Vakok-CNDF In Ralkap Pakhat Nunnak A Liam!
===========
Kalaymyo peng, Tharsi khua ah nizan June 25 ah CNDF le SAC ralkap kar kahdohnak a chuak i Vakok-CNDF in ralkap Min Khant Kyaw cu a nunnak a liam, tiah theih a si. SAC ralkap nih hriamngan an kah ruangah hriamngan kuan nih a tlak i CDF-KKG in ralkap pakhat zong hliamhma a pu. Tharsi khua zong mei in an khangh, tiah Zalen nih a ṭial.
Aizawl Ah Myanmar Ralzam Hna He Pehtlai In Dirh Mi Bu Dihlak Aiawhtu Network for Unity Association (NUA); Mizoram, Aizawl khuapi ah a ummi Myanmar rambuai ruangah dirhmi bu (Committee) hi 11 nak tam an um. Mizoram cozah, Mizoram NGO pawl le NUG nih ruahnak an pek hna bantukin bu pakhat nih palai pahnih cio thlah in Network for Unity Association (NUA) cu June 17, 2023 (Saturday) ah khan dirh a si.
NUA hruaitu hna cu a tanglei bantukin an si.
President: Pu JH. Liansanga
Vice President 1: Pu Lalthlamuana
Vice President 2: Pu Lalchungliana
General Secretary: Pu Zonunthanga
Asst General Secretary 1: Daw Cecellia
Asst General Secretary 2: Dr Becca
Finance Secretary: Pu T. Lian Thang
Treasurer: Pu C Lalrotluanga
Asst. Treasurer: Lalhriatpuii
NUA cu a um cia mi bu hna aiawhtu a si bantukin a dang tein rianṭuan le cawlcanghnak an ngei lai lo. NUA ah aa tel mi bu hna aiawhtu in cozah le NGO/INGO hna a tongtu, bia a chimtu a si lai. Cun Chin miphun huap cawlcanghnak (CND tbk) kha NUA nih ṭuanvo lak in kan tuah lai tiah NUA Finance Secretary: Pu T. Lian Thang nih The Chin Post ah a chim. Crd; The Chin Post