Vawleicung ah buainak le rawhnak a chuahpitu bik hna cu, Phaisa le sinak rim lawng

Vawleicung ah buainak le rawhnak a chuahpitu bik hna cu, Phaisa le sinak rim lawng “hnimh/ sniff” in a kalmi ruang ahhin a si. Sudden ah a cawlcanghnak ruang ah Canada 🇨🇦 RCMP nih investigate an tuahmi “Ari Ben-Menashe cu Phaisa rim lawng a dawi caah, sualnak ngeilo a that cuahmahmi hna Ralkap caah rian ttuan aa awt ngam ko.

CNN zong cu amah nih a sawm hna caah Kawlram an phan tiah theih a si cang i, Phaisa rim lawng an tuak ve sual ahcun a poi tak lai. Chin mino hna, a thong thong in, Phaisa zong tuak lo in, sinak zong zoh loin, ram le miphun caah an nunnak pek in, Ralkap an doh cuahmah lio hna ah Chin mi upa zeimaw cu Phaisa le sinak lawng tuak in, Ralkap sinah an kal ve ko. A cheu minchiat an ttih caah daite in an um.

Ram le miphun caah tiah nunnak pek in thlennak a tuahtu, revolutionary pawl lak zong ahhin Phaisa le sinak a rimi an taar ve. Cuba ram ah sau tak, a taar tiang President a rak ttuan balmi Fidel Castro hna hi, a chan lio ah “revolutionary” a rak si nain, uknak a kut a phan hnu ahcun a thlah siang ti lo.

Cucaah, Chinmi kan society ahhin ahodah Phaisa le sinak rim dawi in a kal i, ahodah ram le miphun dawtnak lungput tak a ngei timi hi Tutan ah fiang ngaingai in a rak lang. Credit: Zasang Cinzah