Zei sianginn dah a si? Ziah an khar lo? Tangkaa kyat 50000 le ting khat te lawng cu a ti mi pawl, ningzah hngal lo hna

Zei sianginn dah a si? Ziah an khar lo? Tangkaa kyat 50000 le ting khat te lawng cu a ti mi pawl, ningzah hngal lo hna, a nunnak hmanh a pe mi an um na lak ah, mah bia cu nan chim ngam ko. Nan mah pawl kha tuan tein CDM tuah ve uh law cu mi tampi nih an tuar mi harnak le thihnak a tong mi zong an tlawm deuh men hnga i, hi ralhraang boruak caan hi a sau men hnga lo dakaw.

Ram dang in fawi tuk in aukhuan sawh lawng hi kan i-tim lo. Nan dirhmun a cang ding mi zawn kan ruah tuk ve ko. Kan ram kan dawt kan tleihchan i miphun kan Dawt kan ttanh caah dakaw, ram chung ummi nih zaleennak hmu ve hna seh, ralkap kut in luat ve hna seh ti duh ah kan zaamnak ram kip cio in kan ti khawh tawk, kan thlahlawh chung in kan ei hnga te kha cheuh in bawmhnak peek cuahmah lio si ko. Ram dang ah kan um ko i kan him ko, kan zei hmanh a poi lo tiah kan mah pumpaak zawn lawng kan i-ruat lo hih.

Thla 2-3 te hrawng nan thlahlawh nak tlawm deuh hmuh lai cu maw nan ui tuk hringhran ko. Zei tik tiang khi dah kan ral kawl ralkap kut tang ah temtuar rih lai khi nan thluak nih a tuak in a ruah khawh ko maw? Nan fa nu le hna kawl ralkap nih tleihhrem an ton hnu ah maw nan lung fim te lai? Nan fapa le hna ralkap kut in hrem an ton le an nunnak a liam te hnu ah maw nan lung a fim te lai? Ralkap kuli phurh kha maw nai thim ko rih lai? Kan ram cia ah zalong in tlon leen nan duh ve lo maw?

Thla 2-3 chung na thlahlawh ning na hmuh lo ruang ah harsa deuh cun na um kho men ko nain fawi tuk in kan ram boruak hi tei khawh ding ah ruat hlah. Na thlahlawh kyat ting hnih le tlawmpal te na ui tuk hringhran ko ah cun CDM rak tuah duh hlah. Sianginn khar a si te tik i lahkhah peek nan si te lo tik hnu lawng ah CDM kan tuah ti sual te hlah uh law tuan tein CDM a tuah mi caah bawmhnak peek mi kha rak hal te hna hlah uh.

Teinak hmuh a si te tik tu ah nan nih cu tapung/terrorist MAH dirhkamh tu case nih in dawi ve hna seh law rian ngei lo in khan rak um ve te ko ne uh. Thisen tampi a luan hnu teinak hmuh lai te hna ah CDM kan tuah ve ee ti te hlah uh nan tlai tuk cang sual lai. Credit: Elly Van Ro Sung