Loikaw Khuapi Laak Kahdohnak Chung Ah KNDF Ralkap 4 An Nunnak A Liam. Karenni ramkulh, Loikaw khuapi laak kahdohnak chung ah KNDF Battalion 8- Division-2 in ralkap 4 an nunnak a liam, tiah theih a si.
March 25, ah Loikaw khuapi laak kahdohnak chung ah KNDF Battalion 8- Division-2 in ralkap Thet Zaw Linn, Saw E Htoo Win, Phoo Choh, le Kenley hna cu a nunnak a liam, tiah KNDF Battalion-8 nih March 26, ah an thanh.
Kayah ramkulh le Shan-Kayah ramri ah a cang mi 1111 kahdohnak chung ah KNDF nih Mese , Demoso,Ywarthit, Shadaw ရှားတော, Mawchi, Nan Me Khon le Moebye khua hna cu an laak khawh i a dang a taangmi khua hna zong laak khawh an i zuam cuahmah, tiah theih a si. Lungmili Post
Relchap: Tedim Khuapi Pawng Sezang Khua Ah Inn Hnih Ciam Dih In A Kaang. Chinram, Tedim khuapi pawng Sezang khua ah umnak inn hnih cu nizan March 26 zan ah a kaang i a ciam dih, tiah theih a si.
Nizan March 26, zan suimilam 10:30 hrawng in Sehzang khua inn hnih cu a kaang i zing suimilam 1:30 tiang a kaang, tiah tualchung mi nih an chim.
“Kaangmei ruang ah thi le hliam cu an um lo nain thil pakhat hmanh an chuah manh lo i a inn hnih ning in a ciam dih,” tiah tualchung mi pakhat nih a chim.
Sezang khua ah a kaang mi inn pahnih cu Pu Thawng Khanh Khai le Pu Dam Suan Khai inn an si i, zeiruang ah dah a kangh hngalh a si lo, tiah tualchung mi nih an chim. Sezang khua cu Tedim khuapi he meng 1 tluk lawng aa hlat i Tedim–Kalay lampi cung ah a um mi khua pakhat a si. The Chin Post