Vawlei cungah hraimnam lei in a thawng cemmi pathumnak a rak si!
Vawlei Cungah Nuclear Hriam ah a thawng bikmi Pathumnak ram Ukraine cu USA le Russia nih an hlen diam ko!
==========
Vawlei Cungah Nuclear Hriam ah a thawng bikmi Pathumnak ram Ukraine cu USA le Russia nih an hlen diam ko. Russia nih Budapest Memorandum biakamnak a zul lo i, USA nih a biakamnak bantukin Ukraine a humhim taktak ve lo.
1991 Soviet Union aa cheu viar hnu ah Soviet Union nih a rak ngeihmi Nuclear bomb le hriamnam țhațha pawl zong ram kip ah an i țhen ve. Ukraine ram cu Soviet Union in a chuak lio ah Nuclear bom 1900 le Bomb thlaknak vanlawng (ICBMs silot) țhatha tampi a rak ngei.
USA le Rusia khawh in Nuclear bomb tamcem a ngeimi hi Ukraine a rak si. Vawlei cungah hraimnam lei in a thawng cemmi pathumnak a rak si. Atu China nih a ngeih mi Nuclear nakin a let 6 tam in a rak ngei. British le Germany nakin hraimnam ah a let tampi in a rak thawng deuh mi asi. Ukraine nih a rak ngeihmi Bomb pakhat cu Hiroshima khua ah USA nih a thlakmi bomb nakin a let 37 in a cak deuh.
Cubantuk nuclear bomb cu 1900 a rak ngei. Cun America ram hrawh kho ding in sermi Bomb thlaknak vanlawng (ICBMs silot) zong tampi a rak ngei chih. Ukriane hriamnam cu USA a do khotu ral pakhat asi tikah US cu a thin a phang i, Ukraine cu a hraim hrawh dinGIn a lemnak khi asi ve ko. Chim duhmi cu a luancia kum 25 ah UKRAINE cu vawlei cungah Hriamnam lei in a thawng bikmi pathumnak a rak si. USA hmanh a do ngam mi ram a rak si.
Ukraine nih a nuclear le vanlawng pawl cu daihnak caah tiin a hrawh dih; USA, British (EU) le Rusia nih Ukraine cu a nuclear bomb hrawh dingin an lem. A dongnak ahcun Vawlei diahnak caah tiin USA le RUSIA he Budapest Memorandum aamahkhan biakamnak an ngeih hnu ah Ukraine nih a hriamnam thatha cu a hrawh dih hna. Budapest Memorandum cu hintin hnatlaknak an ngei hna.
1. Nuclear tuahnak ah a biabi ngai Uranium cu a man a fak tuk. Cu man cu Rusia nih a rulh lai. 2. ICBMs vanlawng an hrawhmi pawl i a man cu USA nih a rulh lai. 3. Rusia nih Ukriane cu zeitik hmanh ah a lak țhan lai lo i, Ukraine ram humhimnak caah USA nih 100% tuanvo a lak lai.
Mah pathum aamahkhannak hi a biapi cemmi asi i. Cu hnu ahcun Ukraine nih a nuclear le a vanlawng thatha cu a hrawh dih ve hna. Rusia President Boris Yeltsin nih Ukraine he biakamnak Budapest Memorandum cu a zulh i, Ukraine Nawlngeihnak cu a rak upat. Putin President asi hnu in cun Ukraine he an biakamnak cu zeiah a rel ti lo. 2014 ah Crimea ram a lak piak hna cun Ukriane tapung Combass ram pawl cu hriamnam a bawmh hna. Atu 2022 ah Ukriane ningin lak a timh hoi cang.
Ukriane ram kongah USA hi tuanvo a ngei ve. Crimea buai lio ah USA nih Ukriane cu 3 billions a bawmh i Ukraine ralkap pawl zong training a rak pek hna. Obama chan ah asi. Asinain Obama nih Ukriane cu a humhim kho lo. Atu 2022 ah Rusia nih Ukraine dihlak lak a timh cang. USA nih Budapest biakamnak ningin Ukraine cu a bawmh awk hrimhrim asi ko. Cun Ukriane nih a nuclear a rak hrawh lio ah leemtu asi mi British le EU ram dihlak zong nih Ukriane humhimnak caah indirect in tavuan an ngei dih ve. An bawmh hrimhrim awk asi ko.
Ukriane ram kong hi USA election tiangin a va hnur khawhmi asi. Trump zong Ukraine kongah Democratic pawl nih taza an cuainak kha asi. Trupm nih Obama le Biden cu a soi zong hi a mawh lo. TRUMP cu Budapest biakamnak bantukin Ukraine a rak dirpi. Putin nih cun Budapest biakamnak cu a hrawh cang ti khawh asi. USA le EU pawl nih Budapest biakamnak cu zeitin dah an zulh lai timihi zoh a hau ko. Ukraine cu US, EU le Rusia ruangah Cakei in chizawh ah aa cang. Catialtu; Israel R. Thang