Taingen Khua Kahdohnak Ah Chin Ralkap 4 Nih Ram Le Miphun Ca Ah An Nunnak An Pek!
==================
Chin ramkulh, Tedim peng, Siyin hmunram um Taingen khua SAC ralkap sentari cawnghnak sakhan cu Chin ralkap phu CDF CDM SIYIN, PDF Zoland+ B5 ME, CNDF, TCDF, KKG B7, PDA le PDF Kalay, S2 phu hna nih nihin July 11 zing suimilam 5:30 hrawng in chun suimilam 12:00 tiah an kah.
Cu kahdohnak ah cun SAC ralkap a thimi le aa hliammi an tam caah Jet Fighter nih a rak bawmh hna i Chin ralkap phufonh lei in ralkap 4 nih ram le miphun ca ah an nunnak an pek leng ah ralkap pahnih hliamhma hme an pu. Chin ralkap phu nih SAC ralkap hriamnam le zen-kuan zong an chuh hna, tiah Civic Defense Militia-Siyin nih cathanh an chuah.
Kalaymyo um SAC ralkap zong nih hriamngan in kah an bawmh hna nain Chin hriamtlai phu lei aa hliammi um loin hnu an kir kho, tiah theih a si. Taingen khua SAC ralkap sakhan kahdohnak ah Chin ralkap nih hriamnam, zen-kuan an laakmi le a thimi zat tu cu fiang in an langhter mi a um rih lo.
Tedim peng, Kalay – Falam lam Taingen khua nithaizing suimilaam 5:30 ah Chin ralkap fonh hna le ralhraang kar kahdohnak a chuak i, ke ralhraang cu cunglei in ralhraang nih an bawmh hna caah Chin ralkap fonh in minung 4 an nunnak a liam. Taingen kahdohnak ahhin CDf CDM-Siyin၊ PDF Zoland+ B5 ME၊ CNDF၊ TCDF,၊ KKG B7၊ PDA le PDF-Kalay, S2 hna an tangrual. Kawl ralhraang lei thi le hliam an tam, an hriamnam zeimaw zong laak chih a si.