Wow, Cu Bantuk Hakha Sizung Thawngpang Cu Ka Khuaruah A Har Ko

Wow, Cu Bantuk Hakha Sizung Thawngpang Cu Ka Khuaruah A Har Ko
========================
Nihin Hakha sizung pi ah thil a cang mi kongah ramleng in kan unau zong an um sawhsawh ve ti lo. Aho paoh nih auh hnawh dingmi le cawlcangh a herh taktakmi dirhmun kan phan cang. Hi bantuk mizaw ziknawh hi cu Chin ramkulh cozah hrimhrim nih bia tak tein tuanvo an lak hrimhrim a hau cangmi a si. A tanglei ah hin US ram ah Nurse a tuan cuahmah mi nungak Katie Van Zi nih a a tuar khawh ve ti lo caah a rak phuan ve mi a si.

Wow! Cu bantuk cu, ka khuaruah har, Ziknawh hnu lawng i mizaw zoh timh zong cu ka voikhat theih si. Mah bantuk doctors te cu doctors ti ding hmanh an i tlak lo. They needs to be strips of their titles! Ka khuaruah a har tuk! Doctors/nurses tittles ngah ding ahcun a ho paoh hi an rak tha lo ti cu a fiang bak. Biakamnak (oath) an tuah mi santlai ne lo ee cucu. Credit: Katie Van Zi

Kawlram ahcun tu bantuk thil cang hi cu thilthar a silo. Sizung ii alut chuak pah mi ca le bang ahcun khuaruah har ding zei hmanh a umlo. Kan mah hna kan chuah hlan in Sibawi te le Mizaw kar ziknawh ei hmuar cu an rak tuah lengmang cang mi thil a si a hrih hram fek tuk cang hmailei kum zeimaw zat tiang cu a hlei in Kawlram i sifak bik chin state ah cun kan ton lengmang rih ko lai. A petu zong nih ziknawh ah kan ruat lo i a cohlang tu zong nih ei hnuar ah an ruat tilo a phungah an ruah cang i kan nun phung bantuk ah a cang lan.

Hi bantuk thil hi Halkha lawngah a cang mi thil a si lo kawlram hmun zakip ah an ton cio mi le a cang mi thil a si. Yangon si zungpi hmanh ah Oparation a tuah tu Doctor cu ca bawm pek siko. Halkha ahcun Oparation tuah hlan ah va len an hau Yangon Ahcun Oparation tuah hnu ah cabawn pek an si. Doctors te lawng sual phawt awk an tha dih ve lo. Kan mah mi zaw lei zong kan mawh nak a tampi a herh lo ah Laimi cheukhat cu kan i thiam thulh ter tuk tawn i Doctors te nih kan daw deuh hna seh tiphun in laksawng va pek le phaisa in zitmuai kan hmang cu ti kan tuah mi a caan a von sau tik ah Aphung ah an ruah i a fel ko mi doctors zg an zia a rawk.

Hi Thawngpang relchap lo cu a pam tuk hringhran. CHIN RAM KHUA LIPI HAKHA SIZUNG LE SIBAWI,NURSE PAWL KAN DIR HMUN HI ZEI TIN DAH NAN HMUH CIO NING ASI HNGA. 15Nov,2020 Zarhpini chun ah kafapa Chin Christian University(CCU)ah BA E kum khat nak kai lio mi Van chiat ah Cycle accident a tong sual,Lungfim loin a um ,Pathian mi hna le hawikawm unau hna nih rian rang in Sizung an tlik pi colh 2pm hrawng ah asi. A thai zing nikhat ni, nihnih ni tiang Sibawi Sang Ruhlei le Adangdang Sibawi pi nih an zoh lo.CT scan voi hnih an thlak ter, Ultersound le Xray chim lo in.Phaisa tu cu cei lak te kan dih manh nithum chung ah. A result cu Paraku (ruh sibawi tel in) te nih an zoh hnu ah kan in chimh te hna lai tiah duty sibawi te le nurse re nih an ti hna.

Cawn ni thum ni tiang zei hmanh a um lo, kafapa zong a lung a fim kho hkei lo.cu caah RGN lei ah rian rang in kal pi ko kan duh ko tiah duty pawl cu chimh an si nain kan mah nawl asi lo an zoh hnu ah zei tin dek an ti te lai tiah an ti than.an kan check bal lo tik ah van sang in kan um. NURSE pa khat (a min cu a herh cun ka chim te lai)nih Sibawi pi hi leng hna uh nan len hna lo cun an in zoh hna lai lo RGN lei kal pi nan duh asi zong ah chimh a hauh caah TINGKHAT in leng uh tiah a van kan ti. Tingkhat cu kan ngei lo THONG 70 tel in si kho hnga maw tiah ceih cum asi. Len lo awk a that ti lo caah SIbawi pi cu CABAWM te he kan va ton.

A thai zing ah a check colh. A hnawng ruh ai kaam,a kha ruh a pelh an ti chel, a kiak an ti chel a tha than ko an ti chel,a lung fim lo mi le zei dang hi cu kan hngal kho bak lo CT scan le Xray le Ulter sound zong kan check dih ko an ti. Kafapa cu Zarh thum chung um hau lai anti,Phaisa kawl nak ah hman an kan timh cang caah kan duh ti lo ii inn ah tin pi asi. 4Dec,2020 cawn ningan ni ah RGN lei kal pi asi. Rgn ah an check colh tik ah kafapa te cu a thluak thahri pa 6 nak a cat,a kha ruh a hliah cang hmunkhat a kiak,hmunkhat a pelh,a hnawng ruh ai merh an ti.

Result kan vun theih cun kkhat lei kam ah kan i lawm tuk.kafa pa te hi a nunnak hmanh Hakha sizung khan a rak dih ding asi ko nain BAWIPA nih adawt tuk,a mah long asi lo Bawipa vel kan chungkhar in kan co caah anunnak a humhim piak tu kan Pathian asi. Rgn Si bawi te nih zeiruang dah Hakha ah hin opration an tuah lo an ti,an khuaruah har tuk.mah ban tuk mi zaw emergency in sizung phan ko mi cu an ti..Mizaw damh le minunnak chanh hi Hakha sizung nih ai rak tinh mi asi rua lo, Mizaw sin in phaisa kawl tu hi an rak i tinh mi asi ko rua hi ta tia khua ka ruat.

Hawidawt hna Kafapa ca long si loin Hakha le Thantlang Sizung le sibawi,Nurse te caah thla za cam piak rih ko hna usih mu.A khongdeng sual tu zong Bawipa min in kan ngaihthiam khawh.Police le PK nih sizung tiang an ra, case kan in ser piak hna lai an ti ,Kan dam hi biapi si koseh law Bawipa nih kafapa damnak pe ko seh,kan ngaihthiam ko lai kan mah nih cun case kan ser lai lo tiah kan ti hna. Caan raih hlan ah kafapa te A thluak tjahri,a kha ruh opration tuah ding asi caah thlacam nak he kan bawm rih cio ko uh law. Credit: Johnf Thawng