Zohchun Awktlak Thantlang Tikir Khua

Zohchun awktlak Thantlang peng TIKIR khua

2020 Myanmar rampi thimnak cu a linsa taktak khi a si ko. Kan Myanmat rampi zalawng tein thimnak hi voihnih a van si i hmailei lebang ahcun hinak in a sungsa chin lengmang ko cang lai. Cucu Democracy rim a van namnak theipar cu a si.

2020 thimhlan in thimhnu tiang ah hlanlio ah Chin/Laimi mitampi nih raktheih thenglomi Thantlang peng TIKIR khua tiokap khuate cu Chin state khua vialte lakah theihmi ah a van cang. Cucu Bawipa tthatnak ruangah a si.

Kan pupa hna nih zungthluk anngeih mi cu milut dawnhlah zullut dawn tihi a si. Cu ve bantuk in kanram thimnak dingah kan Chin State chungin thimnak a lut mi Party pali (4) hna cu TIKIr khau ah anphan ve ti a si. Cu ve bantuk in VP khua kansi ti rumro in khua tuakding a si lo, hmailei kan thluachuah a kamtu kan si lo ding ah tiah khualtlung mileng cu Innkaa kaua piin anpiak ansi i tlaithawh zanriah te zong ngeihlo chun tein anthur tihang le Aalu kio tein anpek ve hna. chuncaw te cu rawnh anhaoh caah uting nauzo tein a si khawh lo hmanhah tiah mehrep umlo hmanh ah Arti kio te cu rawnh ve ansi taktak.

A tanglei bantuk in Chuncaw cu rawnh ansi.
1. NLD = 1260, 2. CNLD = 67, 3. USDP = 62, 4. CNP = 14. HitihinTikir khua mi nih kan Miphun caah ramvai mi hna chuncaw te cu rawnh ansi.

A theithiam lo mi micheu nih cun VP khua ansi caah khualtlung dang cu chuncaw anrawnh hna awk a silo a ti mi nan um len, zei a si zongah annih Tikir cu a tu thluachuah lawng siloin hmailei thluachuah zong an ni ham tikhi ruahpah ve cu a hau hnga lo maw?

2015 hlan ahcun Tikir cu Inn 130 hrawng te a rak si nain Pathian thawngin nihin ahcun Inn 250 kuamkap ansi ve cang i Miphun aicawh mi khua pakhat ah aichuah ve cang. Cucaah an khuaruah ning hi puitling khuaruah in anruat cang tihi tutan thimnak in a lang.

Aidawt tuk mi nun an ngeih rihmi cu kan pu/pa chan sining bantuk in ramvai, ramriak hna nih an hmuhtheih mi sa te zong innpa chakthlang le khua nupa hna caah Saazam te zong nihin nitiang a tuah mi khua ansi.

Cucaah Miphun hawi hna a tlau cuahmah mi kan nunphung tehi Tikir mi hna nih an ni ken pengmi hi soisel lo tein upat le an nawl cawn hi Chin/Laimi hna nih i zuam hram hna usih law zohchun awktlak ansi naktu hi phunbang chim ve cang hna usih. Credit: Rol

Leave a Reply

Your email address will not be published. Required fields are marked *