A dawt i an i uan tukmi khua a kangh cuahmah a zotu CDF hna caah zeitluk in dah a hei fah chin hnga?

A dawt i an i uan tukmi khua a kangh cuahmah a zotu CDF hna caah zeitluk in dah a hei fah chin hnga?
==========
Facebook cung i a khu hliahmah mi Thantlang khua hmanthlak kan hmuh ah kan ngaih a chia. Vuichip le Marau tlang in a chuahsemnak, a tlaihchan a dawt i an i uan tukmi khua a kangh cuahmah a zotu CDF hna caah zeitluk in dah a hei fah chin hnga?

Kan neih mi chung in khon awk a ttha mi phaisa zeimawzat te Kan thawh mi i uang in nan ral a chia tiah kan mawhchiat hna. Pakhat lawng a ummi an nunnak thap siang in mah ser chom thonghrolh he kuan lakah pawkhimlo, mitkuh vuai lo in a ummi hna le an chungle mithmai zoh lo in kan i hro. Hmai thla i a lut tthan ding mi phaisa Kan ngei tiin Kan i hnemh lio ah a cheu unau hna cu an pum tling hmanh in vui an tong lo.

A langpar in ram ttha in chuahtaak ding in forh mi chungkhar hna nih an kaltaak cang mi khua, inn hna nunnak thaptu naule hna nih ei ding caah, hruk ding caah, i thuhnak le i dornak ca ah an hrawh an boh mi le thil ttha lo an tuahmi thawng theih ah kan zai, nawisen kan hnuk.

Zah hngal lo le mah hngal lo ah kan chiah hna. Kanmah vial Vunrang hna ngunkhuai bawh in rawl caah kan ti, sii caah kan ti, kan fale caah tiin a lak in ngah khawh mi paoh tlolh kan i tim lo, lih chim kan i harh lo. Sining cio, dirhmun cio khi fiang tein zoh cio hei si seh law mawhphurh a tongmi hriamtlai hna le ram ttha in mi mawhphurh a rianmi hna ahhin aho khi dah a hei mawh deuh taktak hnga?

Tutan ral kong ah biakhiahnak le cawlcangh ning kong ah palhnak le a cang sual mi a um len ko lai. Lungtlin lonak zong ka ngei ve ko men lai. Nain, nunnak a thap mi hna nan ral a chia timi le dinei le hrukaih kong i kan kaltaak cia mi Hmun I an tuahsual mi kong tu ahcun mawhphurh hi a ngamh ka ngamh hna lo.

Thantlang kan boruak cu ruahnak ngaihchia ngai a si. Nain a luan hnu i sual i phawt hi cu sullam a ngei ti lo. Khuadang ca tu ah fimkhur deuh in umnak tu h cang Hram seh. Credit: Mang Hram Kung

Zeidang kong cu i mawhchiat zongah ai ning. Zaamtaak cia mi an tirawl an va dinei mi hna an phunzai mi cu ka khuaruah har ka ngaih zong chia. A neitu hmanh nih kan kaltaak mi te um khah rak i zoh te uh ti dingah ka ruah nan. Ei rilmal hna seh, ka ti le rawl silo buah. An ei khawh lo cun Laitlang um zu le va nih ei hna seh, ralhrang nih i khimh lennak cun.

A hramthok tein Khua nu khuapa hruaitu hna nih inn hra a van kangh sin in thla lau le lung rang tukin bia an khiah colh i an i palh cikcek ruangah hi vialte hi kan ton a si i zei taktak hmanh i mawhchiat chap awk an um ti lo. I soi chap duh cun nan ralchia ee ti len loin a hramthok kong kha diriam takin i soi ding si ko.

Thantlang chuahtak ruangah ralzam in mi 30 renglo an thi cang tiah Khua pa pakhat nih cazin a lakmi zong kha Thantlang khua chuahtak dingin biakhiah i palhnak a phichuak cu si ko.