Zeitindah A Dongh Te Ne Lai? Russian President Vladimir Putin Ai Hro!

ZEITINDAH A DONGH TE NE LAI? RUSIA President Vladimir Putin Ai Hro;
==========
“Hi kahnak ruangah kan ram le mipi cungah hrocernak le tthihphaihnak a tuah i a kan khamtu cu mi zeibantuk nan si hmanh ah lehrulhnak kan in tuah cawlh hna lai. Cucu tuanbia zongah nan theih bel lomi thil asi lai. A tuhi ready tein kan in bawh ko hna hih” tiah a ti.

Ukrain President Zalensky Nih NATO A Nawl Cawl Hna “Nan sinah luh ve kan duh, nan kan cohlang kho lai maw?” tiah piangro tein bak in President Zalensky nih NATO ka nawl ko hna nain ttihnak in an khat hohmanh an holh ngam lo tiah interview an tuahnak ah a chim. US pi cu a con dup ko rua. NATO zong hi hnu lei ah pil dawh in an um. Vawleipi nih TV chung lawngin an cawnh ngam cang hna.

Biahalnak: 1. Zeiruang sat ahdah Russia nihin Ukraine hi a tuk hnga, Reforming Soviet Union cu maw ai tinh bik mi cu a hei si ko hnga eih?

2. Hi tukdohnak hi daihternak lam teh a um bak ti hnga lo ma; mipi hmurka in chim tam bik NATO kan ti lengmang nihhin an ttih bia ma; zeiruangah dah tutiang an cawlcangh bel ne hnga lo? Russia thinhun cu saram bawi Chiandeih (Lion) hrum thawng theih ko a lo ai ee.

Ukraine ralkap nih “Russia ralkap 2800 hrawng an kan thah cang hna, raltuknak mawtaw 516, raltuknak vanlawng 10 le raltuknak helicopter 7 kan hrawh piak cang ee”, an ti. Russia cu an i ngaichih pah cang rua dah ka ti. Cei ve ko hna seh!

Ukraine lawng nih kan doh tiah Ukraine President nih a lungfahnak chim. 2022 February 25 — Ukraine President Vokodymyr Zelenskyy nih Ukraine ram bomhding le a rulhrang tukmi Russia dohnak dirter dingah nitlak hawikomh phu pawl sinah bomh a hal ṭhan.

“Kanmah Ukraine ram lawng nih kan doh. Ram ṭhawngṭha pawl nih a langhlat lawngin an kan zoh” tiah President Zalenskyy nih February 25 zing a biachimnak ah a telh. “European i ram 27 hruaitu pawl he biaruahnak kan ngei. Ukraine ram hi NATO chung tel a si taktak lai maw tiah ka hal hna i an ṭih caah hohmanh nih an ka let lo. Sihmanhsehlaw, kan nih cu hohmanh kan ṭih lo. Russia zong kan ṭih lo i Russia he biaruah ding zong kan ṭih lo” tiah a chim fawn.

February 24 ah tuahmi sanctions pawl hi Russia lungṭul dingin maw an lemnak a si tiah biahalnak a tuah i mah sanction lawng nih a zat lo tiah Ukraine President nih a chim. American President Joe Biden zong nih Amerian ralkap pawl cu Russia le Ukraine karlak raltuknak ah an i tel lai lo. G7 hruaitu pawl he biaruahnak kan ngei i hnatlaknak kan ngeihmi cu Russia nih a hmailei caah a tuarte ding Chawleh lei sanctions pawl tuah hi a si tiah a chim.

Zing khuaceu hlan deuh ah, Kyiv khua cu hriam ngan (missile) in kah kan tong tiah President Zelenskyy nih a fianter. Ukraine caan zing sml 4:00am tluk in kahdohnak hi aa thok i Russia nih mipi pawl ka hnawrsuang hna lai lo a ti ko nain Russia kahdohnak cu ralkap lei le mipi lei he a tuah tiah a peh.

Tutan Ukraine buainak ai thoknak lakah pakhat a simi cu Russia nih sau tuk a rak ukmi a si bang Ukraine ramchung ah Russia holh hmang, Russia miphun an tam tuk ruang ah a si ti khawh a si. Ukraine nih Russia he i hlat deuh, Russia nih chilh tuk pengmi nunphung, holh le sining pawl in i hlihphuah i anmah sining a dang tein ser an i zuam mi kha Russia ram le Ukraine chung um Russia miphun nih an ei kho lo.

Russia a tam-u sinak ramtthen pahnih in buai hram an thok i cucu Russia nih caan ttha ah hmang in Ukraine cu Russia nih chilh pengmi an si nakhnga tlaihhrem in tutan thil a tuahnak hi a si ti ah a palh thlu lai lo dah. Hi nih Kawlram le Tlangcung miphun hna sining khi a hun ka ruahter chih. Kachin te, Shan te nih Independence laak i tim len hmanh hna seh law an ramri ning khin laak a har lai, zeicaticun an ram zeimawzat cu Kawl nih an khah hnawh cang.

Zeitik caan paoh ah an ram chung Kawl khi an taw sawh i ramchung buainak chuah ter peng ding ah an tla. Phundang in chim ahcun an ramri a ning in an kut i chiahnak ding ah cun Kawlram he um tti lawng lawng lam an nei.
Chinram chung ah Miphun dang nih hmunhma an laak tuk lai phan kong ttial ah miphun thleidan le extreme khi puh an si ttheu.

Tutan Ukraine le Russia buainak hi kan ramri le kan miphun humhimnak ding ah zohchunh awk in ka ruah. Chinram khi Chinmi nih an duh ning in an hruai khawh nakhnga Chinram chung ah mi tam-u Chinmi Kan si peng a herh i kanmah nakin miphun ngan a simi Kawl te nih miphun kong ah fawi tuk in dehcawh khawh mi sinak in luatnak ding ah mipem, a hlei in dolh a Kan timtu miphun hna khi i ralrin peng a hau ti khi tutan Ukraine buainak le kanmah sining Kan pehtlaihter daan a si.