Zualko: Ka U Rolian pa aww, na kan dinhtak a tuan tuk ai mu!
==========
Ka U Rolian pa aww, na kan dinhtak a tuan tuk ai mu, na kan dawtnak hi kan nunchung kan rak philh lai lo, Chungkhar, sahlawh tungmertu le dawtu tiah kan in cinken peng lai. Na dam thannak dingah chawva in tuah khawh sisehlaw ka ngeihmi thil zuar hmanhin kan thlopbul hnga tiah kan nu sinah ka chim tawn. Jehovah Pathian hi a lian ngan hringhran ko, a khuakhan hi deh khat hmanh kan thawn kho fom lo, kan siaherh tuk buin na kan dinhtak ai! Paradise ah kan i tong te hna lai.
Rolian pa.. Kanau dawt na thawngtheih cu tuarhar tuk a si. Bawipa caan khiah mi program nasi ko rua mu..A mah sin ah zungzal in va din ko kun mu. Tantak mi na family le nanu sin ah Bawipa nih hnem ko hna seh. Bawipa (RoLian pa)na chan tawi tuk e. Chim le hnemh zia zong kan thiam lo e. ni ni ka fa Rolian pa nih an kal tak mi a tuan tuk ee nu nu bawi pa tu nih in hnem hram seh mu ka fa aww.
Celh a umlo e, Vawlei cung duh tlinlonak ram mah duh bang si thiam lo hrat cu, Ro Lian pa hi Vawlei cung ah cun tonhar cang lai nain, kan tum cungchin Vanram nuam tu ah ton tthannak um hram te ko seh mu. Vawlei ngai hi mu…Ngaih a chiatuk e. Tantakmi chungkhar Bawipa tu nih in hnem ko hna seh law! Hmurka tha mi thinlungtha ka ta te aw….vakal chungko kunlaw
Vawleicung nunnak ngai hi, caan tawite kan itong nain bia kan i ruah le kan i nuamh tuk kha mu Ro Lian pa. Na kal a tuan tuk e. Bawi te ka nau sianlo ka ngaihchia tuk ee.Na nu ruahah thinlung a baa tuk ai ee.Sianlo bu in va kal chung kun mu. Nan ngeih chiat nak kan rak i hrawm ve ee tantak mi chungkhar Bawipa nih hnem ko hna seh.
Falam Le Hakha Ah Tlangrai A Tlung, Mizaw An Tam! Chin ramkulh, Falam peng ah tlangrai zawtnak a tlung i sii-inn ah mizaw um an tam ngai, tiah theih a si. July thla dongh hrawng ah khan Falam khuachung ah tlangrai in a zawmi an tam ngai. An hrawm a faak i an khuh, an tha um lo i rawl zong an duh lo. A bik in ngakchia le upa hi an zaw khun hna. Falam khua chung ummi zong sii-inn ah an um i khuate lei in a rami zong an tampi, tiah Falam ummi pakhat nih The Chin Post ah a chim.
“July thla dongh hrawng khan Falam khuapi Tlanglo sang a ummi sang chung mi hna zong faak ngai in tlangrai in an rak zaw i Falam sii-inn ah a ummi zong an um hna. Mino cu kan ṭhawng deuh ko nain ngakchia le upa cu an celh hrim hna lo. Atu zong sii-inn a ummi an um pah rih ko lai,” tiah Tlanglo sang ummi pakhat nih The Chin Post ah a chim.
Falam peng khuate pakhat in dam lo ruangah Falam sii-inn a panhmi nu pakhat zong siibawi te in x-ray(ဓာတ်မှန်) an thlakter i a result a chuakmi cu siibawi te nih an fian lo caah Mandalay sii-inn ah kal dingin an chimh hna nain tangka ngeih lo ruangah Mandalay a kal kho ding an si lo caah Hakha sii-inn an panh, tiah theih a si.
Hakha khuapi zong ah July thla in tlangrai in a zawmi an tam ngai cang. Mizaw pakhat nih a chim ningah, tutan an zawt ning cu 2020 lio covid rai bantuk in an hrawm a faak an tha a um lo, an lung a mit i rawl an duh lo, tiah theih a si.
Matupi Peng Ah Thingkung Nih Inn A Nenh Caah Pa 1 Nunnak A Liam! Chin ramkulh, Matupi peng, Haltu khua ah ruahpi le thli a faak ngai caah thingkung kiakmi nih mipi inn an nenh chih i pa 1 nunnak a liam, tiah theih a si.
“2023, August 7 zing suimilam 2:00 tluk ah thingkung kiakmi nih inn a nenh caah U Lawng Hon (kum 52) a nunnak a liam. A nupi zong hliamhma faak ngai a tuar caah Matupi sii-inn ah thlopbul lio a si. An fa nu kum 8 ngakchia le an fapa le 2 inn ah an tantak hna” tiah tualchungmi pakhat nih a chim.
Kalay Thonginn Ah CNDF Ralkap 1 Nunnak A Liam; SAC Nih A Ruak Tlunpi An Siang Lo! Sagaing ramṭhen, Kalaymyo thonginn ah SAC ralhrang nih thong an thlakmi Salai Van Biak Him cu nizan August 6 zing ah Kalaymyo sii-inn pi ah a nunnak a liam, tiah kan theih. 2022 kum i thonginn chung kahdohnak lio ah a nunnak liammi Van Ding he 2021 kum lio ahkhan SAC ralhrang nih an tlaihkhih hna, tiah theih a si.
CNDF in chimpuannak nawlngei tu Salai Cung Ngai nih “Salai Van Biak Him hi lung zawtnak a ngei ti ah kan theih. Nizan zing suimilam 10:00 hrawng ah Kalay sii-inn pi an phak pi i suimilam cheu hrawng a rauh hnu ah a nunnak a liam. Mi theih dingin aa dawhnak men ah a thih lai te ah sii-inn an kalpi hi a si.
Thonginn chung ah ṭhate in thlopbulnak caan zong an pe lai lo. Cun a ruak zong a chuahnak khua Falam ah tlunpi an sian lo caah Kalaymyo ah an vui” tiah a chim. CNO/CNDF chungtel 14 hna cu SAC ralhrang nih an tlaih hna i thong an thlak hna. Cu chung ah minung 2 an nunnak a liam cang, tiah theih chih a si.