Ka kawi Tha Nang cu tanghra ka awn hnu i, Ka vuikhat nak ka rian tuantti hawi Ka tlunkal tti hawi na si , Ka bia ruah tti hawi na si , Kawi nan khua ah kaa nuam na ti , Nan khua nu ka thit lai na ti A hnu bik khua ka rak tlun ah Kawi ka Dawt a rak tlung tu vuikhat hnu in cun Kumthum hnu lawng ah kan i tong cang lai Na ti lo maw kawi?
Na ton manh maw na dawt kha? Na ton manh hna maw na chungkhar kha? An i zum lai na ruat maw? Hmailei caa na thuktan mi Na khan mi Na chun mang an tlinh rih tlun lo , Kawi Na lungsia a herh ve theu lai Ka tuah ding tam tuk rih e na ti theu lai Pasal tha Ram le miphun dawt ruang ah na ngeih chun na nun nak na pek Kaa lungsak kho lo kaa zum kho lo Khua ka tlun tik ah Pa Siang tah um maw?
Ka ti hna tik ah Pa siang cu e a rian ai lim cang nan ti ne lai maw? Inn a tin cang an ti ne lai maw? Pasal tha Pahnih nak an daw bik tu ka si lai na ti Khui na ka dawt mi Ka Birthday caan ah zaan Suimilam 12 tiang hngah in Chuah ni lomnak na cung ah um seh tarchia tiah Chuahni thlacam piak tu Lung caan i pe mu ttap ti hlah mu tiah Na ka hnemh kun Ziah tu cu nang nih na ka liam tak than kun Ngaihchiat thinhnu hnem tu kha An liam tuan an ti maw?
Na thawng ka theih ah khan Zaan mang si hram seh ka ti Kan Ramthat nak ding ah lu zeizah hen herh rih lai Pathian Upat nak sang bik kan pek ka kawi Ka sian lo ka kawi Kei zawng vawlei in zungzal ka tlau ve te lai Cu tik ah Tarchia na rak phan cang ma tiah ka chon te mu. Kan Pasal tha 8 May 2023
Ka dawtmi nih ziah pakhat hnu pakhat in na kan liam tak kun. Kan in dawt nan ti lo maw? Khui na kan dawt mi. I lungsak mu kan in um pi na ti lo maw? Ziah tu ka mitthli hul hlan ah na ka liam tak than khun e. By Mai Sui Hlawn Par
CNDF Ralkap Salai Ngun Za Lian Kim Bomb I Thlahphoih Sualnak In A Nunnak Liam: CNDF ralkap Salai Ngun Za Lian Kim (kum 21) cu May 6 ni ah Bomb i thlahphoih sualnak in a nunnak a liam tiah CNDF nih May 8 ah ngaihchiat nak an langh ter. Ram le Miphun caah a nunnak a pek mi Salai Ngun Za Lian Kim cu CNO/CNDF nih upatnak kan in pek, a kal tak mi chungkhar hna nan ngaihchiatnak kan in hrawmpi hna.
Bochan awk Pasal tha nang mah cu na riantuan hawi CNO/CNDF nih kan in philh lai lo i ram caah na nunnak na pek hnawh chan mi ralhrang uknak tha lo cu a hram in bongh ding ah a dih dongh tiang kan doh lai tiah na min chal in biakam nak kan nei tiin CNDF nih ngaihchiat pinak cathanh an chuah.