Vuangtu khua um Ralkap pawl Siangngakchia Bu pakhat nih kal hnawh an tim

Vuangtu khua um Ralkap pawl Siangngakchia Bu pakhat nih kal hnawh an tim
******************************
Vuangtu khuami inndawng (3) sin in ningcang loin phaisa haltu Ralkap pawl cu Siangngakchia Bu pakhat nih kal hnawh an timh tiah ka theih caah ka lawmtuk. Hakha le Thantlang ah a ummi Siangngakchia Bu le mino Bu dang pawl zong nih rak dirkamh cio hram uh tiah kei mah pumpak in sawm kan duh hna. Ralkap hi a ttih in kan ttih peng ding si loin upadi ning tein kan palh lonak ahcun kan doh peng aherh cang. Cu lawng ah hmai lei ah mipi hi kan nek awk ansi ti lo Mipi hi a kan cawmtu ansi tiah Ralkap pawl hi an i fiang lai.

Ralkap uknak chan lio hmanh ralttha tein an rak doh cio lio ah Democracy le a mer cangmi kan chan ah Ralkap pawl ningcang loin an ummi hi kan zoh sawh peng awk an si ti lo. Cu caah mino le siangngakchia Bu tal nih tei kan mak piak hram u. Kan ai-awh in rian tuan ding ah kan thim mi Hluttaw Palai pawl nih le Tender bawh Company ca lawng ah rian ttuan an thiam i rinh awk an ttha ti fawn lo. Cu caah kan mah te tal in cawlcaang cio usih law pakhat le pakhat i dirkamh in i bawmchan cio usih. Cu tin cun Ralkap lawng si loin ningcang loin rian a tuanmi poh do ti hna usih. Kei zong Siang ngakchia Bu pawl an kal hlan ah Lai ram ka phanh ahcun pumpak hrim in ka tel ve lai.

Siangngakchia a cawlcaang mi Bu hi keimah nih cun an Bu min ka langhter rih lai lo. Dirkamh a duhmi le Siangngakchia Bu Lutlai sin ah pehtlaih aduhmi nih messenger in hal khawh ka si. An timhtuah mi a ttha tuk a tlamtlin khawh nak hnga thlacamnak in siseh, thazang in siseh, a phun phun in i bawm cio usih. An tim tuahmi a tlamtlin deuh hnu zong ah thawngtling deuh in langhter tthan khawh ka zuam lai.
Upatnak he,
Salai Dokhar
27/12/2020