USCIS nih rammi citizenship camipuai biahalnak thlennak kongah a awngmin

USCIS nih rammi citizenship camipuai biahalnak thlennak kongah a awngmin. A thlen khawh cang. Cucaah December 1,2020 hlan ah rammi sinah N400 na sawk ahcun biahalnak 100 lawng an in hal ko lai, mah cucu 2008 lio i rak tuahmi ca tiin an auh. December 1,2020 hnu ah rammi sinah na sawk ahcun a thar biahalnak 128 hal na si c ang lai. Mah biahalnak thar pawl cu USCIS website ah zoh/lak khawh asi. Atu tiang ahcun rammi sinak caah sawknak man a kai lo, a mah ning asi ko rih. Foodstamps le Medicaid ei ahcun a man pek hau loin nawlnak tuah khawh zong asi rih ko.

Citizen phitnak man le biahalnak pawl a thlen than lai lo. USCIS nih December 1 thawkin US rammi sinak (citizenship) camipuai phitnak an thlen lai timi kha an thlen than lai lo. Pemnak lei NGO pawl nih thlennak nan tuah ding hi a ding lo ( unfair) tiin tazacuainak an tuah caah atu bantukin an ngol thannak asi. Biaceihnak zung nih a ding ko tiin bia a khiah lo chung cu a thlen dingmi phung le lam vialte a takin tuah chuah lo ding in a um cang. USCIS nih biakhiahnak cu ni 60 chungah ceihpiak than dingin nawlnak tuahnak caan a ngei. USCIS cu mah tik ah cun President thimmi Joe Biden uknak tangah a um cang lai. President Trump nih fimthiamnak a ngeimi pemnak lawng on i a dang pemnak paohpoah kham dingin a zuam. Cucaah President Biden nih zung rian a thawk tikah thlennak pawl kongah zei a cang lai ti cu ka thei lo.

Hi thlennak pawl hi a ngol cang: USCIS nih citizen phitnak N400 ah a man U$ 1170 tiang kai an rak duh. Nain atu cu biaceihnak zung nih a man cu U$ 725 ah um rih ko seh, biaceihnak zung nih na kai kho a ti hlan paoh cu mah zat lawngin a man um ding. USCIS nih biahalnak pawl cu thlen in har deuh in tuah a duh. Biahalnak pawl 128 tiang zoh dingin a um lai a ti. Mah chungah khan biahalnak pawl 20 hal ding ti asi. Biahalnak 20 chungah a tlawmbik 12 na hmaan hrim a herh. Nain atu ahcun biaceihnak zung nih camipuai kong cu biaceihnak zung nih a ding ko tiin a ti hlan paoh cu nan thlen kho lo a ti. Cucaah citizen camipuai phitnak ah biahalnak pawl cu 100 kha a si rih ko lai.
Biaceihnak zung nih zulh phung thlen asi a ti hlan chung paoh cu foodstamp/Medicaid hman in phaisa lak lo dingin nawlnak tuah khawh zong asi rih ko lai.(Becky Nelson nih mirangca in a tialmi ka lehmi asi. Becky Nelson cungah ka lawm). Credit: Salai Z T Lian