2020 General Election ah Suukyi hruaimi NLD Cozah nih ningcang lo’in Votes an fir(Rigging) ti’ah USDP le Ralkap nih an puh ca’ah January 1,2021 ah SAC nih Anna an ting hnu’ah,vawi-4 tiang a caan an suah cang i, a tu zongah 2024 October thla ah Minung minlu relnak(Census) kan tuah dih hnu lawngah thimnak hi tuah kho asi lai i, a caan cu kan chim kho rih lo ti’ah Pu. Zawmelung nih a chim chapbei rih. Cu asi’ ah cun,Myanmar ram cu Ralkap nih 2025 tiang an uk rih kho men ti’ah mi tampi nih zumh asi.
Pu Henry Vanthio hi tuhlan “Anna ting” ka 2021 in 2023 January tiang kha cu NDSC (ကာလုံ) ton -nak meeting ah, ka dam lo ti’in a tel bel lo na’in, tutan cu a tel ve pinah MAH thloptu bakah a tel ve cang ca’ah mi tampi nih cun, lungrawk lei’ah SAC hi dirkamhpi law law cang hna usih hei ti sehlaw a lo ngai cang an ti. Cu asilo’ah Ralkap nih an hnekchawm mi zong asi kho ve ko.
A zei khom va si’ah, General Newin chan lio i Pu. Van Kulh(Vuanci/ကောင်စီဝင်) bantukin “Newin Uico” Pa an rak ti len ko na’in a donghnak ah cun, mi zaapi nih kan i bochan bikmi le”Gangaw-Hakha” le “Hakha-Matupi” lampi a kan cawhpiaktu kan Pa bik bantuk ah kan rak chiah thiam thiam ko. Amah Pu Henry Vanthio zong hi Pu Vankulh(L) bantukin Kawl ralbawi hlun thiam arak si ve hoi.
Thaituan August 1,2023 ah MAH dirhmi Pura Pi cu Nyphydaw ah hlunghlai ngai’in hawnnak an tuah lai i, Suukyi le Political Prisoners cheukhat chuah an i timhmi cu, Mi fim ati mi Mihrut pawl an holh tamtuk ruangah a caan thial kho men ti ah an chim ko khah! Kachin ram KIA Hqtr laak ding kongah cun, China Special Envoy nih a that nak in “Tlangtlaknak” a serpiak hna ti’ah thawng kan theih.
Cun, 2021 ah NLD Cozah hmanh sehla, Vice President ah ret an tum nawn cuang lo.. U Manwin Khiang Tan kha pek an rak tummi asi hlei ah amah khal NLD ruh le Pakhal khal arak silo hrim hrim. Credit: MC Biklian
Adik/ttha bak si. Asining te si. Van Thio hi miphun le ramca rianttuan taktak arak silo tihi afiang tukcang. Mahpaw, sinak duh, ruangah miphun le ram zuarzong apoi tilo mipa pei arak siko hi! Kan Pale tiah kan timi hna cheukhat nih kan Miphun pi caah Reliable and Stable Character an kan ngeihpiak lo hmanh ah kan U-nau hna Thisen le temtuarnak hna cu Pathian nih alak in a canter lai lo.