R.I.P tuk law Chin mipi an kan dirkamh tu Pu Tana Vl Tana “Na nan kan liam tak tuan tuk e”
=======
Mizo kan unau MZP President Pu Tana hi kanmah Chin miphun caah raltha tak in a cawlcang ve mi asi. Kum 2021, Feb in SAC ralkap nih rampi uknak an lak i Chin mipi Mizoram lei zaan hram kan hun thok lio, ramri ah Assam riffle pawl nih an kan kham lio zong ah ramri tiang a phan lengmang i Assam riffle an kan dir onh tu le Chin mipi Mizoram kan luh khawhnak ding ah an kan tawlrel piak tu asi.
Chin mipi Mizoram khuakip, Aizawl tibantuk kan phak lio ah Mizoram Cozah sin ah “Civui khualtlung bantuk in caan sau um ter awk an tha lo, cu caah Cozah nih umnak ding le khuasaknak tuaktan piak hna uh tiah a au pi tu hna a si.
Delhi ah voi tampi kan mah Chin mi zawnruah ah a rak phan. Delhi khuasa Chin mipi an kan hruai i Delhi Mizoram House ah sandah piahnak zong an kan tuah pi tu asi. Cu lio ah Mizoram MP pawl zong kan sandah piahnak ah a hruai hna.
“Chin cu kan unau taktak an si, thisen khat kan si. Cu caah a herh ahcun Chin mipi caah kan thisen a luang ve lai, Min Aung Hliang ralkap dohnak ah a herhnak kip in kan cawlcangh pi hna lai” tiah Delhi hrambunh India Media hmai ah fak ngai in a rak chim mi kaa thei peng. Voi tampi kan i tong, mitha mifel le dawtnak a ngei mi asi. Tuzing ah ruah lo pi in an kan liam tak timi thawngpang ka theih cu ka ui tuk hringhran.
Mizoram Chin Ralzam A Dawtu MZP President Hlun B. Vanlaltana A Nunnak A Liam! Tuzing August 13, zinglei suimilam 4(IST) ah kum 2019-2021 chung Mizo Zirlai Pawl(MZP) president a rak si cang mi, B. Vanlaltana cu Trinity hospital, Aizawl ah a nunnak a liam.
B. Vanlaltana hi a tha dih deuh ruangah i zohter dingin nizan August 12 zanlei ah khan amah motor i khalh in siizung a phan i, a zawtnak cu a rak zual deuh ruangah ICU ah luhter a si. Tuzing suimilam 4 ah khan a nunnak a liam. A taksa ah Septicemia zawtnak hmuh a si i, a lung le kal a ṭha lo mi a si, tiah an chim. A ruak hi nihin chunhnu suimilam 1 ah a umnak Chawnpui sang, Aizawl khuapi ah vui a si lai.
B. Vanlaltana hi MZP ah caan saupi aa tel cang mi a si i, MZP hruaitu post dangdang zong a rak tlaih cang. Mizoram nih miphun kongkau buainak a ton caan ah faak piin a cawlcangmi a si i, Bairabi Zophai buai lio zong ah hliamhma tiang a rak pu. MZP president sinak a tlaih lio ah hin Chin ralzam biatak tein Mizoram an luh lio a si i, anih hi Chin ralzam hna a dawtu le bawmtu pakhat a si.
Chin Miphun Funtom Duhtu Le East Lai Ralzaam Dawtu Pu Vanlaltana Nunnak Liam. Central Lairam, Lawngtlai 2023 Hniang 13: Nithaizing suimilaam 4 hrawng ah khan kum 2019-21 chung Mizo Zirlai Pawl (MZP) President si mi Pu B. Vanlaltana cu Aizawl Trinity Hospital ah a nunnak liam.
Pu B. Vanlaltana hi Chawnpui sang ah khuasa a si i, a taksa sining a dik deuh lo caah i zohter dingin Trinity Hospital ah a mah te’n motor i khalh in a kal. A rak serious deuh ngai i, septicemia a rak si manh. Kal le lung tha lo a rak si fawn. ICU ah luhpi a si hnu zinglei suimilaam 4 hrawng ah a nunnak a liam.
MZP a si lio ah Bairabi Zophai buainak zong ah hliam a rak tuar. Cun East Lai ralzaam zawnruattu zong a si hlei ah, Chin hrinfa i hmunkhat ah i funtom a duhtu zong a si. A ruak hi nihin zaanlei suimilaam 1 ah thlaan a tla te lai.
A va poi ve aw. Mipi cal pakhat kan sungh than cu lung afak tuk ai. Taantakmi chungkhar ngaihchiatnak kan tuarpi hna, Bawipa nih thazangthar pe ko hna seh. Cu hlan ah ka hngalh mi a si lo nain “Chin le Mizo unau kan si, kan i bawmhchanh awk a si” tiin a dirpi mi nan chimnak in ka upattuk ve. Ka siang lotuk ve. Nan uituk lai tiah ka zumh. Miphun kong a siaherhtuk ve lai mu.