๐€๐ฎ๐ง๐  ๐‹๐š ๐๐ข๐ก ๐“๐ž๐ข๐ง๐š๐ค ๐€ ๐‡๐ฆ๐ฎ๐ก ๐‡๐ง๐ฎ ๐ˆ๐ง ๐„๐ฎ๐ซ๐จ๐ฉ๐ž ๐‚๐ก๐š๐ฆ๐ฉ๐ข๐จ๐ง ๐‘๐จ๐›๐ž๐ซ๐ญ๐จ ๐’๐จ๐ฅ๐๐ข๐œฬ ๐‚๐ฎ ๐€ ๐™๐ฎ๐š๐ฆ๐œ๐š๐ฐ๐ก!

๐€๐ฎ๐ง๐  ๐‹๐š ๐๐ข๐ก ๐“๐ž๐ข๐ง๐š๐ค ๐€ ๐‡๐ฆ๐ฎ๐ก ๐‡๐ง๐ฎ ๐ˆ๐ง ๐„๐ฎ๐ซ๐จ๐ฉ๐ž ๐‚๐ก๐š๐ฆ๐ฉ๐ข๐จ๐ง ๐‘๐จ๐›๐ž๐ซ๐ญ๐จ ๐’๐จ๐ฅ๐๐ข๐œฬ ๐‚๐ฎ ๐€ ๐™๐ฎ๐š๐ฆ๐œ๐š๐ฐ๐ก!
========
Myanmar ram mipi nih MMA ah kan i zohchun mi Aung La N Sang cu ONE 163, November 19 ah aa langh i, Japan minthang Yushin Okami he Middleweight ah an i phomh. Caan sau an i tlai manh lo, Aung La nih Okami cu round 1; minute 1 nak chung ah TKO in a tei.

Teinak a hmuh hnu i biahalnak tawi an ngeih lioah Aung La nih cun, an training pi hawi Anthony Johnson thihnak ah a ngaihchiatnak kong a chim i, Johnson hmanthlak thlir buin Singapore Indore Stadium mipi hmai ah upatnak a pek. Myanmar mipi hna ca ah thlacamnak a ngeih zungzal kong le mipi sin forhfialnak bia zong a chim.

Aung La nih “Ka duh bik mi cu Middleweight sui taisawm laak แนญhan a si” tiah a rak chim tawn nain ONE Widdleweight sui taisawm ngeitu (champion) Reinier De Ridder cu vawihnih a tei lo pinah Russian paแนญhawng Bigdash cu tukum June thla ah khan a rak tei lo caah caanแนญha hmuh dawh a si rih lo. Sinain tutan teinak a hmuh ahhin naite i ONE Championship nih minsen an thutpi mi Roberto Soldiฤ‡ cu a zuamcawh.

Croation MMA celh thiam Roberto Soldiฤ‡ hi Europe lei ah cun a minthang ngai mi a si i, Champion taisawm zong panga(5) a ngei cang. Welterweight, Middleweight le Light Heavyweight ah teinak a hmu tawn mi a si. Roberto Soldiฤ‡ hi kumthar(2023) ah cun aa celh kho cang lai tiah ruah a si i, Aung La nih ONE Championship ah a rak don ahcun a ra lai mi One Championship puai vialte lak ah kan i ngaih bik mi puai a si hrim lai. Credit: Tluanga Zathang

Aungla N sang hi Fapa a vun hrin in khan, Tu hnu aa tthuat mi cu a thei cang lai! Ka Kawi Pa, Aungla N sang hi tutan aa tthuatding hi Ka lungtha damngai i a tei ko lai tiah ka zumh. Fa pa a vun hrin in khan, Tu hnu aa tthuat mi cu a thei cang lai tiah Ka zumh cia. A hlan deuh. Vui 3 kheng te asungh kha fb ah Aungla teinak ca status Ka tarpiak Lo caah asi rua.

Yushin Okami (41) hi Asia in a chuak mi middle weight ah cun Minthang bik pakhat kumkul renglo MMA ah aa thua cang mi asi, judo black belt le BJJ champion vuihnih tiang a hmu bal. UFC i aathaut lio zong ah mitampi nih an uar ngai mi asi caah Aungla zong nih ralring ngai in le har nawn in a tei te lai.

Derider nih vuihnih, Bigdesh nih vuikhat ground game in an tei caah Okami zong Ground game hi a biapi in hman dawh asi. Aungla nih kumli chung ground game Ka cawng cang a ti ve caah tu tan ah ground game ah zeitluk in dah a thancho zong hmuh khawh asi lai.

Aungla hi hydration test asungh caah Official registration tuah hlan ah test a pass hrim hrim ahau. I ngaih ngai in ThaiZing zanlei 7:30 pm hrawng ah. A tha a um lo thongh long a thiam an thlaih khawh ah cun a sung lengmang ko lai.

Mipi Thuam I Hruk In Rallam Sialnak A Tuahtu SAC Ralkap Bomb Puahhnawh An Tong, 4 An Thi! Mandalay ramแนญhen, Patheinkyi peng Pagantat khua le Alaung khua kar ah mipi thuam i hruk in rallam sialnak a tuahtu SAC ralkap le pyusawhti phu hna cu Natsoe UG nih bomb puahhnawh in an doh hna caah SAC ralkap 4 an thi i pyusawhti 2 hliamhma an tuar tiah theih a si.

November 17, zinglei suimilam 9:00 hrawng ah minung thazaang 30 leng he rallam sialtu SAC ralkap hna cu tualchung hriamtlai phu nih bomb puahhnawh in kan doh hna tiah Natsoe UG phu hruaitu Ko Al Naung nih a chim.

โ€œBomb kan hmanhmi hi lung 3 a si, bomb kan hmanhnak hmun an phak ah kan hmanhmi bomb an hmuh caah hrawh ding in an i timhtuah lio ah kan puahhnawh hna, lungkhat lawng kan puahhnawh khawh hna nain SAC ralkap 4 an thi, pyusawhti 2 nih hliamhma fak an tuar caah sizung ah an kalpi hnaโ€ tiah a chim chap.

SAC ralkap hna cu bomb puahhnawh an ton hnuah kaphnih kar kahdohnak a chuak nain tualchung hriamtlai phu lei in hliamhma tuarnak umlo tein hnu an tolh kho tiah theih a si.

Cycle Ai Phirhmi Nu 2 Nih Meithal In A Kah Caah Ralkap A Rak Tuan Balmi Pakhat A Thi! Magway ramแนญhen, Pakokku No.11 sang ah ralkap a rak tuan balmi pa pakhat cu a umnak inn ah meithal kah in thah a tong tiah theih a si. Nihin, November 18, zinglei suimilam 8:00 luan hrawng ah ralkap a rak tuan balmi U Ye Tint (kum 55) cu a umnak inn pawng ah hriam ai tlaihmi nu pahnih nih cycle he an rak fuh i meithal in an kah caah a thih hi a si.

โ€œKan theihning ah cun a umnak inn pawng a umlio ah cycle ai citmi mino nu 2 nih na kah tiah kan theih, kah a tongmi pa hi ralkap a rak tuan balmi a si i a kee pakhat a bul mi caah kelem he a ummi a si, SAC ralkap he naihniam ngai in a ummi a si, a mah tu hi cu dai tein a ummi a si ko na in, a thli in zei thil a tuah ti belte kan theiloโ€ tiah tiah tualchung mi pakhat nih a chim.

U Yee Tint cu meithal in voi 3 leng an kah hnu ah a thi, a ruak cu mi bawmchantu phu hna nih Pakokku sizung ah an kalpi. Chunhnu ah a ruak cu sizung in inn lei an tlunpi than i ruak humhnak an tuah tiah theih a si. A hlan ah ralkap a rak tuan balmi U Yee Tint cu mi zei phu nih an kah le zeiruang ah dah an thah timi tucu theih fian a si rihlo, a kaptu phu lei zong nih cathanh chuahmi a um rih lo tiah theih a si.

SAC Ralkap Nih Thongtla Luatnak A Pekmi Hna Chungah Ramkhel Lei Thongtla 53 Lawng An I Tel. SAC ralkap nih thongtla minung 6000 tluk hrawng luatnak a pekmi hna chung ah ramkhel lei thongtla minung 53 lawng nih luatnak an hmuh tiah ramkhel lei thongtla bawmtu phu AAPP nih cathanh an chuah.

Nizaan November 17, tiang cazin ning ah thongtla luatnak a hmutu hna chung in ramkhel lei thongtla minung 53 lawng cazin kan lak khawh tiah AAPP nih cun an langhter. SAC ralkap nih hramhram uknak a lak thawk in November 17 tiang thla 21 renglo chung ah SAC ralkap nih an tlaihmi hna hi minung 12976 an si tiah AAPP nih an langhter.

SAC ralkap nih luatnak a pekmi hna chung ah hin min langdeuh ramkhel lei thongtla cheukhat lawng luatnak a pek hna i, mah pumpak sualnak tuah ruang ah thong a tla mi hna tu kha tamdeuh luatnak an pek hna tiah theih a si.

Demosu Ah SAC Riahcaw Phurtu Mawtaw Bomb Puahhnawh An Tong, 3 An Thi. Karenni ramkulh Demosu pengah riahcaw phurmi SAC mawtaw bomb puahhnawh an ton caah SAC ralkap 3 an thi tiah Karenni hriamtlaiphu Karenni Revolution Union (KRU) nih cathanh an chuah tiah theih a si.

November 18, Karenni hriamtlaiphu KRU nih riahcaw le hriamthil phurmi SAC mawtaw cu Konetha khuachung an kal lio ah bomb an puah hna i SAC ralkap mawtaw pakhat a rawh pinah minung 3 an thih hi a si. Cu kahdohnak hmunah SAC ralkap hna nih thazaang tamtuk an chap ko nain KRU lei in a thimi le hliamtuarmi um lo tein hnu an tolh kho tiah theih a si.

Baa Ann Peng Ah BGF Nih Ngakchia Pakhat Telh In Minung Pali An Kah Hna I An Nunnak A Liam. Karen ramkulh, Baa Ann peng Mihkaren(แ€™แ€ญแ€€แ€›แ€„แ€บ) khua ah SAC kuttang BGF nih nizan November 17 zaanlei sml 5:00 hrawngah meithal in inn pakhat an kah caah kum 7 ngakchia pakhat telh in minung pali an nunnak a liam, tiah khuami pakhat nih a chim tiah theih a si.

“BGF 20 hrawng cu motor pahnih in an ra i, khua chak ah a ummi inn pakhat cu meithal in an kah caah an chungkhar ning in meithal kuan nih a khen hna. Thawng dik lo an theih caah minung i palhin meithal in an kah mi a si men lai,” tiah a chim chap.

BGF nih kahnak in Mihkaren khua ngakchia pakhat, kum 24 tluk pa pakhat, kum 50 tluk nu pakhat le khua chak ah rian a แนญuanmi Kawhpyian(แ€€แ€ฑแ€ฌแ€ทแ€–แ€ปแ€ถ) khuami kum 30 tluk pa pakhat an nunnak a liam. A nunnak a liammi chungah kum 7 ngakchia le kum 24 tluk pa pakhat hi unau an si i kum 50 tluk nu hi unau hna an pi a si, tiah theih a si. Credit: The Chin Post