Vawleicung media vialte nih a that zia vawleicung pi theih in tlang an rak zarh dih

๐™๐ž๐ข๐ญ๐ข๐ง๐๐š๐ก ๐๐š๐ง ๐™๐ฎ๐ฆ๐ก ๐ƒ๐ž๐ฎ๐ก ๐๐ข๐ง๐  ๐‚๐ข๐จ?
============================
Cold War lio ah khan US nih an i uanthlar taktak mi U-2 reconnaissance aircraft an rak i ngeih. Hi U-2 spy plane hi pee 70,000 tluk sang in a zuang kho mi asi caah tulio vawleicung vanlawng kahnak (air defense system) thabik hmanh nih mahtluk sang hi a kap kho lo tiah an ti. Asinain May 1, 1960, lio ah khan Sverdlovsk, Russia ramcung zawn ah a thli in an zuanter lio ah Soviet Air Defense, S-75 Dvina nih tla ko in an rak kah. The Soviet Union TV nih U-2 spy plane an kahnak kong vawleicung pi theih a rak phuan caah US an rak mualpho cikcek. US nih ai tuar ve ti lo i CIA nih hi ti hin bia an rak chim โ€œKan vanlawng hi nikhua a chiat ruangah a lam ai palh i Russia ramcung ah a va zuang in accident a va tong kho menโ€ tiin a rak chim diam.

Hi lio ah hin CIA chief (director ti asi lo) cu James Jesus a rak si i US President cu Dwight D. Eisenhower a rak si ve. Hi U-2 Spy plane hi CIA nih an hman mi asi i Francis Gary Powers nih a rak mong mi asi. US nih nikhuachiat ruangah thil cangmi asi tiin an rak chim mi cu an rak zum lo tuk hringhran hna i U-2 spy aircraft mawngtu Francis Gary Powers an tlaihnak le bia an hal nak i an phuannak kong pawl an media kip nih an rak tial. U-2 reconnaissance plane mawngtu Gary Powers cu Soviet Union cozah nih cun thong an rak thlak. Ni le caan ai thleng i US president zong an vun i thleng ve, John F. Kennedy cu president ah a hung tling. US le USSR cozah thontla i thlennak (prisoner exchange) hnatlaknak February 10, 1962 ah an ngei i, US FBI nih an rak tlaih ve mi the Soviet lei in mingiatu phu tuarhchuak loin tih nung mi (US I CIA bantuk) Komitet Gosudarstvennoy Bezopasnosti (KGB) Colonel William Fisher, he an rak i thleng.

US nih a voikhatnak stealth aircraft ( rider nih tlaih khawh lomi vanlawng) F-117A cu 1983 ah an rak siam khawh. An rak i uang tuk hringhran i vawleicung media vialte nih a that zia vawleicung pi theih in tlang an rak zarh dih. Ral radar nih a tlai kho lo, cungsangpi ah a zuang i mit in hmuh phak lo tiangin a zuang, zaan khuamui lakah ral a tu kho mi (night view) a ngeih mi asi, a rat hi zeibantuk hmanh in radar nih a tlai kho lo hlei ah a aw ai theih lo caah i ralrin manh asi lai lo caah tih a nungtuk an rak ti.

Asinain Kosovo War lio March 27, 1999, ah Yugoslav cung zawn a zuan lio ah Yugoslav army nih USSR siammi athattuk hmanh ah an ruah lomi S-125Neva/Pechora surface-to-air missile in tla ko in an kah hawi awk! US cu a mual a rak photuk hawi than. Mahtluk F-117 Nighthawks thami le a voikhatnak stealth aircraft asimi S-125 hmanh nih fawi tein a kah khawh cu a mak an ti kho tuk i vawleipi nih US tiangin a rak zumh phah ti lo. Kum 2008 ah F-117 nighthawks cu retired an rak pek i an hmang thai ti lo.

Vietnam War lio 1 November 1955 โ€“ 30 April 1975 (Kum 19) chungah khan US vanlawng 10,000 tluk deng cu Vietnam nih (3,744planes, 5,607 helicopters le 578 UAVs) theipi thilh in an thilh. Hi US vanlawng an kahnak pawl hi Soviet Union siammi, surface-to-air missiles (SAM), SA-2, S-75 Dvina, bak in US vanlawng 10,000 tluk deng tam khi an rak thlak khawh. Asi ahcun teh tulio US nih a uanthlar bikmi le vawleicung pi nih an chim thiam bikmi fifth generation aircraft F-22 Ropter, F-35 Lightning, B-2 bomber le B-21 (under development) khi tulio Russia siammi vawleicung vanlawng kahnak tha bik S-300, S-400 le S-500 (under development) nih a kap kho lai maw? Cuhlan bantuk khan US Russia lak ah hin ai chuah sual hawi hnga maw?

Cu bantuk thiamthiam in Trump nih Arab ram pawl hriamnam thatha, a bikin F-35 raltha tukin a zuar a timh mi kha tih nung taktak asi ve. Trump nih Israel le Arab ram pawl i rem hna seh tiin tlumremlo rumro in US hriamnam thatha in a soi lem hna. Hihi cikhat lo caah cun a tha ngaimi a lo lai nain Russia le Arab ram pawl pehtlainak hi a thattuk le a hnu ah an thiamnak midang nih an i lak khawh mi asi ve. Kum 1970 lio hrawng i vanlawng i fir piak i an thiamnak an rak i lak bantuk khan F-35 zong hi a hnu ah US he i rem lo sual hna sehlaw Russia kut hmanh a phan than kho mi asi.

Sovietโ€“Afghan War 1979 – 1989 lio ah khan US nih Taliban pawl a rak bawmh hna, hriamnam thatha le phaisa in a rak bawmh taktak hna i Russia cu ningzak in an rak kir. A hnu 1999 ah a bawmh mi lila nih World Trade Center pi cu cin ko in an hrawh i Taliban pawl cu an ci hmih dingin an i zuam in nihin tiang an tei ko rih hna lo. Syria president Bashar al-Assad thla tu dingah Syria tapung pawl hriamnam in an bawmh thup i a donghnak ah cun ISIS ah an i cang i anmah misa lila hngawng tantu an si. Cucaah cun Trump nih raltha tuk in Saudi Arabia le UAE khi hriamnam zuarh a timh mi kha a palh tuk. Israel he remnak ka siam khawh paoh i Noble Peace Prize ka hmuh paoh ahcun a za ti ding asi lem lo, Saudi Arabia le bang khi cu Yemen cungah a thil tuahmi a thinh lo ahcun an ci hmih viar ai tim, raltuk cawnnak ah a hriamnam thatha khi a hman hna. Cu bu I Trump nih hriamnam zuarh a timh tuahmal mi khi cu a naktuk. Biden nih a thar in kan zohfel than a hau a timi kha a diktuk mi asi.

Trump nih Timeโ€™s Person of The Year an rak pek lo hmanh ah hmu dingah kai tlak a rak ti, i a rak hrang len nain a hnu ahcun an pek ko. Former president Obama bantuk in Noble Peace Prize cu hmuh ve khawhnak dingin Arab ram le Israel cu pawl cu a hriamnam thatha zuarh dingin a soi lem khawh ngai hna nain World Food Program tu Noble Peace Prize cu an pek diam. Credit: Chelsea Bawi