Zeicaan a tuk rih lai chim khawh si rih lo!

Russia President Putin nih nili (4days) ah ka tei lai tiah a ruah.
========
Cawntlak; Russia nih Ukraine ram cu a tuk. Russia president Putin nih nili(4days) ah ka tei lai tiah a ruah. Nain nihin tiang a tei rih lo. Zeicaan a tuk rih lai chim khawh si rih lo. Ukraine mipi zakaht ah zakhat an thazang an chuah. an mah le an thiamnak le an ti khawhnak lam cio in an i tel dih. A niam bik ah zuri hmanh nih Russia ralkap tank pawl kal kho loin lam an kham hna ti si. Mi sawh sawh nih social media in ceilak in an phomh hna. An tang tak tak. Nihin tiang an i tuknak ah kan ram caah cawn tlak mi tete an um.

1. An dohmi an i fiang cikcek; Nihin kan ram ah dothlennak kan tuah ve. Rammi cheu thum ah cheu khat lawng nih kan i fiang. A ruang: Ram mipi nih kan dohmi ruangah harnak ton hi kan zenh deuh(tch. khua chung i kah le doh kan duh lem lo). Ukraine mipi hna cu tar in ngakchia tiang an chuak dih. An chuah ngamnak cu an dohmi an i fian ruangah si ko. An fianmi nih ralthatnak a pek hna. Fian tak tak lo cun fawi lo tinak.

2. An i fun dih; An ram ah Political party in an cawlcang ti lo. Aw khat (one voice) in an dir. Aa rem lomi zong an i fun dih. Nihin kan ramah ka i fun khawh ve lo ning. Party kan ti. Miphun kan ti. Peng kan ti. Khua kan ti. Teinak hmuh dingah cun i fun dih bak kan hau. Kan i fun dih lo cun teinak kan hmuh ding ruahchan ngam ding si lo.

3. Social media hman an thiam; Zarh khat chung Russia le Ukraine an i tuknak ah ka uar ngai mi cu Ukraine ralkap pawl nih an umnak an langhter bak lo. Ukraine hi ralkap an ngei hnga lo maw ti awk in an um. News ah hmuh khawh tuk an si lo. An mipi zong nih an chim bak lo. Nain Russia ralkap pawl an umnak le an phanhnak cu social media ah ceilak in mipi nih an tar. Ukraine ralkap pawl caah cun a nuam ngai lai. Kan nih cu si lo kan umnak kan thazang dernak. meithal kan ngeih lonak social media ah kan langhter tuk. Kan ngeih lomi zong angei mi design in chim pah ding si ka ti. Lau hna seh, tih hna seh ti phun in.

Ukraine ram cu Ralkap tha angei mi an si ve. Neuclear power zong tampi arak ngei bel mi an si ve. US nih an rak hrawh ter hna bia. An ralkap hi nek men ding an si lem lo. Kawlram hna cu tu seh law a tei tuk lai. Russia caah a hme ti bai khi si ko. Nain nihin tiang an raltuk ning kan zoh tik ah raltuk an thiam bak ka ti. Ka theih chap mi hna m sual ahcun ka peh than te lai. D Elrich Van

Mibu khuasaknak ah hruaitu a biapi ning hi Ukraine le Russia war nih a langhter ngaingai. Ukraine president Volodymyr Zelenskyy ralthatnak/ Courage nih Russia ram harnak a pek i, Vawlei cung politics muisam a thlen cikcek.

Russia cu vawlei cung Ralkap ah a thawngbik 2nk an si. US a changtu an si. UKRAINE ram hi fawituk in a tei lai tiah an zumh cio. Asinain Ukraine President nih a nunnak thap in, ral ttha tak in a dirh hnawh hna tikah, Ukraine Ralkap le mipi an thazaang a tlung i, Russia nih an iruah ning bantuk in an tei kho ti hna lo.

Ukraine president Volodymyr Zelenskyy cu thah/assassinate dingin Putin nih Chechen special force a thlah hnawh hna. Anmah KGB/ Spy agent zong a thlah hnawh hna nain an thah kho lo. “Keimah hi number 1 target ka si” timi aa hngalh ko nain raltha tein a ram le a miphun a dirhkamh peng thiam.

Volodymyr Zelenskyy hi miralchia President sisehlaw a zam cang lai. Asilo ah fawite in Russia sinah surrender a tuah cang lai. Fawite in Russia sinah I surrender hna sehlaw, 2014 i Crimea a lak bantuk kha a si lai. West lei zong nih fakpi in sanction an tuah manh lai lo. RUSSIA 🇷🇺 president Putin Tuhi a lianngan chinchin lai. A ral a tha chinchin lai. Asinain,

Volodymyr Zelenskyy raltthatnak/ courage nih Mipi thazaang a ttawnter. West ram pawl lungrualnak zong a chuahter. West ram nih faktaktak in Putin cungah sanctions an tuah khawhnak hi, President Volodymyr Zelenskyy nih fek tthup in a dirh hnawh peng ve ko caah a si. Cucaah, miphun le ram nih teinak a hmuh khawhnak hnga ding caaahcun, Joshua bantuk miralttha hruaitu hi a rak herh rumro ko tinak a si.

Russia nih Ukraine a tuahto ning cu a fak bak ko. Hlan chan lio, Pathawng, misual luakchuak nih duh paoh in a derthawmmi an velh hna i, aho nih an chanh ngam hna lomi bantuk an si.Russia nih duh paoh in Ukraine cu a den cuahmah ko nain Russia he ralthawh ttih ah an chanh ngam lo. Ukraine Ralkap nih vawlei ral Cun an khuapi an ven khawh tuk ko nain Van in Russia nih a den thluahmah tikah ithen awk le iven awk a tha lo.

Ukraine president Zalensky nih Van/ air ral tal cu kan kham piak ko sawh ulaw tiah NATO le US cu no-fly zone tuah ding a hal hna nain No-Fly Zone tuah ahcun, NATO le US Ralkap nih Russia Vanlawng kah a hau lai caah, Russia he donak a chuak colh lai tiah an ruah caah an ngamh lo.

Tutan Ukraine vs Russia war zoh tikah UN nih Russia an mawhchiat. NATO le US nih Ukraine ram hi bawmh hna sehlaw, WW3 a chuak lem lai lo. Zeicatiah, RUSSIA cu aho ram hmanh nih bamwh le chanh a tong lai lo timi a fiang ngai. Asinain Russia nih Nuclear/ Nuke hi 1600 hrawng a ngei caah, Europe khi fak tuk in a den sual lai timi an ttih caah, asi khawh chung in Ukraine pinah ral dang aa chap lo ding an ven hi, si dawh a si.

RUSSIA Ralkap nih ground/ vawlei ral Cun Ukraine khuapi lak an iharh ngai ngai. Tuhi no 10/ 10 days a si cang. Ukraine nih zeitluk indah an khuapi an ven khawh hnga? Vawlei hi, Vawlei ah misual minung pakhat nih fak tuk in harnak a pek khawh rihmi hi a poi taktak a si ko.

Russia ram ah Putin uarlotu an karh caah Martial Law order a chuah hnik tiah biavaivuan a chuak. Nizan a biachimmi zoh tikah lih le lih in Russia Mipi a hlen hna. Ukraine Ralkap nih China students, India student, le ramdang students pawl an tlaih hna ralsa an tarh hna a ti. India 🇮🇳 MP nih a chawnh i, a chimmi a hman lo. Ukraine Ralkap tu nih an zam khawhnak an bawmh lehlam hna tiah India lei in bia a chuak.

Ukraine minung, miphun thleidan hmang, Neo Nazis pawl nih Russia minung harnak an pek hna a ti. Russia ram ah bomb a thlakmi le Innlo a hrawhmi cu, anmah Ukraine 🇺🇦 ralkap nih an tuahmi bantuk in Russia state TV ah a langhter i, Russia Ralkap in hartong bawmh ah kan kalmi a si tiah a ti hna. RUSSIA Ralkap a thimi cu lukhong tampi pek ding le Ukraine ram ah ral a tumi Ralkap pawl bonus pek ding zong a chim.

Russia ram ah social media a phih i, Nitlak lei Media pawl a khar piak hna. Anmah Russia State TV lawng hi a dikmi a si tiah a chim i, West pawl cu, “Empire of lie” a ti hna. Russia 🇷🇺 ram ah US dollar tampi cawk a khap i, Russia leng ah Phaisa chuahpi zong limited a tuah.

Ukraine ram ah Ralkap a thlahmi hna lakah Kum no, Mino an tam. Ramri ah Military Drill ( Rehearsal) tuah dingin a hlen hna i, Ukraine ah a kuat hna. Ruahlopi in Ukraine Ralkap he an itong tikah, an ttih. Raltuk an duh lo caah, a cheu Ralkap nihcun an mawghmi tanks datsi/ gas hna an zuhter hram i, lampi ah an itapter. A cheu Ralkap cu Ukraine Ralkap sinah surrender an tuah. Satellite hmanthlak nih a tlaihmi Russia military convoy/ truck? ruun pipi hna cu, traffic jam ah itap hna sehlaw a dawh tiah a cheu nih an ruah.

Ukraine khuapi cu a kulh hna i, chuak kho lo. Luh kho loin a tuah hna. Ukraine ah Nuclear Power plant cu an hrawh piak hna caah, winter khuasik lakah Ukraine Mipi tampi cu heat lo, le light lo in an um. Ukraine Mipi cu a zam kho zam hna seh, a zam duhlomi thi hna seh tbk phun in thlachiat a ruat bak lo ti a lang.

Putin hi 2019 Coronavirus a um hnu in midang he hlat in a um cang an ti. A cabinets pawl be hlapi in a thu zungzal. Aho ruahnak hmanh a lo bal lo. A ho hmanh nih ruahnak zong an cheuh ngam lo ti a si. RUSSIA tampi caahcun, Chan thar Nebuchadnezzar ti awk in a um. Miphun thleidannak lungput a ngei. Hlan chan ruahnak in a um. Thinlung/ ruahnak zong dik ti hlah sehlaw a dawh tiah tampi nih an ruah.

2003 lio i, US Ralkap, Iraq ram ah Kum khat hlei chung ah a thimi nakin, tutan ah RUSSIA Ralkap a thimi hi an tam deuh cang tiah an chim. A Ralkap a thimi an tam pinah, a hriamnam, tanks le jet pawl tampi hrawh piak a si.
Khat lei in, Approval rating 35 lei ah a tlami US President Joe Bidden nih State of Union speech ah US alliance lungrualnak cu celebration a tuah ti a si.

CHINA zong a sawm khawh i, RUSIA he naite in a ummi India zong 🇮🇳 a sawm khawh hna ti a si. Russia oil le gas cu advance in Phaisa an pek cang caah, phih awk a ttha deuh cio lo ti a si. UKraine refugee cu Canada Cozah nih fawite in Canada ram rat khawhnak lam, sepcial Visa waiver in lam a sial piak hna. Credit: Zasang Cinzah