Zualko: Pi Tin Tin Htwe (Ku 53) Nih Mual A Kan Liam Tak Ruangmang Ee!

THIH DAR KAN TUM!
=============
Leitak khua mi, Indiana khuasa Pu. Moses Thawng Lian a nupi Pi. Tin Tin Htwe (53) nih hi vawlei taksa pum dam lo nak (Cancer) saupi tuar hnu in, hi vawlei harnak um tilo nak hmun in a kan kaltak cang caah taantak mi a pasal le cingla rualchan vialte Zophei tlangmi vialte nih nan ngaihchiatnak kan in hrawmpi hna. Bawipa nih nan ngaihchiatnak vialte in hnem hram hna seh. Ngaihchiatnak tuarpi buin,

A fawi hrim lo; Ka Pu ( Pu Cozah) nih a kan liam taak lio ah siangin kai ni a rak si.. LianLian tuni cu napu a thih ni si i siangin kai hlah a rak kan ti nain Kapu nih siangin kai lo a duh lo ka rak ti hna i tah bu le mitthli tlak bu tein siangin ka rak kai kha ka philh rih bak lo.

Tuni ah a ka daw tuk mi kani ( Tin Tin Htwe) nih a ka liam taak. Inn te ah Kapi le ka chungkhar pawl hnemh ning in um ding ka si ko nain, kaa timhtuah cia mi rian caah ( Kan unau pawl le herhbau mi pawl caah bawmhnak program) cu thaizing ah tuah ding biakhiah cia a rak si i hrial loin ka pah chih a hau. Kani Tin Tin, nang cu Biakhiah cia leet na rak duh lo kha… Pasal bia leet loin ka pah ko lai e.

Kapu le kapa nih a kan liam taak, a tu kani.. nang nih na kan liam taak chap hoi. a taang mi kan caah a fawi hrim lo e. Chungkhar ca lawng si loin mi tam pi caah dawtnak na rak langh ter mi thil zong hi tuah khawh le zulh khawh kaa zuam chin lai kani. Pa Pathian sinah hnangam tein rak i diin cang ko law. Mang Tha ka Ni, Philh ni na um lai lo.

Pathian bochan bu tein rian a tuan mi Hruaitu puitling thinlung kau piin khua a hmu kho mi hna nih cun tulio kan dirhmun ah zeitindah kan Chin Miphun caah, a thiang mi ral dohnak caah santlaihnak kan ngeih ve lai i kan Miphun Unau nun kan hrawmh khawh hna lai ti kha an ruat dih lai ka zumh.

Biaknak le Vawlei lei Kan mifim tampi nih a thiang mi ral dohnak asi caah Chin Khrihfabu kip nih thazang chuah cio ding asi tiah a chim mi an tam cang.

Cucu adik tuk mi si. Cu rualrual in CDM, CDF, CNA/F siseh Chin Mipi hliamtuar mi, nunnak a liam mi le zawtnak tha lo khamhnak caah siseh, ral hrang ruangah umnak le eidin kong harsatnak a tong mi hna caah siseh Vawlei cung ramkip um Chin Khrihfabu kip, Community le Organization kip nih phaisa tampi an hlut cang. Hi bantuk kan dirhmun ah hin cun mah le umnak ram khua cio Biaknak, Community le Organization Hruaitu pawl hi an biapi ngai ko.

Mah chungkhar Unau ca lawng ruah caan asi ti lo. Mah Khrihfabu chung ca lawng ruah caan a si ti lo. Kau deuh in kar hlan a hauh caan asi. Kan Miphun muihnak nih a den cuahmah mi kha Bawipa rian ka tuan asi timi lungput in nun hrawmh hmasa uh sih cucu Pathian nih a kan duhpiak mi asi deuh lai. Thawng Bawi Zathang