Myanmar SAC Sin Ah Vanlawng Dizal Kuat Le Ti Cung Lam Lei Ṭuanvo Laak Piaknak Cu Phihkhar Dingah Vawlei Pumpi Cawlcangh Hram Aa Thok. Myanmar ram SAC ralhrang cozah sin ah Vanlawng dizal zuar le kuat naak le Ti cung lam lei ṭuanvo laak piaknak hna cu phihkhar dih dingin March 10, 2024 ah Vawlei pumpi nih cawlcanghnak hram an thok tiah Blood Money Campaign nih phungning tein a langhter.
March 10, 2024 ah thok in ramchhung ramleng le ramdang mizapi he rianṭuan ṭinaak ṭha tein a ngei mi, international cozah le company hna nih Myanmar ram SAC ralhrang cozah sin ah Vanlawng dizal zuar, kuat naak le Ti cung lam ṭuanvo laak piaknak hna cu phihkhar dingah mizapi i telkhawhnak hmanthlak, comment, letter, (petition) le Twitter hna ah Campaign an tuah tiah Blood Money Campaign a langhter.
Cu pinah, rianṭuantu phu dangdang an i telkhawhnak dingah (open letter) pumpak in kuat khawhnak le vawlei cung cawlcangh khawhnak ding zong March 10, 2024 ah thok a si cang i ramchung, ramleng, mizapi rianṭuan phu dangdang an i tel lai tiah theih a si.
Myanmar ram SAC ralhrang cozah sin ah hriamthil kuat le zuarnak phihkhar a si khawhnak lai mizapi kan dihlak in kan i tel a herh, tiah Blood Money Campaign nih nawlnak zong an tuah chih. Lungmili Post