WHO nih Covid cu ti hin a tuah hoi ko

World Health Organization nih covid-19 mizaw zohkhenhnak ah an hman mi Remdesivir (Gilead company nih sermi) cu hman ti rih lo dingin a ti tiin cawn ninga ni ah khan thanhnak a tuah. Mah hnu hin Prequalification list covid zawtnak in a zaw mi hna caah hman khawh mi sii chungin hi Remdisivir hi an dinh ter chung rih.

Hi sii hi covid in a zaw mi zohkhenhnak ah ram cheukhat nihcun an cawk thluahmah cang mi asi. Hi tiin PQ list in hlonh chung asi nak kong hi WHO aiawh in biaphuangtu Tarik Jasrevic nih email hmangin Reuter sinah a chim. Hi sii hmang ti rih lo dingin thanhnak an tuah hi WHO nihhin hi sii hi covid-19 in a zawmi hna zohkhenhnak ah recommend lomi asi theihternak caah asi a ti fawn.

Remdesivir, Veklury tiah an auh fawn mi hi America cozah ah sii lei nawlngeitu FDA nihcun Covid-19 in a zawmi hna chungin kum 12 a tlingcang mi le pound 88 a rit mi hna emergency in thlopbulnak caah hman khawh asi tiah October thlakhan a rak pek mi asi. Donald Trump zong hi sii le sii dang pakhat hmangin thlopbul a rak si cang fawn.

WHO nih hi tiin Redesivir covid in a zawmi hna thlopbulnak ah hman tilo dingin an tinak a chan hi hi sii hmangin thlopbul mi mizaw hna result an cheknak ah hi sii hmangin thlopbul an si ruangah hin siizung in tuan ah an chuahphah hlei lo i, an thihkhawhnak chance zong a niamter phah hlei lo hlei ah ventilator in zohkhenh a herhlo phah hlei fawn lo tiah an chim.

Sii sertu Gilead tu nihcun Remdesivir hi siizung ah chiah mi covid in a damlo mi hna thlopnak ah hmantlak bik mi asi ticu ram dangdang organisation hna nih an chimmi tampi chirhchan in kan chim khawh tiah an ti ve. Credit: VOA Burmese.