Vawleipi Sifah Raldoh Ni le Kawlram Sifahnak!

Vawleipi Sifah Raldoh Ni le Kawlram Sifahnak: PG74
============
16 October cu Vawleipi ah Sifah tlauter Ni asi. World Poverty Alleviation Day (Poverty Eradication/ Poverty Uproot) ti asi. Sifahnak a hram phawi ni tiah UNO Ni Sunlawi Ni asi. Biaṭha deuh in World Food Day (Vawleipi Tirawl Ni) tiah min an pek.

World Food Day cu 1945 October 16 ah, Canada, Quebec ah, FAO (Food and Agriculture Organization) nih thawk mi asi. Ram 150 nih kum fatin an tuah mi puai asi.

MAH uk hnu ah, Kawlram ah 30 million cu mi sifah kansi. Mipi Cozahblio nakin, Let hnih in, Sifahnak a karh. 20 Million cu Sifah mi nakin, sifah deuh (Under Poverty Line) asi. Nuai 20 leng hi rian loin a tlaumi kan si. Hmai thla tlawmpal ah rawl loin, athih ding tampi kanum te lai. Kawl lei cu, ati khawh deuh mi hna nih an hlut hna zalam tlang ah an dangh hna. Ei awk a ngeih lomi kip nih, cuka hmun cu kalin, rawl va donh cio asi. Ahlut tu anum loah cun, rawl loin an um ve. Tidin in nithla liam an i zuam ve.

Vawleipi ah Nuai 5000 hi Tirawl a harmi an si. Crisis (Canhar/ Nunhar) phunkip atlung, Ralzam, Khuacaan aathlen, Covid19 Crisis ruang ah sifahnak an karh khun. Azual bik mi le a intuar bik mi hna cu: Ramchung ralthawh ruang ah, Innlo le khuaram chuaktak in, ram tang le hmunzakip ah a vai mi an si hna.

UN nih 2030 ah Sifah tlauter ding timi hmuitinh a tlin ti lai lo tiah Antonio Guterres, UN GS nih WFD ah a chim. Milurel Nuai 30000 hi ngandamnak he aarem in a eidin khawh lomi ansi. Vitamin le Nutrition abaumi, athau tukmi an karh tuk.

Pulrai le ral ruangah Nuai 1400 cu Tirawl an har chin chin. NRM timi pawngkam rawkralnak, Thingram phawngnak, Khuacan linhnak, Khuaca hman lonak tbk nih sifahnak an zualter chin chin i, zawtnak pulrai a karh chin ve. Cu vialte damter awk ah, kum khat Dollar Trillion tampi hmang lengmang asi ve.

2021 Tlaitleng cu “Mikip nih angandam mi tirawl eidin” “Nutritioun le Safety Food” ti asi. Khuacan thlennak he aarupmi cinthlaknak phunglam in sifah zawr terding hi target bik asi.

Ram Innpa Ṭhatlo Ruangah Azaw Chinmi Kawlram: PG(73). Kawlram Innpa asimi China, India, Thailand le ASEAN ruangah a tleu chinmi, Khuaci a mui chin mi, Harsatnak horthuk pi ah apilh chin mi, Dam khawh tilo in azaw cang mi, harsatnak phunzakip nih kulhin zulh dawi mi, Kanram kong hi, biatak tein tuak an herh cang. Hi ram hna nih, Kawlram mipi sinah um hna sehlaw (Australia, Franec, S.Korea, Japan, UK, New Zealand, Norway, EU, UK tbkin), NUG le Paucan Dothlennak a hlawhtlin lai i, Kanram le miphun adam piannak, a hlan tuk cang.

MAH nih Kawlram lawng in kaltak asilo nakhnga Russia, Tuluk le India cu biatak tein, kawmh aazuam hna. Vawleipi ram 100 lengnih SAC le MAH cu Kawl Cozah tiah an cohlan lo zong ah, hi hna ram thum he nainiam in hawikawm si ahcun, ka zei poi lo i, ka hrik zong a thak lo atitu MAH asi. UN ah Veto Power a hmang khawh mi, China le Russia an si caah MAH nih pathian btkin a bochan hna. Nanmah locun kasi khawh lo ati hna.

UN nih MAH cu hriam zuar loding an ti buin, Russia, Tuluk, Ukraine le India nih an zuar ṭhiam ko. Hriamnam in amiak tamtuk an hmuh ve caah, UN biachahnak pahchih in, MAH cu a duhmi Hriam poah poah, tlinter awk ah, an zuar ko. Chinram le CNA, CDF cihmih awk ah an i ken mi, Jet Fighters, Hriam, Motor, Tanks, RPG tbk hi Russia sinin an cawk mi lawngte asi.

MAH nih Chinmi an kan tei rihlo ahcun India ah a cawkmi Hriam hmang aa timh. Jet Fighter Bomb, Missle le lamhla in control in kahnak thilri kha India sinin a cawk hna. Chinmi thah awk ah 2nd Level ah hmangrua ansi. Tehte: Camp Victoria velchum Vanlawng aahelh mi kha tuak ko uh.

Tuluk hi MAH sinin a miak tambik a hmuh tu asi. Kawlram Economics le Business poah cu Tuluk kut ah aum dih cang. Aral India pawnchuak awk ah Kawlram lawng hi, umhmun khuarnak ah ṭhabik. Tuluk caah Rili lei kalnak lam zong Kawlram asi. India caah Tuluk pawnchuak nak caah Kawlram hi, India caah, a ṭhabik ve.

India le Tuluk nih Kawlram hip awk ah, Gasoline ngah awk ah, Super Power si awk ah, Economics i zuam cawh nak caah China le India nih Kawlram cu an hmang ve ve. Kawlram Natural Resources kha man fawi tein ngah, Investment tuah in a karh tampi lak kha an duh ve ve.

Ram Innpa hna telin, Tuluk, Russia, ASEAN, India, Ukraine hna thawngin, Kawlram Ramkhel, Sipuazi le Security hlutchuak ding kha MAH Chunmang cu asi. Anmah loincun Kawlram cu horthukpi ah atla cang lai, Anmah bawmhnak in Ram khumzual tu le Chanchuahtu kasi tiah Kawi Aung aa lunghmui tuk ve.

Kanram Innpa hna nih Mipi le NUG lei ah an ṭanh lo i UN biachah mi an zulh lo caah, Russia le Ukraine nih MAH cu bawmh in, Hriam an zuar cang. France cu Laklawh in a um. Natural Gas ruangah Kawlram in amiak tampi an hmuh ve caah asi. 27 EU member asi caah NUG cu cozah ah France nih a cohlan ko nain, MAH le SAC Sipuazi phihkarh kha aduh lo mi France asi. Russia le Ukraine hi cu Hriamnam zuarman in an i hlawh ngai fawn.

Ka langhter mi ramhna ruangah MAH le SAC cu thawchuah in, anung mi an si cang. Ramdang nih hin, Humanitarian lawng in, chanchuah an kan timh cang. Hriam le Ralkap, Raldohnak in an kan bawmh ti lailo ti kha 100% a fiang btkin thil aum. MAH le SAC teikhawhnak caah a herhmi Hriamnam vialte hi NUG nih maw an kan pe lai? Mah tein dah kan i zalh lai? Hi lam (2) lawng lawng aum cang.

NUG cu Phaisa tampi an ngeih ko nain, an karh a tawi i, an khulnuar tuk lawmhmam caah apoituk tawn. Acaan lio teah. In time le On time, Due time ah an kan bawmh khawh tawn lo. Mah tein i cawk ding in thil aum caah, Ramdang um Chinmi retheih lai ruahah thling akik i, Kaa a pit fawn.

MAH thluk khawhtu si awk ah, CDF nih Hriamtling ngeih aherh tuk fawn. NUG tal nihhin Phaisa hi an kan cawi duh hnga maw? Ti tiang khuaruah phah asi cang, sivang tuk le vansang tuk bia ah. Nain, Ramdang ummi Chinmi kungtu kan tlung ṭhan ding hi 100% a fiang fawn. Ramdang um, Phuntungtu le ram dawtu, Chinmi hna, zei kan ti hnga, Good Smaritan le Zionist rian cu nan pehzulh a herh ko lai. Culocun Teinak lam abi ngaite! Credit: Saya Rung Kaw