๐๐ข๐ฌ๐ก๐จ๐ฉ ๐ƒ๐ซ. ๐‚๐Š ๐๐จ ๐‚๐ก๐ก๐ฎ๐ฆ: Zaanmang Chia Kan Hluan

๐™๐€๐€๐๐Œ๐€๐๐† ๐‚๐‡๐ˆ๐€ ๐Š๐€๐ ๐‡๐‹๐”๐€๐; ๐‘ป๐’‰๐’‚๐’๐’ˆ๐’•๐’‰๐’‚๐’•๐’๐’‚๐’Œ ๐‘ฏ๐’† ๐‘ป๐’†๐’Š๐’๐’‚๐’Œ (๐‘ถ๐’—๐’†๐’“๐’„๐’๐’Ž๐’Š๐’๐’ˆ ๐’˜๐’Š๐’•๐’‰ ๐‘บ๐’๐’๐’ˆ ๐’๐’‡ ๐‘ท๐’“๐’‚๐’Š๐’”๐’†)(๐๐ข๐ฌ๐ก๐จ๐ฉ ๐ƒ๐ซ. ๐‚๐Š ๐๐จ ๐‚๐ก๐ก๐ฎ๐ฆ)
=======================
Atu lio kan rampi cu, ralkap nih uknak an kan chuh caah CDM cawlcanghnakin khuaci mui in kan um liopi a si. Tulio kan ram mino, Alpha, Z le Y Generation hna nan van a chia tuk kan ti hna ahcun, kannih B le X Generation pawl chinchin hi cu nan let (2) nan let (3) in van chia kan si hnga. Keimah chan chungahhin kan ram hi ralkap nih 1962, 1988 le atu 2021 February ni 1 he hin cun a voi thumnak uknak an kan chuh (anaa an kan ting) a si cang. Tuni zong hi CDM cawlcanghnak ani (22) nak kan phan cang. Chim le phuan, ceih le cum, thawngpang thanh nih a tam kaw, zumhding le zumhlo ding thleidan nih a har. Tthih le phaih nih a tam, misual, mifir le thongchuak pawl pin ah khatlei kap ah ralkap le palik.

Hibantuk thinphang le thlalau in harnak kan tawn lioah ramkip in โ€œkan ram deihnak caahโ€ thlacam nakhe lamkip in a kan tanpi tu hna nan cungah le Mizoram ah kan upatmi Chief Minister, Pu Zoramthang le Mizoram mipi, kan unau hna, kan lungretheihnak, thinphannak le harnak ai hrawm i thazang akan petu nan cung ah kan lunglawmhnak ka van langhter.

Ai-zelaw, โ€œZaanmang chia ko kan hluanโ€ ee! Zaanmui zongah ka mui ngam ti lo. Zingdai zong ah kan thinlung a dai kho ti lo. Zaan kan ih ko zong ah thinthi in kan i hngilh kho lo. Kan mitkuh a thaw ngam hrim ti lo. Kan ton cuahmah mi le kan ton lai mi hi โ€œZaanmang tal cu hei sisehlaw,โ€ kan thanghtak diam hnga. Tahlakah nihchuak tiah, kan khua Sopum pa cu ai hngilhnakin a van i hlau i, โ€œAa zelaw bialo bialo tiahโ€ a au. โ€œAw! Zei hme, zei hme tiah an van zuan hnawh cu,โ€ Ka mang ah ka hawile he thing ka i zawn le a rit tuk le a kan neh tuk hringhran, ka van thanghtak chapbai hna le ka hawile an buaituk laiโ€ tiah a ti. Atu lio kan tah, kan ai, kan lungfah, kan ngaihchiat le kan ningtih hna hi, kan zaanmang chia tal sisehlaw? kan thanghtak hnu cun a va tlau diam ve ko hnga mu? Zaanmang chia nih le a si fawn tung lo!

Cucaah, โ€œZaanmang chia kan hluanโ€ timi biatlang tar in, โ€œThangthatnak hla he teinakโ€ (Overcoming with Song of Praise) timi 2 Chanrelnak 20 hi ruatti than le thazaang lati dingin kan sawm hna. CDM timi cu, โ€œCivil Disobedience Movementโ€ ti a si. A tawinak cun uktu nih a hmaanmi phunglam le ukning kha kan duh lo tiah hriamnam tel loin, Mirang nih โ€œnon-violent resistanceโ€ asiloah โ€œpeaceful protestโ€ an timi, thisen chuahnak um lo ding tein mipi nih an dohthlenning kha a si.

Vawleicung tuanbia ahhin, CDM aa thawknak le a hmasa bik cu, cuka in khaka in tiah a phunphun an chimlen ko nain, vawleipi nih a pommi le tuanbia tling taktak a si mi cu, kan ram nitlaklei, India ram ah, India ram independent father Mahatma Gandhi hruainak in โ€œNamak Satyagrahaโ€Cite zuarthlainak kong ah lungtling lo lamzawhnak. Mirang nihcun โ€œSalt Marchโ€ an rak timi, cite zuartlainak he pehtlai in India ram a uktu England an rak dohkalhnak in, 1930 kum ah a rak i thawk mi a si.

CDM cawlcanghnak ahhin a hlawhtling mi tampi an um bantuk in a hlawhtling lomi zawng tampi an um ve. Beijing khuapi ah โ€œTiananmen Square Protestโ€ le bang ah cun warning zong pe hmasa bak loin ralkap nih an kah ciammam hna i, mithong tamtuk hliamtuar in an rak thi i, thla hnih chung ah an sung i a rak dai. Hi kong hi Tuluk (China) cozah nih nihin ni tiang hin, chimnawlh le ceihnawlh zong a duh hrimhrim lo i a khap mi a si.

CDM Cawlcanghnak in langsar deuh in hlawhtling mi hna pahnih-thum in ka van langhter lai. .1. ๐’๐€๐‹๐“ ๐Œ๐€๐‘๐‚๐‡; Kan chim ciami Mahatma Gandhi: India ram โ€œNamak Satyagrahaโ€ (Salt March) kha a hmasa bik CDM le a hlawhtling hmasa bik mi cu a si. Kum 1930 March thla ni (12) ah Mahatama Ghandi cu a hawile minung (78) he Arabian rili kam khuapi โ€œDandiโ€ in an i thawk i meng (241) bak lamzawh duhlonak an langhter. Caanrau lote, thla khat hmanh tlinhlan ah mipi sangleng in singleng tiang an phan i, India ram pumpi huap in a karh. An hruaitu bik, Mahatama Gandhi cu Kum-1930 May thla ni (5) ah an tlaih i thong ah an thlak. Asinain Gandhi tello hnu zongah an dai hlei lo. Gandhi cu 1931 January thla ah an thlah than. Cu ticun Kum (17) a rauh hnu, kum-1947, August (15) ah CDM hlawhtlinnak Independent an rak hmuh. Amahbelte, ngaihchia tuk a simi cu Independent an hmuh hnu kum cheu hmanh tlin hlan,1948 January ni (30) ah Hindu fanatic/extremist pa, a bik in Muslim a hua tuk mipa, Mathuram Godse nih India cu Hindu ram a si, zeicahdah Secular Government timi miphun kip, biaknak kip zalonnak cozah na dirh hrimhrim tiin Mahatma Gandhi cu meithal in a kah i a nunnak a liam.

2. ๐๐”๐’ ๐๐Ž๐˜๐‚๐Ž๐“๐“; Kum 1955 ah โ€œRosa Parkโ€™s Bus Boycottโ€ timi, Bus i cuan tikah Midum cu a hnulei ah Mirang cu a hmailei ah an thu lai timi dohnak a rak si. Kan Kawlram zawng ah Socialist chan lio khan ai thawk i, bus thutnak a hmaicem tlar todan pahnih thutnak lu cungte ah, (Tankadaw miatha) tiah an tial i, cuka te i todan tha cuh in kan rak thu ve zawng ah phungki pawl an puansente he an rak kai ah cun hnulei ah kan thial piak ve hna. Cuti vunhang tleidannak dohnak, CDM cawlcanghnak cu hi nu hruainak hin an rak hlawhtling ve.

3. ๐Œ๐€๐‘๐‚๐‡ ๐…๐Ž๐‘ ๐‰๐Ž๐ & ๐…๐‘๐„๐„๐ƒ๐Ž๐Œ; March on Washington ti zongah an auhmi zawnghi CDM Cawlcanghnak a rak si i Phillip Randolph, Roy Wilkins le Dr. Martin Luther King Jr. hna hruainak in an rak hlawhtling ve.

4. ๐‘๐Ž๐Œ๐Ž๐•๐€๐‹ ๐Ž๐… ๐…๐„๐‘๐ƒ๐ˆ๐๐€๐๐ƒ ๐Œ๐€๐‘๐‚๐Ž๐’; 1986 kum February 22-25 (nithum) chungah Philippine mipi nih an President Marcos (Removal of Ferdinand Marcos) Hawaii tikulh ah an rak dawinak zong kha CDM ti cun, an rak au lemlo nain CDM bak a rak si. Kha lio ahkhan, President Marcos nih mipi kapdingin ralkap a thlahmi hna kha, CDM mipi nih volh le pamh, auh le khuanh umlo tein pangparthi he tu an rak don, an rak welcome in ralkap pawl thinlung cu an rak thlen hna i, nithum chung ah an rak tei. An president Marcos zawng cu Hawii tikulh ah a zam i cuka tikulh ah cun a va thi beh.

(5). ๐“๐‡๐„ ๐’๐ˆ๐๐†๐ˆ๐๐† ๐‘๐„๐•๐Ž๐‹๐”๐“๐ˆ๐Ž๐; โ€œThe Singing Revolutionโ€ hi tutan ah biapi bikin ka van langhter duhmi cu a si. Zumh cu har ngai ko nain a taktak a si mi cu, zeidang si loin, CDM mipi, a sangsang le a singsing in an kutsih buin an ram hla, an miphun hla le an rohla sak buin dothlennak an rak tuah. 1986 kum ah anrak thawk i, kum (4) a rauh hnu, 1991 kum ah Estonia, Latvia, Lithuania le a dangdang, Baltic State hna Russian cozah kut in luatnak, (independence) anrak hmu! Mahhi ram hna pawl luatnak (independence) hi hriamnam, tuk thah le thisen tel lo tein CDM hlawhtlinnak independence cu an si.

6. ๐“๐‡๐€๐๐†๐“๐‡๐€๐“๐๐€๐Š ๐‡๐‹๐€ ๐‡๐„ ๐“๐„๐ˆ๐๐€๐Š; Kan tlangtar Pathian bia 2 Chanrelankangan 20 nak kha van zoh hna usih. Judah Siangpahrang Jehoshaphat cu Moabite, Ammonites le miphun dangdang tampi komhmi ralkap runpi nih rili ral in an ra i an rak kulh. Cu thawngchia cu an rak chimh tikah, thazaang a khingkhang lo tukmi an si caah a แนญih tuk hringhran. Asinain doh tawk kan doh ve lai cu tiin ralkap a pum in a khawm hna lo. Pathian duhnak zeidah a si hnga?tiah Judah ram pumpi ah โ€œRawl ulhโ€ in Pathian sinah thlacam le bawmhhalnak a thanh. Cu ticun Judah mi vialte, nu he nau he a hmesem in rawl-ulh thlacamnak he Pathian an kawl i, Pathian sinah bawmh a halpi hna. Amah Jehoshaphat Siangpahrang hrimhrim kha biakinn tual ah mizapi hmai ah dir in ralแนญha ngai le zumhnak he:-

โ€œBawipa kan Pathian, thil ti khawhnak, แนญhawnnak vialte na kut ah a um i, ram le miphun, uknak le pennak vialte cu na ta an si. Ahmai ah ahohmanh a dir kho bal lomi Pathian na si lo maw? Hi Kanaan ram ah a rak umcia mi miphun vialte zong na แนญhawldawi dih hna i, zungzal caah Abraham tefa a petu kha na si lo maw?……… Hi tlukin a แนญhawngmi kan ral hna doh ding ahcun kan thazaang nih a tlinh lo. Thazaang kan ngei lo. Zeitindah kan tuah lai ti zong kan thei fawnlo. Asinain kan mit cun Nangmah lei lawng kan cuan/kan zoh ko hih (๐น๐‘œ๐‘Ÿ ๐‘ค๐‘’ โ„Ž๐‘Ž๐‘ฃ๐‘’ ๐‘›๐‘œ ๐‘๐‘œ๐‘ค๐‘’๐‘Ÿ ๐‘ก๐‘œ ๐‘“๐‘Ž๐‘๐‘’ ๐‘กโ„Ž๐‘–๐‘  ๐‘ฃ๐‘Ž๐‘ ๐‘ก ๐ด๐‘Ÿ๐‘š๐‘ฆ ๐‘กโ„Ž๐‘Ž๐‘ก ๐‘–๐‘  ๐‘Ž๐‘ก๐‘ก๐‘Ž๐‘๐‘˜๐‘–๐‘›๐‘” ๐‘ข๐‘ . ๐‘Š๐‘’ ๐‘‘๐‘œ ๐‘›๐‘œ๐‘ก ๐‘˜๐‘›๐‘œ๐‘ค ๐‘คโ„Ž๐‘Ž๐‘ก ๐‘ก๐‘œ ๐‘‘๐‘œ, ๐‘๐‘ข๐‘ก ๐‘œ๐‘ข๐‘Ÿ ๐‘’๐‘ฆ๐‘’๐‘  ๐‘Ž๐‘Ÿ๐‘’ ๐‘ข๐‘๐‘œ๐‘› ๐‘Œ๐‘œ๐‘ข, 20:12)โ€ tiah thla a campi hna.

Cu tikah profet bia a rak phan i, โ€œ๐ท๐‘œ ๐‘›๐‘œ๐‘ก ๐‘๐‘  ๐‘Ž๐‘“๐‘Ÿ๐‘Ž๐‘–๐‘‘ ๐‘œ๐‘Ÿ ๐‘‘๐‘–๐‘ ๐‘๐‘œ๐‘ข๐‘Ÿ๐‘Ž๐‘”๐‘’ ๐‘๐‘’๐‘๐‘Ž๐‘ข๐‘ ๐‘’ ๐‘กโ„Ž๐‘–๐‘  ๐ด๐‘Ÿ๐‘š๐‘ฆ, ๐‘“๐‘œ๐‘Ÿ ๐‘กโ„Ž๐‘’ ๐‘๐‘Ž๐‘ก๐‘ก๐‘™๐‘’ ๐‘–๐‘  ๐‘›๐‘œ๐‘ก ๐‘ฆ๐‘œ๐‘ข๐‘Ÿ๐‘  ๐‘๐‘ข๐‘ก ๐‘œ๐‘“ ๐บ๐‘œ๐‘‘.โ€ Cu ticun, Aze! Kan Siangpahrang a molh cang/a hruh ko cang tung ti awk khin, hriam le nam si loin hlaremhbu tu a timhlamh i mithong tampi nih, Pathian sinah thangแนญhatnak hla sak pah in ral dohnak ah cun an chuak. 2 Chanrelnak 20:22 nakte ahkhan, โ€œ๐‘Šโ„Ž๐‘’๐‘› ๐‘กโ„Ž๐‘’๐‘ฆ ๐‘๐‘’๐‘”๐‘Ž๐‘› ๐‘ก๐‘œ ๐‘ ๐‘–๐‘›๐‘” ๐‘Ž๐‘›๐‘‘ ๐‘๐‘Ÿ๐‘Ž๐‘–๐‘ ๐‘’,โ€ Pathian thangแนญhat in hla an vansak le cangka, โ€œraldohnak cu nanmah ta si loin Keimah ta a si (๐‘‡โ„Ž๐‘’ ๐‘๐‘Ž๐‘ก๐‘ก๐‘™๐‘’ ๐‘–๐‘  ๐‘›๐‘œ๐‘ก ๐‘ฆ๐‘œ๐‘ข๐‘Ÿ๐‘  ๐‘๐‘ข๐‘ก ๐‘œ๐‘“ ๐บ๐‘œ๐‘‘) tibia cu a tak in a tling i, teinak an rak hmuh tiah kan hmuh.

Hi Bible caang le Gideon ralteinak (Biaceihtu 7:19-24) kha chirhchan in Chinland FC caah โ€œTeitu he cun belkuai zong kha hriamnam tha a siโ€ (แ€กแ€ฑแ€ฌแ€„แ€บแ€™แ€ผแ€„แ€บแ€žแ€ฐแ€”แ€พแ€„แ€ทแ€บแ€†แ€ญแ€ฏแ€›แ€„แ€บแ€กแ€ญแ€ฏแ€ธแ€•แ€ฒแ€ทแ€แ€ฑแ€ฌแ€„แ€บแ€œแ€€แ€บแ€”แ€€แ€บแ€–แ€ผแ€…แ€บ) timi hla ka rak tial i, football ground ah kanplayers pawl nih nihin tiang an sak theu tawn.

Isarel mi hna cu Medians le Amalek ral tih in tlangcung le lungkau ah an i thup. Gideon zawng mitsur rialnak khurchung ah thup buin fang a cil/a tuan . Cuti ai thup mipa cu, โ€œPathian vanmi nih, โ€œNang micak le miralthaโ€ tiah a auh (Biaceihtu 6:12). Gedeon cu a cak lo, a ral zawng atha lo. A ralchiat tuk ah ai thupmi asi. Asinain a bia peh kha zoh than hmanh. โ€œNang micak le miraltha, Pathian cu na sinah a umโ€( The Lord is with you, mighty warrior).Halleluiah! Pathian kan sin a um ahcun Pathian kanlei a tan ahcun, miraltha, micak le teitu ah a kan timhlamh in teinak a kan pek lai.

Cu ticun Gedeon cu hniksaknak le chinchiahnak phunphun he a rak chuak i, ralkap a khawmh in a pumh hna i, cikkhatte ah ralkap 32000 an tling. Bawipa nih โ€œRalkap an tam tukโ€. Kanmah cahnak in Median ral kan tei tiah nan i ruah sual lai. Ralchia le thir le phang in a um mi hnacu hi Gilead tlang hin nan kirkho tiah a phuan tertikah, tih le phan buin ai thawhmi ralkap cheuthum cheuhnih renglo (22000) bak an kir i, (10000) lawng an tangcang. Pathian nih, Gedeon,na ralkap nan tam tuk rih. Cucaah tiva ah kalpi hna law an tidin ning zoh in thim hna tiah ati. Cu ticun chun nilin an ti haltuk lioah tiva ah a tumpi hna i ti a dinter hna. Ralkap (9700) leklak an khupbil in ticu kuak-kuak in an din. Tihal tuk lio zawng ah ralringte le fimkan tein a um i, kanral hna nih ti chungah hin tihsi hna an thlak/paih sual hnga maw? Ti chungah hin lit (Leech) hna a um hnga maw? tiin an kutpeikuar in ti a suak in uico bantuk in an lei tein liakmi ralkap (300) te ansi. Hallelujah.Mah hna cu Bawipa thim mi ansi. Bawipa nihcun raltuk ningcang zawng an zanmang tiang in A cawnpiak/chimh hna. Cuticun phuthum ah an i then i, atulio CDM ah zanlei suimilam (8:00) a phak poh ah bel le kheng kan tum kan den bantuk hin, an nihzawng nihcun vawilekhat ah an belcu an tum, an den, an khuai. Muko an tum, mei anvan hnu ah, โ€œBawipa le Gedeon vainamโ€ tiah a rual in ruahlopak i an hung au ahcun an ral hna cu an lau, an tho i anmah le anmah an i tu an i sat in an zam dih.

Zumtu unau vialte hna zei thil kan tawn cuahmah lio zong ahhin, thangแนญhat tlak Pathian cu thangแนญhat hlasak piak in, Amah sinah bawmhnak hal ko hna usih. Cuticun Bawipa cu kan cungah vel a ngei hrim ko. Amen! 1. Jehoshaphat teinak ah siseh. 2. Gideon tei nai zong, Pathian sinah sual chir in thlacamnak, Hlasak sak nak he thangthatpeknak, Bawmhhal in thlacamnak,in a chuak mi teinak an si. Bawipa hmai ah kun hna usih. Amen. Bishop Dr. CK No Chhum