Yin Mar Pi Khua I SAC Ralhrang Nih Tualchung Mibu Thahnak Ah Hin Vawlei Pumpi Kan I Pumkhat A Herh _ Dr. Sasa
=========
July 21, zing suimilam 2:00 tluk ah Sagaing ramṭhen Yin Mar Pi peng Sokyaung khua ah sualnak ngeilo tualchung minung 14 SAC ralhrang nih an thah hna cu lak ah an tlaih mi han minung 3 an lu an tan piak hna.
Zin Mar Pi peng Sokyaung khua cu SAC ralhrang nih zaamṭim hnu ah luhhnawh in ruang um lo in khuachung ah hriamngan an kah ca ah minung 14 nunnak liam minung 3 an tlai mi hna zong an lu an tan piak hna tiah kan theih.
UN report nih a langhter ning cun, SAC ralhrang hi ram 5 he fonh in US dollar 1 million man ralthuam sersiamnak an ngei ca ah a tu bantuk in an cawlcangh ngamnak a ruang hi a si tiah a langhter.
Hi kong he pehtlaiin , SAC ralhrang cawlcangnak kan khamkhawhnak ding ah cun nternational community nih biatak te in cawlcanghnak a lak a hau cang SAC ralhrang hna ralthuam le tangka bawmhchanhnak an pek mi hi rianrang in kan phih piak uh tiah kan nawl hna a herh. Cun Yin Mar Pi khua a daw tu le chungkhar tualchung mipi hna zong lungrual te in kan i pumkhat a herh chin chin lai tiah Dr. Sasa nih a chim chih.
Mipi diknak canvo lakpiaktu fihnung mi SAC ralhrang cawlcangnak hi an cung ah lehrulchamnak ding buainak (Case) ser piak kan timh hna. International le national mechanism hmangin diknak canvo hi kan zulh lai mah cu International Criminal Court(ICC) International Justice (ICJ) le universal jurisdiction phunglam hmang in a si lai tiah a chim.
Myanmar ram SAC ralhrang nih a kan tuahto ning fak hmanhsehlaw Myanmar mipi mi ral ṭha hna cu zalennak federal democracy dirkamh peng ding ah a dir peng ko. An i timh mi zalennak le biaceihnak hman cu kan phan te ko lai tiah a langhter. Credit: Lungmili Media
Kachin Independence Army (KIA) Battalion 6 pawl nih Hpakant Region a si mi Pan Tin bridge pawng i Umhmun khuar mi ralhrang ralkap sakhan pi cu an luh hnawh hna. Ralhrang ralkap hi a tlawmbik minung pa 5 an thih pin ah Ralhrang Tam tuk hliam an tuar than.
A tu lio hrawng hi ralhrang ralkap pawl nih biatak tebak in ralhrang thazaang zong an chap pin hna ah Ralhrang ralkap nih Laiza Khuapi hi lak an i timh ruang ah biatak te in kaphnih kar i kah nak a fak ngai tiah theih asi.
Kanpetlet, Myatnoetu Kahdohnak Ah SAC Ralkap 5 An Thi CDF-Kanpetlet le SAC ralkap hna cu July 19, zaanlei suimilam 6:00 hrawngah Kanpetlet khua thlanglei Myatnoetu lamṭhennak ah an i kap i kahdohnak ah SAC ralkap 5 an thi. CDF-Kanpetlet lei in ralkap 4 hliam an pu, tiah CDF-Kantetlet nih July 20 ah an thanh.
Kanpetlet pengah SAC ralkap nih ralkap thazaang tam ngai in rallam an sial ruangah CDF-Kanpetlet nih kan kah hna i, pehtlai in kan kah khawh nak ding ah hriamnam lei bawmhchanh kan herh ko, tiah CDF-Kanpetlet nih an langhter.
Shwebo Kahdohnak Ah SAC Ralkap 5 An Thi, Pyusawhtee 20 Hrawng An Tlaih Hna Sagaing ramṭhen, Shwebo peng, Hanlin khuahlun ah hmunhma a khuar mi SAC ralkap pawl an kah hna i 5 an thi, Pyusawhtee 20 hrawng an i hliam i a nung in tlaih mi zong an um tiah Generation Z Power (Mandalay) nih thawng an thanh. July 17 zinglei sml 5:00am hrawng ah SAC ralkap, pyusawhtee 60 leng nih hmunhma an khuarnak Hanlin khuahlun SAC ralkap sakhaan cu PDF phufonh nih an kah hna caah SAC ralkap 5 an thi, pyusawhtee 20 hrawng an i hliam i a nung in tlaih mi pyusawhtee pawl zong pengkomh PDF sin ah an kuat hna tiah theih a si.
“Pyusawhtee 20 hrawng kan tlaih hna, hliam a tuar mi an zapi ngawt in kan tlaih hna. Sakhaan lak ding tiang cun kan kuan nih an kan zat lo. Mi 35 nih khuate chung ah a kah len” tiah Generation Z Power (Mandalay) rianngeitu nih Khit Thit ah a chim.
Cubantuk in July 5 zong ah Ayardaw peng, Ngwedwin khuate ah a um mi pyusawhtee sakhaan an luh hnawh hna i SAC ralkap 2 le pyusawhtee 17 tiah an zapi 19 kan thah hna tiah Generation Z Power phu sin in thawng theih a si.