Nihin Kahdohnak Kan Pasaltha Minung Pa 2 Nih Ram Le Miphun Caah An Nunnak An Peek!
========================
CDF – Zophei Ralbawi Salai Bawi Lian Thang Nih Miphun Caah A Nunnak Pek- Chinland Defense Force -Zophei ralbawi pakhat a si mi Salai Bawi Lian Thang kum 24 nih 2023 Chiapa 3, Hakha – Thantlang kar Tita Operation i ralhraang he i kahnak ah miphun le ram caah a nunnak a pek.
Salai Tawk Hlei Thang Miphun Le Ram Caah Nunnak Liam- Nihin zing Chinland ralkap le ralhraang kahdohnak ah CDF Thantlang in Salai Tawk Hlei Thang nih miphun le ram caah a nunnak a pek.
Hakha Le Thantlang Kar Kahdohnak A Fak! Chin Ralkap 2 Nunnak A Liam!-Chin ramkulh, Hakha le Thantlang kar Tita ah nihin July 3 zinglei in SAC ralkap nih van lei le tang lei in rallam an sial caah kahdohnak fak ngai a chuak, tiah CDF Hakha in ṭuanvo ngeitu pakhat nih a chim.
“Kahdohnak a fah ruangah kanmah lei in ralkap 2 nih ram le miphun caah an nunnak an pek, kan umnak tlanghrawn zong kan sung. SAC ralkap lei zong a thi le hliamhma tuar an um nain a zat kan thei kho lo. SAC ralkap nih vanlei in kahdohnak an tuah, ruah a sur i line zong a ṭhat lo caah anmah lei hliam tuar le a thimi zat fiang tein kan thei kho rih lo,” tiah CDF Hakha in ṭuanvo ngeitu pakhat nih DNA ah a chim.
Hakha khuapi chung um mi pakhat chim ning ah, atulio hrawng cu Hakha khuachung ah a puakmi thawng theih ding a um pah lengmang. Khoika hmun in a chuah ti cu fiang in a chim kho lo nain hriam an thlah caan ah cun a thawngpang a tur in a tur, tiah a chim. Tuzing Hakha le Thantlang kar Tita i kahdohnak zong ah Hakha um SAC ralkap nih hriamngan in an bawmh hna, tiah tualchung mi pakhat nih cun The Chin Post ah a chim.