A molh bakin an molh ko rua

A molh bakin an molh ko rua
***********************
Ralkap nih press conference(သတင်းစာရှင်းလင်းပွဲ) an tuahmi hmuh le ngaih hi a celh ka celh bak lomi a si. Na celh lomi tham cu ngai hlah law zoh hlah ngat nan ka ti men lai nain, ka mit nih a hmuh ve ṭung i zoh ta lo ngaingai le ngaih ta lo ngaingai ah ka sia herh thlorh in a herh ve ṭung hoi i, ka sii a vang tuk tawn. Rul a hmumi ka lo. Rul khi fih a nung i ṭih zong a nung nain, hmuh hnuhnu cun zoh loin kan um kho tawn lo cu mu. Zaw Min Thun hmai maw ka khap lo deuh, a chimmi a bia pawl dek!

Ralkap khi hruh cu an hrut lai lo nain, a molh tu cu an rak molh bak ko rua. Zia chiat zong an si rua lo i, ṭhat lo zong an si hlei rua lo. Molh deuh bia a rak si ko rua. Molh hnuhnu cun an sual a hau ko. Fim hna sehlaw cu chim hau lo a si hnga i, a hruh in hruh hmanh ah khi taitai khi an sual hnga lo. Molh bia rumro deuh an si ko rua.
Zeitindah an chimmi khi zum hna seh an ti khawh hnga? Rangoon vuancichuk pa Phyo Min Thein nih a chim an timi video clipp hna khi zeitindah a ngaitu hna nih zum hna seh an ti khawh hnga? Mi zei an rel lo taktak khi a si. Nehsawh tuk bia a si fawn. Mi vialte hi anmah bantuk mi molh ah an ruah dih hna rua. Lih chim hna hi fim ve zinpan ko ahcun chim ngam tuk a si bal lo. Mit i chinh i, tawka i sim riangmang in lih a phunphun chim ko cu molh lo ahcun a si thiam lomi a si. Minung thinlung hna an keng ti rua lo. Credit: Perhkalh Thawng

Relchap, Democracy le Federal aa Danghnak (umhar pheng ah). Democracy le Federal hi a pahnih in a sengtlaimi (pehmi) phungning (principles) ah ruah cio a si. Hi pahnih a pehtlainak a fiangtermi theory hi a um lo ti awk tluk a si. Hi pahnih federal le democracy fonh in cozah dirh tik ah harnak zuamcawhnak tampi a um tawn. Democracy nih federal ram le federal phung a ser lo. Federal Democracy ram dirh tik ah Institution pawl sersiam tik le phunglam ningcang te in rian tuan tik ah harnak tampi a um. Democracy uknak timi cu rami duhnak (will of citizens ) in khuaram le bu kha luatte in uk kha a si (mahte uk autonomous) a si nian federal system ahcun community (mibu) he fonh in pengtlang ramthen bu, unit le level kip kar ah ceihruahti – (zapi ruante i hnatla) uknak coordinated governance (ညှိနှိုင်းအုပ်ချုပ်မှု) kha a si.

Federal system ah cun party pawl le hluttaw parliament pawl kha mah le uknak hmun ah Upadi sernak nawl a pek nain Uknak (governance) ah ri a khiah/nawl a pe lo. Khatlei kap in chim ahcun Ceihruati uknak nih executive riantuannak a thawngter tinak a si. Cucaah party le MP a lutmi cu uknak nak in upadi ser hi an rian deuh a si. Hi pahnih hi a ralkah lo hi a biapi. Zapi theih mi Federal democracy ram i cozah umtuning cu baho cozah le ramthen State le Region pawl phunghrampi ning in uknak-nawlngeihnak i then kha a si.

Aho poah nih federal le democracy cu a pehtlai tiah zumh dih a si. Democracy timi cu a fekcangmi (stable) ramthen pawl ah a hlankanh in phunghramser kha a si tiah chim cio a si i Federal timi cu cu democracy kha fehter bawmhchan kha a si ti a si. Federalism nih democracy a thawngter. Ralkap uknak le mahnawl in uknak (autocrat) cozah cu federal cozah sernak hrawktu an si. Federal ram cu phunghrampi cung ah le rule of law timi le upadi phung zulhmi (rule of law) a umnak cung ah dirhmi a si. Federalism le Democracy an riantuannak a kalning cu a dangmi procedures tuanning le ramkhelning -modes of politic le pawlisi-sernak (policy-making) ah a dang. Credit: Dr. Sui Hingz