Zualko; LBC EC Upa A Simi Pu Ca Kung nih Mual A Kan Liam Tak Ruangmang Ee!

LBC (Yangon) Khrihfa Upa Pu Ca Kung a Nunnak a Liam
——-
Nihin (July 24) zaanlei sml. 4:45 hrawng ah LBC (Yangon) Khrihfabu upa Pu Ca Kung a nunnak a liam. Pu Ca Kung cu July 19 ah a nunnak a liammi Pu Tluang Lian Hnin i hringtu a pa a si. Pu Ca Kung hi lung thihri lei damlonak a ngei chihmi a si i, oxygen he ni zeimawzat an thlopbul hnu ah nihin zaanlei ah a nunnak a liam hi a si.

Laimi nih bochan mi kan pa, LBC EC upa a si mi Pu Ca Kung, kum 73 ni July 24,2021( 4:45 pm) ah ruahlo tuk in mual a kan liam tak. Van Van pa na kan liam tak a tuan tuk ee. Kapa Vanvan pa nih a kan liamtak cu ka ngeichia tuk e. Bawipa tu nih taantak mi chungkhar vial te hnem hram ko hna seh.

LBC na Krihfa Bu EC na rianttuan hawi, dawtmi na hawi le nih kan philhkho bal lai lo. Kan mit thlam ah na cuang zungzal ko lai. Tantakmi chungkhar le u le nau vial te nan ngaihchiatnak Pathian tu nih inhnem ko hna seh. Aize ka UPA na liam riangmaang cu ka ngaih a chia tuk ee, Van Hram Ceu nu le a tu le fa vial te Bawipa nih i hnem ko hna seh.

Laimi nih bochanmi kan pa, LBC EC upa a simi Pu Ca Kung, kum 73 (4:45 pm) nih mual a kan liamtak. Na fapa patlung he tutan nan pahnih te i na kan kal tak cu kan lung a fak tuk. Tantakmi chungkhar le u le nau vialte nan ngaihchiatnak Pathian tu nih inhnem ko hna seh.

Laimi kan nunphung tein ruakhuum le tthutpi hmanh lung long nih a theih ee.Chungkhar hna Bawipa hnemhnak nan cung tlung hram seh.Daihnak ah va din ko mu. A poi tuk ee.Ka Kawi nang a kan dong tu ding ah rak kal chung ko.ne.Tan tak chung khar Bawipa nih hnem ko hna seh law. Credit; The Chin Journal, Lian Iap

Oxygen cylinder cawk nak caah MMK 6,000,000.00(6 millions). Halkha mipi hman ding Oxygen cylinder cawk nak ah tiin fb hawile sin tlawm kan rak hal mi cu zarhhnih chungah MMK 6,000,000.00(ting60) a phan cang. HVCG Chairman Pu Chan Hrem le hawlle nih cawk dingin an tawlrel cawlh lio pi a si.

Tu bantukin lungtho te le siangtlam ten chawva a rak pe mi nan diklak cungah kani lawm tuk. A hlei in Austria miraang pa cungah kani lawm khun. Bawipa Pathian nih thlachuah in pe chinchin ko hna seh. A hmangtu hna zong nih taksa lungthin dam nak an hmuh khawh ṭhan nak hnga le Pathian sunpar nak caah sihram ko seh. HVCG nih an sikhawh tawk mipi an herh ningin an sin a phanh ter peng ko.

HVCG cu ho dah an si? HVCG (Health Volunteer Concern Group) cu Halkha Za to(si inn) a phan i bawmhchanh hau mi a bawmchan tu phu an si. Kum 2008 kum ah Pu Chan Hrem, Saya Chan Bik Lian, Pu Sang Thawng, Sister Ni Cer Sung, Pu Thawng Kian, Rev. D. Ngun Thawng Mang, Rev. Lal Pek Lian le Pu Lai Uk Nawl hna nih an rak derh. Halkha si inn sibawi le sayamah te an sawm hna i tampi nih an telpi hna. Halkha mipi chungin khuahngal deuh nih an dirpi hna i khuate lei tiang zong manlo ten mizaw zoh le si thlop nak an tuah khawh.

Halkha si inn ah Chaplain (sizung Pastor) pakhat an chiah i zingzan thla a camh hna i holh leh hau a bawmh hna. Ramleng Khrihfabu cheukhat le pumpak cheukhat bawmh nak thawngin an rian hma a hong kau i Thantlang peng khuate tiang zong manlo sithlawp nak an tuah khawh. CNF/A camp tiang zong an kal kho. CBC USA bawmh nak in si inn pawng Chapel ṭha tuk an sak i zapi caah santlai tuk a si.

HVCG nih miphun le biaknak a thleidang lo. Halkha si inn ah a thi mi ruak vuitu ngeilo a fimhtawl ko hna. Christmas caanah mizaw sin caan an hmang ve. A tu zong HBC nih tuah mi Agape Clinic ah free ten mizaw an tlawp peng ko hna. Halkha si inn i oxygen cylinder a hman ter hmasabik tu group an rak si. Dur 35 an kal tak.

Oxygen cylinder dur 38 an ngei kho cang.(Ramchung ramleng hlut thar mi an si). Agape Clinic, Halkha sangkip mizaw cei nih an hman i Halkha si inn um mizaw cei nih dur 10 ani hlan. An ngeih mi a tlawm lengah a thli rawn ani harh caah mipi sin lungkhan in an bawm kho hna lo. Tu hi dur 30 cawk chap ṭhan dingin ani zuam lio pi a si.

Free ten hman khawh a si; Mizaw cei nih Oxygen cylinder hman na herh ahcun HVCG Chairman Pu Chan Hrem Zingpuipa Hlawnching (Ph 09442000120) ah bawmh hal khawh a si peng ko.

Tlawm kuang kan on peng; Halkha mipi hmanding Oxygen cylinder cawk nak caah na sian tawk pek khawh peng kan siko.
Kani lawm tuk. Pehtlaih nak; Lairam -1. Pu Chan Hrem (Ph 09442000120) Halkha. USA; 2. Siang Tling (Ph 806-584-8810)
ah chawnh le Zelle in kuat khawh kan si. HVCG nih CNF/A camb an tlawn hna lio muicawl ka rak thil chih.