Vutcam ah a cang ti thawng van theih cu zaang a zuun tuk lawm mam ee!

Vutcam ah a cang ti thawng van theih cu zaang a zuun tuk lawm mam ee!
============
January 3, 2022; Hawi hlei inn țha pi a va si lo zong ah vutcam ah a cang ti thawng van theih cu zaang a zuun tuk lawm mam ee.

Kei le kanu le bang cu kan len nak in van chiat ah YG kan phan, kan lawi manh hlan ah kan inn a ciam, nain kan lung a thawng ko.Hi dothlen nak ah kan inn le kan lo hna ai tel ve cu kan van a țha, kan ram le kan miphun luat nak tu ah cang hram ko seh. KaPa na kut neh zuun muai awk kan nei ti lo ee. Rosy Ngun Hlei Cuai

Kan run inn te… Chungkhar thlaza kan camnak… na ciam dih ni cu ai celh ruam lo e. ka Kawipa Major Bik te nih mei a alh cuahmah lio ah kan inn te ka kulhnak le innka bauh in a chung thilri cheukhat an ka chuahpiak.

Saya Van nan inn cu a kang dih ve e a van ka ti zawn…. Kei Mipi sin Tlangkhua ah thazaang peknak bia ka chim cuahmah lio… Chunglei nun cun a rak fawi hrim lo mu..Mipi sin Thazaang peknak bia ka chim cuahmah lio le kan inn kangh lio can ai ton zawn. Scofield Van Lian Hum

Ni fa zeidah kan ei lai ti lungrethei in kan um lio ah kan inn a kangh cu lungfak ko! Nain Ni fa tein a kan zohkhenhtu Pathian he kan kal tti peng ko le Amah nih khua a khan te ko lai! Pathian cu kan idornak le kan thazaang a si! Harnak caan ah a kan bawm zungzaltu a si!

Immanuel Pathian, a kan khamhtu Jesuh Khrih cu kan sinah a um zungzalmi a si! Kan sining vialte a kan hrawmpitu le tuarpitu a si! Pathian sin ah thazaang la than cio ko hna usih! Zeizong vialte a rak kan petu le a kan pethan kho tu cu Amah tthiamtthiam si ko caah kan zeizong Pathian sinah pe ko hna usih!

Chim awk bia hi theih a si ti lo ee Pathiantu nih in tuar khawhnak in pe ko hna seh law ka lung fak tuk ve ee. Hmurka nih a tlinh lo ee. Bawipa tu nih intuar khawhnak in pe ko hna seh mu. Minung hmur le ka nih hnemhnak bia a tlinh lo ee. Pathian tu nih intuar khawhnak le damnak in pe ko hna seh mu.

Thantlang uico pawl khi thi dih zau ve hna seh tiah thla ka cam. lung a fak tuk ee! chim ding ka thei lo. A kha tuk! Bawipa nih zei a ti hnga mu? Nan kong a ruah in a theih theo ko lai dah ka ti ee. A poi tuk hringhran ko e…nan inn i zanhnih thum kan riah lio hna kha mitthlam ah a cuang, thinlung a fak, Pathian tu nih thawnnak le ruahchannak in pe ko hna seh.

Saya Bik, hnemh nak bia chim awk ka hngal kho lo, a fak hringhran ko mu.. Nan tonmi harnak le mitthli a luangmi vialte hi Bawipa nih lunglawmhnak mithli ah in thlen piak ko hna seh. Tuni hi riantuan tu kan inn tamcem a kanghni si ee. Tuar har ko Sy bikbik. Bawipa nih thluachuah he lam a kan hruai hrimhrim than ko la.

Saya Bik nan ngaihchiatnak kan in hrawm pi ve hna. Bawipa nih a tha bik in khua a khan than te ko la. Alang in ahnemh zia zg hi kan in thiam hna loh. Bawipa tu nih thinlung deihnak in pe ko hna seh. Arian nan Tuan piak mi Pathian hi anungmi Pathian asi caah nan tuar nak dihlak ahmuh ko ee.

Hnemhnak biaka ttial lai ka ti I a chuak kho lo. Thinlung nih a celh lo. A faak tuk ti leeng chim ding um lo. Lungthawn khawh tu I zuam chin ko u mu. Kan lung a tha hrim lo ee. zei tiawk tha. Pathian nih kan caah a tha bik in khua a khan te ko lai. Nan ngaihchiatnak kan hrawmpi hna himnak le innthar Pathian nih thluachuah ko hna seh.

Ka upa, ruah deuh ah kung an I Pek a har ko. Pathian khuakhan hi theih a har ko ee. Bawipa nih in tuar khawhnak le thawnnak kan pe cio ko seh mu. Ka ngeihchia a tuk ve nn inn kha sifak santlai lo mitku thaw tein le pawkhim te in mui le zan zong kn fuh penh mi kn i dor nak a ciam ruang mang mu ka celh lo. A hnemh zia zong kan thiam hna lo e. Bawipa nih nan ngaihchiat lungfahnak in hnem hna sehlaw Saya.