Zualko; Ralhrang Nih Pa Thawng Lun Mang Le Salai Thawng Nei Mawi An Kah Thah Hna!

Zualko; Ralhrang Nih Pa Thawng Lun Mang Le Salai Thawng Nei Mawi An Kah Thah Hna!
============
Chin ramkulh, Falam peng chungah Kalaymyo lei in a rak kaimi ralhrang phu nih Tuphei Khuami pahnih an kah thah hna, tiah khuami sin in thawngpang theih a si. Zei bantuk hriamtlai phu hmanh nih hnahnawhnak an pek hna lo hmanh ah khuami 2 an kan thah hi cu a poi tuk hringhran.

Kalaymyo lei in Chin state lei ah a rak kai mi ralhrang phu cu October 11, 2021 ni ah Falam peng chung um Tuphei khua an phan i, khuami pahnih cu an kah thah hna, tiah nihin October 13, 2021 ni ah lampawng ah Pa Thawng Lun Mang Le Salai Thawng Nei Mawi ruak cu khuami nih an hmuh hna.

Ralhrang phu nih an kah nak hna hliamhma pawl zong hmuh an si, tiah theih chap a si. Cun, Pa Thawng Lun Mang Kum 29 hi fa 2 a ngeimi a si, tiah khuami nih an chim. Salai Thawng Nei Mawi kum 34 a si ve. Tuphei khuami pakhat nih an pahnih in ke in Zawnglei khua lei ah a kalmi an si. Hi caan lio ah hin ralhrang phu zong Zawnglei khua in Falam lei an kal caan he a tong.

Mah zan ah inn an phan ti lo caah chungkhar pawl lungretheih ngaiin an um cio hna. Ralhrang nih an tlaih hna, tiah an ruah. Nizan zingah chungkhar nih kawl an duh ko hna nain, ralhrang an um rih caah an kawl ngam hna lo, tiah theih chap a si.

Kalaymyo lei in Kilometer 81.5 mengtung ah lampawng ah U Thawng Lun Mang ruak cu a mit ah meithal kuan hma he hmuh a si. Thawng Lun Mang ruak he a hlat tuk lo nak hmun ah Salai Thawng Nei Mawi a ruak cu an hmuh ve. Salai Thawng Nei Mawi a ruak cu a paw ah meithal hma 4 an hmuh, tiah theih a si.

Khuami nih Thawng Lun Mang le Salai Thawng Nei Mawi ruak an hmuh ka ahcun ralhrang pawl nih bomb an phum sual lai ti an phan caah an lak ngam hna lo. Atu chun hnu suimilam 12:00 ah an ruak cu lak colh in vuai colh dingha RC Father pakhat nih timhtuahnak an ngeih, tiah theih chap a si.

Tutan Kalaymyo lei in a rak kaimi ralhrang phu nih hin an kal nak ding lampi hi hriam ngan he hriam hme he an kal hmasa peng tiah an chim. Falam peng chung Zawngnu khuami pakhat zong lothloh cuahmah lio ah kuan nih a kheng sual ve, tiah thawngpang theih a si.

Lam kan remh lai ca ah kan kap hram hlah u, tiah SAC ralkap pawl nih loudspeaker in tlangau. Nihin October 12 zaan ah SAC ralkap pawl nih lam remh kan duh caah kan kap rih hram hlah u, tiah loudspeaker in Matupi khua ah tlang an au tiah theih a si. Nihin ah Pakokku lei in SAC ralkap pawl motor 90 deng le raltuknak motor hna he Mindat lei ah an kai i atu bantuk in Matupi le Mindat kar lamsuul remh an i timh zong hi bualcam sau an duh caah a si, tiah zumh a si.

“Matupi le Mindat kar lam a cim mi kan remh lai. Lamsuul umkalnak tha seh tiin remh kan i tim. Cucaah, nan kan kah lo ahcun kan in kap ve hna lai lo i khuate pawl zong ah khuami harnak kan pe hna lai lo. Kan kap hlah ulaw,” tiah loudspeaker in an au tiah Matupi khuami nih an chim.

“Mindat-Matupi karlak ah kan Kap Hlah U” tiah SAC Ralhrang nih Matupi ah Loudspeaker in an Au. Mindat le Matupi karlak ah rak kan kap hlah u tiah SAC ralhrang nih nihin zaanlei ah Matupi khuachung ah Loudspeaker in an au.

“Mindat-Matupi karlak ah lam a cimmi kan remh lai caah rak kan kap hlah u. Na kan kah hmasa lo ahcun zeihmanh kan in ti hna lai lo. Khua pawl zong harnak kan pe hna lai lo,” tiah an au. Nihin zaanlei ah Kyaukhtu ah a phanmi SAC ralhrang pawl hi thazaang i tthen in thaizing lei ah Kanpetlet, Mindat le Matupi ah an kal lai, tiah an zumh.

Rak rak ve hlah uh tiin ca tar ding au ve ding a si ko. Mihrut ah maw an kan ruah. Falam lei zong kan kap hlah uh. Kan nih kap ve hna lai lo ti a si. Pastor pa an kap ti a si than. Khua mi an thilri an fir piak rih hna. An chim mi phun dang an tuah mi phun dang.

Kawlbaw Ralkap pawl hi,an hruh ning hi an molh. An molh pin ah ningzah zong an hngak fawn lo. An hruh khawh ning hi zaangfak lei an si. Molh thih in an thi dih te lai.Ei lo sa chia va bak an lo ko. Uico he hmanh tah chunh tlak an si ti lo. Sa chia Arseh hmang ti ding an si cang ko. Kap hna seh lam an remh dih bak in mindat lei in a tom tom in an rak kai lai.

An rat nak hnga lam hi theng in cawk dih in kal kho lo ding in tuah ah tha bak lai ka ti an ra lai ti theih nak lam poh cu theng in i chok dih seh a kau nawn pi in an motors kal kho lo ding in CNA Camp he ai Thlat deuh nak lam pi poh hi Bom i tun seh cun lam i hrawh dih seh law fawi tuk in kan thei lai ka ti. Uico rual nan tih cun rak Kai hlah uh ca Chin mi kan thin a han tak cun nan mah ban tuk 123 rel Thiam lo mi hrut kan si lo.

Mindat he Meng 17 a Hlatnak Kyaukhtu Airport ah SAC Ralhrang Motor 80 Leng an Phan. Nihin zinglei sml. 4:00 hrawng in Pakokku in aa thawhmi SAC ralhrang motor 80 leng le raldohnak Tank 3 cu nihin zaanlei sml. 3:00 hrawng ah Mindat he meng 17 hrawng a hlatnak Kyaukhtu Vanlawng bual ah an lut hna.

“Motor 80 leng chung ah 25 hrawng hi cu ralkap an khat. Asinain, a dang motor pawl hi cu eidin tirawl le ralhriam a phormi si dawh an si,” tiah YAW-PDF lei nih an chim. Nizaan Lumbang khua ah a riakmi SAC ralhrang pawl zong nihin zinglei sml. 8:00 hrawng in Falam lei an panh i chun sml. 11:00 hrawng ah Vaar hlei an phan.

Kyaukhtu ah a phanmi SAC ralhrang pawl zong hi Thlanglei Laitlang CDF pawl doh ding in timhtuahnak an ngei tiah zumh a si i, October 9 thawk in nihin ni tiang ah SAC ralhrang nih Chinram CDF/CNA doh ding in motor 130 leng le Tank 5 a rak thlah cang. Credit: The Hakh Times, The Chin Journal