Zualko; Pu Ral Tu cu Hriangkhan khuami a si i, hlanlio biaceihbawi a si.

SAC Ralhrang nih Pu Ral Tu an Kah, a Nunnak a Liam
——-
Nihin zaanlei sml. 6:30 hrawng ah Thantlang khua upa Pu Ral Tu (kum 73) cu Thantlang khuachung ah SAC ralhrang nih an kah i a nunnak a liam, tiah thawng kan theih. Pu Ral Tu telh in minung 5 hi Hakha in Thantlang ah an rak ra i, khualuh kaa Pu Aung Bu innhmai ah meithal in kah an ton hi a si.

Pu Ral Tu cu Hriangkhan khuami a si i, hlanlio biaceihbawi a si. Atulio Thantlang khuapi zong ah pacan ah bochanmi a si. Thimnak ah USDP in a rak i cuh balmi Pu Zo Peng zong a lu ah an hliamh ve nain nunhim in a um. Pu Lawm Bik, Pu Than Heng le an motor mongtu cu an him hna. Zei ruang ah dah Thantlang khua ah an kal timi kong fiang in kan thei kho rih lo.

Pu Ral Tu (Patron, Chin National League for Democracy – Thantlang Peng). Nihin, cawn nithum ni (29 September 2021) ah kan bochan tuk mi le kan dawt mi Pu Ral Tu (Bawi Bik Thawng pa) cu Hakha in Thantlang a va luh ta lio ah SAC ralkap nih an kah in a nunnak a liam.

Pu Ral Tu @ Bawi Bik Thawng pa (kum 80s) hi a nunchung miphun, ram le biaknak caah aa pe zungzal mi le kan ramkhel, kan biaknak le kan miphun nih kan bochan zungzal mi a si. 1990 thimnak lio in Chin miphun caah harnak tuar in a rak cawlcang i ralkap namnehnak, a innlo le a ngeihnak chuh tiang a tong bu in, miphun dirkamhnak ah hramfeh in nihin a nunnak a pek tiang miphun caah a dir zungzal tu a si.

Nihin ah kan pa, kan miphun nih kan bochan mi nih a kan liamtak cu kan celh hrimhrim lo. Kan lungfah kan celh lo. A nunchung ah a tial mi tuanbia le a dirpi mi a zumnak cu a dawtmi a minphun le a tefa cung ah a hmun zungzal lai.
Kan Pa (Bawi Bik Thawng Pa), NA LIAM SIAHERH HLAH. NA RIAN TLAMTLINGTE IN NA TUAH DIH CANG. NA KAN ROHTAK MI LE NA SADUHTHAH CU NA DAWTMI NA FA, NA MIPHUN NIH TLAMTLIN DING AH KAN I ZUAM LAI.

A HMUN LOMI VAWLEI RAM AN KHUALTLAWNNAK PATHIAN NIH TLUAHCHUAH HRAM SEH. NA TUHMI THLACI FEEK HRAM SEH. Lungfah ngaihchiat pi bu in, CNLD (Thantlang Committee) Theihternak: Kan Pa Pu Ral Tu a riantuannak le a tuanbia tlamtling te in zapi sin ah kan vun in hrawmh te hna lai.

Thantlang khuachung ah khuanu khuapa bochanmi lawngte an si ai e. Poituk hringhran ko. Zeitin hlei tuah awk a um tilo; kan doh hna i kan tei hrimhrim hna a hau cang.

Maw ka thin ka pa Bawi Bik Thawng pa cu ti men i mi thalo kut i na nunnak liam cu ka lungfak tuk, ka thin zong hang tuk e. Thantlang a daw i a tanh takmi kanpa mah btk thil a vun ton cu lung a tha lo kho tuk ee. Ka thin hun ma faak deuh ka lungfah le ka ngaihchiat hen faak deuh. Ka celh lo.

Thantlang khua mi nih bochan mi, cingla rualchan nih upat mi kan pa, cu ti rumro in mah chumtual le mah hmunhma ah ral kut in thih ko cu aw..a faak hringhran ko ee. Afak tuk e maw ka thin ka celh bak lo e Bawipa kan zangfah ko cang law kan celh ti lo e bochanmi kan mifim tamtuk nunnak aliam cang e zeitin hen kan celh lai. Ka pa Bawi Bik Thawng pa na liam lungsia herh tuk ko lai mu.