Zeibantuk Minung si Dah na Duh?

Zeibantuk Minung si Dah na Duh?
========
Ka hawikom pakhat nih mati hin ruahnak a ka hal. “Atu ka tlaih mi rian hi ka tuan zuam tilo, cucaah hi rian hi ka chuah ah a poi maw” tiin a ka hal. Mati hin keimah nih biahalnak ka tuah lila ve. “zeibantuk si dah na duh” tiin ka hal lila.

A ka lehmi cu “si ka duh mi kai thei lo” ti hi asi. Acung bialehnak bantuk hin, “SI NA DUH MI NAI THEI LO SUAL MAW”? Cuti si ahcun a tanglei ah ka vun langhter lai i lungsau in rel i zuam.

(1): Nangmah le Nangmah i Hlenghlah: A tam deuhcu midang kan zohtik hna ah. A thurhmawmhnak mit in kan zoh tawn hna. Amah nih zeithil dah a ton, zeitindah a mah khi a sining si tiin kanngiat huam ngai hna. Cucu nangmah caah miaknak a ngei bak lomi le, a phichuak a ngei lomi ka-nan bantuk asi.

Thilhman loin an rum tiin sual kan phawtkhawh men hna. A ngaingai tiko lo ahcun mah sualnak thuh i mi sualnak chimcu mah le mah i hlen asi. Zingka na thawhphak ah thlalang nai bih caan ahkhin- hitihin biahalnak i tuahtawn law kan duh piak. “zei ah dah ka tlamtlin rih lo? “zei ruangah hawihnu ah ka tan rih?

“zeiruang ah dah ka thancho khawh lo? “Hiti nangmah le nangmah bia i hal hi tih hlah.”Nangmah le nangmah biahalnak nai tuah mi chungin raltha tein a phichuah zongkha ngamh. “Zeihmanh ka silo tiin nangmah le nangmah sual i phaw hlah, sual i phawt a herh lo. A herh mitu cu nangmah le nangmah kha i cawnpiak lengmang.

(2): Caanpek in Ruat: Nangmah le nangmah kha zeibantuk minung si dah ka duh tiin biahalnak i tuah. Na ngakchiat lioah na nu le napa “siloah” na saya/sayamah te nih, “na upat tikah zeibantuk minung si dah na duh” tiin an i hal tawn siko lo maw? Ma lio ahkhan zeitindah na rak leh hna atu i ruat than hmanh. Na ngakchiat lio ahcun na kaachuak paoh na rak chim ko lai, zeihmanh na rak theirih fom lo cuta ti.

Asinain atu cu na kum zong upat lei a panh cang, zeibantuk si dah ka duh timi aphi chuahcaan zong aza cang. Cucaah nangmah nih na duhbik mite kha i thim cang. “Thilcawk na duh hmanh ah zeidah cawk ka duh mi si tiin nai ruah hnu ah na cawk siko lo maw?

“Rawldawr na thut hmanh ah na ei duh mi rawl a umnak lawngah na thu siko lo maw? “Thilpuan zongah na duh mi muici nai hruk deuh ko lo maw? Khi vialte duhthimnak le biathlehnak nawl na ngei ko. Na nunnnak hmailei ca zongah duhthimnak le biathlehnak nawl ngeibik cu nangmah thiam na siko. Cucaah na nunnak hmailei caah “Zeibantuk si Dah ka Duh” tiin caan pek in rak i ruat.

(3): Naitinh mi Hmunkha Phakding Hrimhrim in Kal: “Zeibantuk si Dah ka Duh” timi biahalnak ah a phi na chuah cang si ahcun, si na duh mi sikhawhnak dingah thazaang chuah in nai zuam a herh cang. “Tahchunhnak ah: rili ral khatte leiah kal na duh, asinain tilio le na thiam lo. Cutik ah zeitin na tuahkun lai?

Hi cu a sikho lo tiin a sung na pek ahcun zeitik hmanh ah khatte leiral cu na phan kho lailo, a fiangko. Cuti si ah, khatte leiral pehkhawhnak ding ahcun tilio lawngin maw phak khawh ding asi ne? Si hlah ee. “Lawngcit zong a ngah, rili kam ah tilio cawn i thiam hnu ah riliral va pehkhawh zong a ngah thiam. Cu lawng siloin hlei umnak leiin va hel i va phakkhawh thiam zong asi. Zeithil paoh hi a lam pakhat lawngin zoh ahcun lungdongh sual a fawite asinain lam tampi in zoh ahcun a lam um hrim ko.

(4): Zeiruangah timi Biahalnak i Tuah: A cungah “Zeibantuk si Dah ka Duh” timi ah, na duh mi nai thimkhawh cang si ahcun “Cucu Zeiruangah Dah si ka Duh” timi biahalnak i tuah than. Tahchunhnak ah: “Bussiness tuah na na duh si ahcun zeiruangah dah Bussiness tuah cu na duh?

“Doctor si na duh ahcun zeiruangah dah doctor si cu na duh? Thlahlawh tam ruangah maw? Mipi thatnak chuahpi duh ah maw? Rum duh ruangah maw? Zeiruangah SI KA DUH tiin a phi na kawl a herh. Aphi tha tein na chuah i na hmuhkhawh si ahcun, “Khatte lei ral va chuahkhawhnak dingah ti i lio lawng a tangcang”.

Ka hawi, hihi a donghnak ah cahta kan duh hna. Zeibantuk si dah ka duh timi kha, cafang ngan nawn piin tial law nifatin na hmuhkhawhnak hmun ah benh. Cuticun nai timhmi chungah mah cafang nihcun fak piin hram an sihpi khawh mi asi. Kan i lawm, hi ca na rel dih ahcun a tang bialehnak hi fawi tein na phit khawh ko lai.