Zualko: Biakinn sang ummi Pu Hrang Pian Nih Tikir Ah Mual A Kan Liam Tak Ruangmang Ee!

Zualko: Biakinn sang ummi Pu Hrang Pian Nih Tikir Ah Mual A Kan Liam Tak Ruangmang Ee!
========
Ngaihchiatpinak; Kan Khrihfabu chungtel, Biakinn sang ummi Pu Hrang Pian (Kum 85) nih 2022 January 15 ah, Tikir ah mual a kan liamtak. Amah hi kan Khrihfabu ah caan saupi Khrihfa Upa a rak tuanmi a si.

Zinglei zanlei ah Biakinn thlacam a hrelh bal lomi kan pa a si. Thlalang Cazual ah ca a kan tialpiak lengmangtu, bochanmi kan pa a si. Pathian nih a dawtnak kong chim ding tampi a ngeimi kan pa a si. Hmunkip kakip ummi a tufa vialte, TBC Khrihfabu chungtel dihlak nih kan in ngaihchiatpi hna. Bawipa Thlarau nih in hnem hna seh. (Jesuh nih, “Kei cu thawhthannak le nunnak ka si”, a ti. Johan 11:25)

Ngeih chia tuk e Than Tlang ka pa le pawl kan tlawn hna ah na ka kal tak dih e. Tliknak le zamnak hmun i a tu bantuk i ngaihchiatnak ton cu a fak khun ko e. Bawipa nih tantak mi chungkhar dihlak hnem ko hna seh. Khua ruah ah hin ngei chiat le lung fah hi celh si lo e.ngeih chia lung kuai mi hna bawi pa tu nih tha zang thar pe ko hna seh mu.

Atu ah kan Chinram Min Aung Hlaing ruang ah kan buai, țihnung taktak in kan buai! Japan ram Tsunami nih a den hnu ah khan, tangka chiah nak thir thingkuang (steel safe) hna 4500 hlei le US tangka (75) million hrawng an hmuh, an char i, cu an hmuh mi tangka vialte kha a char tu pawl nih police station ah an ap dih i, a ngeitu pawl sinah an phan ter țhan dih tiin ka rak rel bal.

Kan kawlram 2008 kum lio cyclone Nargis nih a den hnu ah, kut a bul mi, kutdong a bul mi, hnakhaw a um tilo mi mithi ruang tampi a um tiin an chim mi ka theih bal. Japan pawl nihcun ngaihchiat, lung rethei an ton ciocio lio zong ah mi thil alakin lak an duh lo, a ngeitu zeitluk indah a ngaih a chia lai, a lungre a theih lai tiah zawnruahnak an ngei.

Kawlram Nargis lio ahcun, sui kuthrawlh, sui zungbunh, sui hnaton, sui tumbul hna kha a phoih in an phoih piak tilo in an kut, hnakhaw hna kha nam in an cik piak i sui pawl kha an lak piak hna țih a nung taktak ko.

Atu ah kan Chinland Min Aung Hlaing ruang ah kan buai, țihnung taktak in kan buai. Thantlang khua hna kan chuah tak, khuachung lila ah an kan kah piak, inn hna aa kan khangh piak, cu karlak teah kanmah lila nih kan hawile inn hna kan bauh piak i an thil kan fir piak, kan duh mi kan lak piak.

Mizoram leiah ralzaam dirhmun in kan zaam, CDM kan tuah, cu chungah CDM bawmhnak kan hmuh bak lo a timi, ralzaam bawmhnak kan hmuh bak lo aa ti mi kan tam hoi. Tlukruang nak a um lo maw a si hnga. Cun, kan hawile (mino) a tam deuh nih ram le miphun caah an duhtuk ruangah a si lo in a herh ruangah CNA, CDF, CNDA, PDF hna ah an lut, ral an doh, an thi, an hliam, tlaihkhit an ton, an kut ke an bul, cheukhat mino pawl cu Mizoram ah him nak an kawl, cu chung i a zual mi pawl cu, mi thih lohnak, mi buainak, mi ngaihchiat nak kha caanțha ah la in Delhi leiah an kal mi pawl hi an si.

Sunday school i kan cawngmi zawnruahnak, Biakinn ah ka ngaih tawn mi zawnruah nak, sianginn ah kan cawng mi zawnrauhnak, midang kan chimhrin tawn mi zawnruahnak te hna hi khawikaahdah a um dih hnga? Kan aupi mi khrihfa nun timi zong hi zawnruahnak hi a si. kan aupi mi dawtnak an timi zong hi zawnruah nak hi a si.

Kan aupi mi Democracy timi zong hi zawnruah nak hi a si. kan aupi mi ram le miphun dawtnak/chungkhar dawtnak timi zong hi zawnruah nun tehi a si ko. Hi zawnruah te kan ngeilo ahcun? Credit: Patrick Savang

“Thlacam cu bawmh hal lawng a si lo”; Laimi tam deuh nih thla kan cam kan ti mi hi thlacam si lo in “Bawmh hal” deuh khi a si. Na thlacam mi ah a thawk in a dongh tiang na herh mi, dam lo ngaihchiat har ton vansannak in hnangam lawmhnak hmuh ding na duh mi lawngte Pathian na chimh ahcun thlacam ti awk a tlak lo.

Thlacam nih a huap mi cu sual phuan (kan tuah mi a min bak phuan a hau, mi thintawi, rutreu depdet, lih chim, sik velh, puarhran ninghngal, fir, zumh le uah, zu din, nupa sualnak, lainawn etc vialte kan tuah mi sualnak chim lo in Bawipa ka sualnak ka ngaithiam ti men cu sual phuan a si fawn lo),

ngaihchih, Pathian sin lawmh biachin, Bawipa ca ah cucu khakha ka tuah lai tiah chiatserh bantuk in thlacam nenh mi ngeih (1/10 hman tein kan pek lai tbk khi), cun kan duhherh mi zong hal tiin a cunglei vial tal ni khat rawl ulh ah na telh lo ahcun thlacam ti mi a tlinh lo.

Nu bu an thlacam ding ah nu sining ka hngalh mi phun 10 (mi kong ceih, va tang dor lo, lih chim, khaini hmuam etc) hlawt ding, an tuah ding 1/10 hmaan tein pek, mang manh lo mi mah ruahnak te hna Pathian he kan i tong tbk phun 10, Pathian nih a kan dawtnak lawmh bia chim ding phun 10, a donghnak ah bawmh hal duh mi tiah ka ṭialpiak hna i Pastor nih thlacam ding ṭialpiak hmanh thiam lo tiah an ka thangchiat.

A cunglei phun 30 ka ṭial mi an hlawt i a tang bik khi anmah duh in bawmh hal phun nuhmei e ngakṭah, mission, thongtla, mizaw…. tbk lawngte chunnitlak an kan campi tiah …kan chungkhat nu aa tel ve mi nih a ka chimh ai.

Nang le kei kanmah lawng sau deuh thla kan cam tik ah Kanmah duhherh ca lawng kan hal ahcun midang sin ah thla ka cam tiah chim lo in bawmh hal thlacamnak ka ngei ti ding a si lai.

Tu tan kan ram himnak, luatnak , zalonnak ca ah thla kan cam tik zong ah Bawipa ca i kan tuah ve te ding thlacam nenh philh hlah usi. Hi ca a rel mi nih thla kan cam tik ah thlacam phun tam deuh kan i chap cang lai ti ruahchannak he…Kaa lawm. Credit: F Za Thang