Vanlawng in an kah hna ruangah A Nunnak A Liam Cu Celh A Si Lo Ee!

Sergeant Thang Pui Nan Phu Kan Rak In Hlam Hna Mu!
=========
Ralhrang Nih Vanlawng An Hman Caah CNA Ralkap Pakhat A Nunnak A Liam! Chin ramkulh, Tedim peng Hingzing (ဟိန်ဇိန်) khua pawng ah nizan January 15 ah ralhrang phu hna le Chin mizapi vengtu ralkap phufonh kar kahdohnak a chuak. Ralhrang phu nih Jet vanlawng hmang in an doh hna caah CNA in Sergeabt Thang Pui cu a nunnak a liam tiah theih a si.

Taingen le Hriangzing lei kahdohnak ah CNA Senthum rank simi Thangpui nih Chinram le amiphun caah anunnak a pek. Ralhrang raltuknak vanlawng bomb thlaknak in a nunnak aliam hi si. Ngaihchia tuk e. Bawipa kan intuarnak kan philh piak hram hlah law, Upatnak sangbik kan pek Chin ralbawi Runham.

Kan Ralkap hna, Miphun caah pakhat hnu pakhat nan nunnak a liam. Kan celh hrim ti lo. Nan liamsia herh tuk ve lai mu. Nan phu kan rak in hlam hrim hna mu. Miphun caah nunnak pemi Kan Ralkap vialte Upatnak sangbik kan in pek hna. Daiten rak I din cang uh mu.

Kan siang hrim hna loh pasal ttha hna aw ram caah an nun nak an pek cang ti thawng kan theih ah kan thinlung a kekkuai dih.

Kan chak, kan thlang, kan hnu kan hmai in ral lawngte nih an kan kulh! Kawl Ralhrang lawnglawng an silo, nan fiang cio ko lai. Israel mi kan zohchunh tawn hna; ramthawng le miphun ngan ral puarhrang pipi nih an kulh hna. Asinain an tei bal hnalo, an thawng chinchin. Ramleng ummi diaspora hrimhrim nih fimthiamnak, ngeihchiah chawva le pumpak va kal in an ram an dirhkamh peng.

Chinram pakhat te lawng kan ngei. Pathian pekmi ram asi. Hmundang ah Chinram va ser khawh asi tilo. Vawlei a karh tilo, ramthar va tlak khawh asi tilo! A lamkip in kan izuam le thazaang kan chuah chinchin a hau.

ZRA cu naite CJDC phu he tiah an i kah hnuah an ram Manipur ah kal in hriamnam an va lak chap i Tedim leiah an rak kir i CNF/A nih CDFs a dirh bantuk in “Zomi National Voluuteer” kan dirh tiah an thanh, “Zomi National Volunteer” ti cu “Zomi National Volunteer” tinak si. Tedim lei ah ZRA duhtu le duh lo tu hi 50% veve an si tikah fak ngai in Tedim le Tonzang leiah mah le mah buainak fak nih a zelh chin te kho. Mah hi an tarmi hmaanthlak cu a si.