US ummi caah siaherh bia

US ummi caah siaherh bia (Urgent/Jan 31, 2021)
==============
Vawi dang tawn bantuk in ka thawh le cang ka in ka cell phone ka bih. “2021 Mortgage rates fall again” ti mi ka hmuh. Kan inn refinance tuah ka lung ah a chuak. Stocks a tla i a si bak lai, ka ti. “Robinhood” ka vun bih cu senthlung in an itlar ko. Ka lau nawn i ka 401K account ka vun zoh cu January 20, 2021 to January 31, 2021 kar ni 11 chung ah Kawlram in USA ka rak ratlio i ka dihmi phaisa nak tam deuh ka sung manh. A rannak in ka phaisa ka ṭhial zokzok.

“A tu bantuk caan chia ah hin cun 401K kan ngeihchun hi stocks ah chiah lo ah a ṭha” tiah ka ruah. A ruang cu a hlan ah Laimi rian kan rak ṭuannak ah $ 15,000 in $ 30,000 tiang kan rak sung bal cang hna. Cu a si caah stocks an hon hlan, tuzaan hrimhrim ah nan 401K kha rak ṭhial cio u law, tiah kan forh duh hna. Stocks kong tu cu ka hngal bak lo. Hngerhte nih computer kong a hngalh lo tluk ceo khi ka si ko nain, sungh ka ton bal caah kan siaherh bia hna a si. Ka lawm, Isaac Duhtling pa (Mang Chawn), Indianapolis, USA.

BREAKING NEWS BREAKING NEWs, MYANMAR RAM RALKAP NIH AaNa An TING (Suukyi, WinMyint le Midang an tlaih dih cang). Myanmar rampi cu February 1,2021Zinglei 4:00 Am hrawnghrang thawkin Aana an ting cang i, Aungsan Suukyi le President WinMyint cu Zing lei 3:00 Am hrawngah an Security pawl an tlaih dih hnu in an Innchhung bakah luh hnawhin an tlaih hna ti’ah thawng theih asi.Nyphidaw i City Guesthouse i NLD MP thar pawl zong Hall chungah an hren dih cang hna. Nyphidaw cu Ralkap nih an kulh dih cangi, tawmpal ah State le Taing i NLD hruaitu vialte tlaih dih an i tim ti’ah News Agency sinin theih asi.

Nyphidaw pinah Yangon le Mandalay le hmun kip ah Ralkap an thlah dih cang hna. Atu caa ka tial lio tiang an tlaihmi kan theihmi hna cu, NLD Spokesman CEC Myondwa AungSinn, Han Ta Myint, U.Phuyminthein( Yangon CM), U.Thein Lwin le Dr. ZawMyintMuang cu an hmu kho rih loh. Shan NLD Chairman ShoeNyuntLwin, Mon CM Dr. Ayesan,Karen CM Nan Khin ThweMyint le Yangon i Bah- Kah- Tah Student hruaitu pawl an tlaih dih cang hna. NLD Spokesman Dr. Myo Nyunt tu cu an tlai rih loh.

Ralkap nih cun, Statement(1)an chuahmi ah Myanmar rami um Foreign Embassy vialte nih Myanmar 2020Election pawm lo dingin an nawl hna i, Ralkap nih a tuan khawh chung Kum-1 chungah thim tha’n nak Election thar kan tuah cawlh lai i mipi sinah Democracy Nawlneihnak kan pek tha’n lai an ti i, Acting President (ယာယီ သမ္မတ)ah U. Myint Shwe kan chiah ti’ah Army thawngthanhnak an chuah.Cun, Election Chair -man U.Hlah Thein le EC U.Myint Niang zong an tlaih tha’n i, Midang zong tlaih ding an kawl cuahmah lio ti’ah theih asi.

Tawmpal ah Sagaing le Chin State lei zongah Ralkap le Uniforms hruk lo pawl an thlah hna ti’ah thawngpang kan theih. Atu an tlaihmi hna hi Ralkap le Civil dress i aa thuammi pawl an i tel ti’ah News pawl nih an chim. Thawngpang van hngak deuh rih hna usih.( Ramchung i kan Agents pawl thawngpang kan lak lio asi.)Credit: MC Biklian