Zualko: Thantlang CDF Pakhat A Nunnak A Liam!

Thantlang CDF Pakhat A Nunnak A Liam!
======
Chin ramkulh, Thantlang khuachung ah CDF-Thantlang le Ralhrang phu pawl karlak ah kahdohnak a chuah than i, Tlangval Van Ceu Cung nih ram le miphun caah a nunnak a pek than timi thawngpang theih tikah lung a tha kho hrimhrim lo ee, a poi tuk hringhran.

Nizan February 4, Thantlang khuachung ah Thantlang-CDF tlangval Van ceu Cung kum-21 cu bomb lamhsualnak in a nunnak a liam, tiah theih a si. Tlangval Van Ceu Cung hi Thau khua a si i, a ruak hi Thau ah tlunpi a si, tiah theih a si.

Rev. Fr. Stephen Mang Lian Tuang Nih Mual A Kan Liam Tak Ruangmang Ee! Rev.Fr.Stephen Mang Lian Tuang (kum 56) Fr.Tuang Pi (Kalay Diocese) cu nihin zinglei 7:00 am ah a sertu Pathian sinah a din cang tiah thawng kan theih.

Fr.Tuang Pi cu Royal City hospital ah thlopbol a si nain a tubantuk in mual a kan liam tak cang. Kalay Diocese unau hna le tantak chungkhar hna nan ngaihchiatnak kan in tuarpi ve hna. Bawipa nih hnemhnak le tuar khawhnak thazaang in pe ko hna seh. May the soul of Rev.Fr.Tuang Pi Rest In Peace.

Ngaihchiatnak; Nizan kha kan umnak Kitchener, Canada cu vur faak tuk in atla i kan nuva in kan nau le inn len ding ah mui ka te ah khin duhsah tein motor kan mongh lio ah Singapore in kan pate Pu Tin Kio Bik nih kan nu phone avun chonh i “na nute nih akan kal tak cang”, avun ti i um awk kan hngal lo. Akan liamtak mi Pi Sui Hniar hi ka nupi hringtu anu i anau hniangbik asi. An mah unau hi nu 4 le pa pakhat an si i upabik le an ngeih chunh an ța cu liamcia Rev. Lan Thuan (RCBC Pastor) caan saupi Rangoon ah arak țuan mi asi.

Pi Sui Hniar a pasal cu Pu Tin Kio Bik (Grandson of Thang Tin Lian) hlanlio Zahau Ramuk bawi Pu Thang Tin Lian tupa asi. Pu Thang Tin Lian hi nupi 4 angei i a fa le an tam ngai. Pu Tin Kio Bik cu Thang Tin Lian fapa tleicia Pu Lal Bik (Engineer, E.E) fa le lak ah ahniang cem chang asi. Pu Lal Bik hi Dr. Hre Kio nupi he khin nu khat, pa khat chuak an si.

Pu Lal Bik le kan pi (Lan Thuan nu) hi an u pat hnu ah an i um ve țhan caah anmah chung hi mah le mah ai um mi zong an lo dih hna i naihniam te khin Rangoon ah aum ți dih mi an si hna. Anmah chung kong hi Canada CCFC civui kan tuah kum 2016 lio ah Dr. Hre Kio nih Falam kan pu le kong hi mah ti hin an rak si tiah bia aka ruah balmi tampi lak ah zapi theih phu te pakhat cu;

Pu Thang Tin Lian hi Zahau ramuk bawi asi lio ah Mirang bawi pawl nih Rangoon ah khin an rak auh i saram zuatnak (Zoo) khi an zoh pi ti asi. Mah lio ahcun Pu Thang Tin Lian nih cun saram vialte cu azoh hnu ah “Nan zoo ah hin atling lomi saram pakhat abau, cucu Chin miphun nih kan sunsak bikmi Sia aum lo” ati hna ti asi.

Cucaah Pu Thang Tin Lian cu Zahau ram ah ahung kir i a sal pawl he amah pumpak telpi bak in an ke in sia anu le apa cu Zahau ram in an hruai i atu Sagaing ramțhen Monywa tiang khi an va hruai hnu ah khi ka ah khin Mirang bawi pawl nih an rak don hna i Rangoon Zoo ah khin sia an rak chiah khawh thainak asi ti asi. Hlanlio ramuk bawi pawl hi Chinram, Chin miphun le Chin miphun sinak (Chin Identity) fek țhup in arak dirpitu mi ropui an rak um len ve ko hna.

2018 ah khan atu akan liam tak mi kan nute Pi Sui Hniar hi Battle Creek, US ah afanu Pi Van Neih Zing arak tlawn lio ah kan nu he Canada in kan kal ve i kan vai i tong hna. A mui zong adawh pin ah mi leklak, mi chawnh biak nuam tuk khi asi i ka rak tlaih chan ngai ngai ve. Kan nu le chung hi Falam peng Lung Bang khua mi an si hna i anmah unau hrihhram (Cousins) pawl hi cu Battle Creek, US ah khin cun an tam taktak. An phanhnak zong kum 40 leng asi cang hna.

Tu kum cu Asia ah kan ra lai i Singapore ah kan nute sin ah caan zeimaw zat kan va hmang hrim lai kan timi kan nupa lungthli saduh kan thah len mi vialte cu zanmang bang an tlau dih dih ai ne mu. Mangțha kun law kan nute aw. By – Victor Khen Sang