SAC Ralhrang Hriamngan In Nunnak Liam Mi KNDF Hriamtlai 5 Thlakhat Tlin Philhlonak An Tuah
=========
Karen ramkulh SAC ralhrang le mipi hriamtlai phu kar lak kahdohnak in nunnak liam mi hna cu KNDF battalion 6 nih thlakhat tlin philh lonak le u pat peknak an tuahpiak hna tiah theih asi.
May 24, zan suimilam 9:00 tluk ah Demoso hnu lei ah SAC ralhrang cunglei in bomb voiruknak tlawmlo an rak thlakhnawh hna i mipi hriamtlai phu chung in minung panga an nunnak a rak liam.
Nunnak liam mi mipi hriamtlai phu pa ralṭha hna philh lonak tuah in a taang mi kan nih zong nih pehtlai an hnu zulh in dothlennak kan kal pi lai tiah KNDF battalion 6 nih biakamnak kan tuah tiah an chim.
Breaking News! Pyusawhti Nih Khua 8 Chungin Mipi Hna Cu Hramhram In Training An Kaiter Hna; A Kai Lomi Paoh Sing 50 Dantat Dingin Nawl An Chuah; Sagaing ramṭhen, Kanbalu in khua 4 le Kyun-hla lei khua 4 in mipi hna cu June 23, nihin ah tonpumhnak an tuahpi hna i, pyusawhti raltuk (Training) cawng dingin an fial hna, tiah tualchungmi pakhat nih a chim. Cu pinah training a kai kho lomi nih tangka sing 50 nan pek lai, tiah hramhram in nawl an chuah, tiah a chim chih.
“Awngbali an zuhter hmasa hna. A hmumi paoh cu pyusawhti training an kaiter hna, nan kai khawhlo ahcun lamhla ummi nan fa le cah hna u law kaiter hna uh. Cu ti nan tuahkhawhlo ahcun tangka sing 50 liam uh. Awngbali a hmu lomi hna nih thlakhat ah tangka sing 1 nan pek lai, tiah nawl an chuah. Cu pinah nihin pyusawhti tonpumhnak hmun ah aa tel kho lomi paoh tangka thonghra dan an tat hna” tiah Burma VJ ah a chim.
Kanbalu peng chung ah Okpho khua, Khinthar khua, Yegyi khua, Ohntaw khua hna an si i, Kyunhla peng in Bhahla khua, Innkaung khua, Myahninkone khua le Tainn- tain-yan khua hna an si, tiah a chim chih. Crd; Lungmili Post