Zualko: Salai Bawi Rin Sang Bomb Puah Sualnak In A Nunnak A Liam!

CNDF Ralkap “Salai Bawi Rin Sang” Bomb Puah Sualnak in Nunnak Liam
———
CNDF ralkap Salai Bawi Rin Sang (18) cu nizaan February 11 ah ralram ah bomb a hmenhmi nih a puah sual caah a nunnak a liam, tiah thawng kan theih.

February 10 le 11 ah Chin mipi ralkap bu in Roland Ceu Chin Thang (CDF-Hakha Battalion-2) le Salai Bawi Rin Sang (CNDF) nih ram le miphun ca ah an nunnak an pek.

TEITU KAN SI NAIN TEITU KAN SI RIH LO. Chinmi nih kan tei ko bu in teinak kan hmuh khawh rih lomi hi, Kan caah thlarau lei zanmui, hneksaknak caan (Thluachuah khonpiak caan) a dih rih lo caah a si i, khuachia kha onh an si rih caah, minung hmangin an kan kham khawh rih.

Țial Thang nih a tei nain a teitu a si khawh lo mi le Chinmi nih kan mah ram kongah diknak dinnak kan hmuh khawh rih lo mi hi, Josep a sual lo nain Potifer nupi nih thong a thlak bantuk le David nih Sawl a tei nain a zaammi tu a si bantuk kha kan si ve! Sihmanhselaw, hi lio caan ahhin, an Thluachuah cu khonpiak an rak si. Cu ve bantukcun, Chin Miphun zong, Thluachuah khonpiak caan aa liim hlan ahcun, teitu kan si nain teitu kan si kho rih lo! Cucaah a ngaih a chiami le a țapmi ah kan i cang rih!

Sihmanhselaw, Josep le David caah thlarau lei zanmui, hneksaknak caan (Thluachuah khon caan) a hun i liim tikahcun, aho kham khawh loin, cawisan an si i Thluachuah rel cawk lo an hmuh bantuk khan, Chin Miphun kan caah thlarau lei zanmui, hneksaknak caan (Thluachuah khon piak caan) a hun i liim zau te lai i relcawk lo Thluachuah he a lam tampi in cawisan kan si ve te lai.

Maw, Dawtmi Miphun hawi hna, Chin Miphun hi Thluachuah khonpiak cuahmah liomi kan si i, BAWIPA nih caan a ruahmi kan phan zau ko lai. Cutikahcun, rel cawk lo Thluachuah he a lam tampi in a kan cawisan kha kan hmuh te lai. Rak i cin u law, BAWIPA nih a mi hna hmangin a rak chimchung cang ti kha rak i chinchiah ko u.

Țial Thang nih a khuk in a suknak khi a til ah a si hrimhrim lo, a thin hmaka, a fahnak zawn bakah a si ko khih! Teitu si buin teilo tu kan si rih hi ka ngaihchia lo! Kan Thluachuah co lai mi hi a ngan tuk ca tu ah a si. Țial Thang zong BAWIPA nih Thluachuah chin ko seh. BAWI KHRIH Vel le Daihnak nan dihlak cungah um ko seh.

A tha tuk. Na hmuh na zoh mi chungin thlarau thil lei ah na vun pehtlaih ter mi a tha ngai. A hman bak sa ya tluang chim mi cu thil hman cu thei a ngei i hmai lei ah kan hmuh te ko lai nan tha chia hlah uh thil hman cu a tlau sawh lo pa thian zong nih a tah i a lo kho lo. Thil kan hmuh le kan ton mi a cohlang zia na kan thiam ter.Pathian nih in hmang chin hram seh. KHRIH sal, Tluang Lian (Martar).