Zualko; kan hmuh mi nungak dawh te khi atuzing ah Aizawl Trinity Hospital ah a thi mi a si!

Hi a tang ah kan hmuh mi nungak dawh te khi atuzing ah Aizawl Trinity Hospital ah a thi mi a si.
============
Nungak Lalnunhlimi hi ruah lo tuk in doctors te nih thin cancer na si ti an chimh cu a duh i a dawt tukmi a tlangval pa cu a ihkhun cung le a pawng te ah ihpi ve ding le kal tak ti lo ding in a nawl.

Cuti cun a tlangval pa Vantea zong nih cun a duh i a dawt tuk mi a nungak Lalnunhlimi a bia bang cun um piak khawh ai zuam ve.

An nih pahnih hi Dec.9,2021 ni ah khin Khrihfabu le Pathian hmaika ah a thiang mi tthitumnak puai tuah ding in zeizong te tlamtling in ai timh tuah dih cang mi an si.

Sihmanhsehlaw nungak Lalnunhlimi hi a zawtnak nih rang tuk in a tuah caah nihin zarhpini 21/11/2021 ni hi an puai tuah nak ding in an ttamh mi biakinn pi ah cun a ruak tu vui a si.

A kal tak mi Vantea caah cun nun hi a nuam a ti tilo kho men, a fawi hrim hrim lai lo, Bawipa nih Vantea hnemh in intuar khawh nak pe hram seh. Bawipa hngalh bu tein kan caan ttha hi hman zia a thiam mi mino si i zuam cio hna usih! Credit: Dawt Hming Lian

Yesagyo ah tlaih mi Kawl ralkap pakhat cu a zaam ruang thilak in an kah lawlaw. November 20 lio, Yesagyo Peng, Yelaygun hrawng ah MG6-Myingyan (Minchan), YSO No.1 le Yelaygun rammi ralkap pawl nih Kawl ralkap pakhat cu an tlaih i a zaam than ruang ah thilak in an kah lawlaw, tiah theih a si.

Kawl ralkap pa cu an thah pin ah AK 47 meithal, kuan 54 tibantuk an laak. Kawl ralkap pawl nih November 15 khan nihin November 21 tiang Yesagyo hrawng khuate ah umhmun an khuar, hriamngan an puah/kah i kiangkap khuami 10,000 tluk harnak an tong, tiah PDF Channel nih a tial.

CDF- Kanpetlet ralkap Pakhat Nih Motorcycle In Ralhrang Pakhat Thi Lak In A Pah. CDF – Kanpetlet, CDF – Mindat, YDF, PDF-Saw phufonh le SAC ralhrang phu kar kahdohnak ah SAC ralhrang lei in 40 hrawng an thi tiah CDF Kanpetlet nih thawngthanhnak an tuah. CDF Kanpetlet thangthanhnak tuahmi cu a tanglei bantukin aa tlak ning in kan van leh chin.

Nihin 2021, November 19 ni ah Saw myone chung, Kyinlin khua le Tawma khua kar ah CDF – Kanpetlet, CDF – Mindat, YDF, PDF-Saw phufonh cu SAC ralhrang phu he zinglei suimilam 8am in fak ngai in an i kah i, SAC ralhrang lei in a tlawmbik minung 40 hrawng an thi pinah tampi nih hliamhma an tuar.

SAC ralhrang lei in a thimi an tam caah chun suimilam 12 hrawng in raltuknak helicopter 2 hmang in suimilam 1 chung, a changchang in mipi ralkap phufonh an kah hna. Cucaah CDF ralkap phu le YDF ralkap phu lei in hliamhma tuar an um hraw lo nain PDF-Saw lei in minung pakhat hliamhma fak a tuar i, a dang pakhat ram le miphun caah a nunnak a pek.

Nihin chun suimilam 1 pm hrawng zong ah Kanpetlet khuapi chung ah CDF – Kanpetlet le SAC ralhrang phu kar kahdohnak a chuak i SAC ralhrang phu lei in ralhrang 3 hel ah kuat an si. 15, 11, 2021 ni zong ah SAC ralhrang phu pakhat cu CDF-Kanpetlet ralkap pakhat nih motorcycle in a pah i SAC ralhrang pakhat a hmun ah a thi tiah thawngthanhnak an tuah hi a si. Source: The Kanpetlet Times