US um Pu Phua Mang nih mual a kan liam tak ruangmang!

Zualko: US um Pu Phua Mang nih mual a kan liam tak ruangmang!
=========
Pumang Kan I Tongtthan Manh Ne Lo! Zotung Kan Pa a si mi,Delhi ah kum tampi pa le fa le hawi le kawm bantuk in aidaw mi le a phunphun, mah le khaap tawk a ttuantti lengmang tawn mi, ka pa caan le ka ucan i ka ruah mi le a mah zong nih fapa bantuk le nau bantuk taktak in a ka zoh pengtu.

USA a phanh hnu kum 6 hnu zong ah dawtnak te he a ka chawn le thawngpaang zong a ka hal lengmang mi, Pu Phua Mang, nih ruahlopi in a kan thihtaak ko hi cu,ka zanmang bantuk hna khin ka ruah i, zumh a har hringhran ko.

Ka Pamang, hi vawlei ahcun kan i tong manh ti fawm lo i,rak kal chung ko ne law, tthennak a um ti lonak,Pa Pathian nih a remh mi, run inn tu ah Thlarau in kan i tong te ko ne lai, Umang aw!

Kalaymyo pa kum 50 hrawng simi cu, Ralhrang nih nihin ah alu ah thi lak in an kah! Kalaymyo pa kum 50 hrawng simi cu, Ralhrang nih nihin ah alu ah thi lak in an kah tiah theih asi.Mah pa hi saikel in mi phorh tuahmi a khal(mawng) mi asi.

Nihin zingah Kalay University le Khaikam karah puak keh thawng atam ngai, ralhrang le mipi ralkap an i kap ko tiah cuka pawng um pakhat nih an ti.

Tedim peng Township Administrator meithal in kah a tong. Chin ramkulh, Tedim peng Township General Administrator U Kyi Min Htun (kum-32) cu April 6 zaanlei Tedim Myoma market pawng ah meithal in kah a tong tiah theih a si.

Tedim Myoma market pawng Lakphakti dawr ah zaanlei sml 6:00pm hrawngah a hawi pakhat he an ṭhut lioah mibu pakhat cycle in a raa I U Kyi Min Htun cu an kah tiah Tedim khuami pakhat nih Khonumthung Burmese ah a chim. “Zaanlei sml 6:30pm hrawng ah Myoma market pawng lakphakti dawr ah a hawi pakhat he an ṭhutnak in an thawh lioah minung 6 hrawng an rak lut i an kah”.

U Kyi Min Htun hi Tedim khua ah rian aa rak ṭhialnak kum 1 hrawng a si cang i zeibantuk phu nih dah an kah belte cu theih a si lo. U Kyi Min Htun cu Gangaw peng USDP MP Bo Latt Hla i a tu a si tiah theih a si. U Kyi Min Htun a upa Aung Ze Ya zong Bureau of Special Investigation (စစစ) ah rian a ṭuanmi a si tiah Zalen nih a langhter.

Khampat Khua Mi Nu 2 SAC Ralkap Nih An Tlaih Hna! Sagaing Ramṭhen, Khampat, Block 4 um mi Mai Van Sui Dim le Mai Ṭha Chin Hniang cu Yangon kal an i thawhpah ah SAC nih an tlaih hna, tiah kan theih.

“Mai Van Sui Dim le Mai Ṭha Chin Hniang cu Sagaing ramṭhen, Kalay peng Gyikung khua pawng chekgate ah “Tinhtang Aung” mawṭaw kan chek i kan tlaih hna, An Pahnih in CDF-KKG he aa pehtlai mi an si,” tiah SAC Ralkap nih an thanh.

Hi hna pahnih an tlaih hna hi April 4 ah khan a si i, CDF- KKG he an i pehtlai lo, tiah an nawl ko hna nain, SAC ralkap nih atutiang cu an thlah rih hna lo. An thlah ding hna hmanh ah phaisa tampi in tlanh an hau lai, tiah thawnghram kan laknak nih an chim.

Matupi pawng a phanmi SAC mawṭaw thluan cu CDF-Matupi nih an kah, SAC ralkap 5 an thi. Mandat khua in a rak chuakmi SAC ralkap mawṭaw thluan 84 cu April 6 ah Matupi khua pawng an phan. April 7 zinglei sml 6:40am hrawng ah CDF-Matupi nih an kah hna caah sml 1 leng kahdohnak a chuak. Cu kahdohnak ahcun SAC ralkap 5 an thi i tampi nih hliamhma an tuar tiah CDF-Matupi nih a thanh.

Mindat khua in a rak chuakmi SAC ralkap mawṭaw thluan hi CDF-Matupi nih April 5 in kah hram an thok cang hna i a tutan zong ah Matupi khua in meng 15 aa hlatnak an phak ah an kah ṭhan hna hi a si. Matupi ah hram a bunhmi SAC ralkap battalion nih kahdohnak hmunhma pawl le Chanpyan khuahlun lei ah hriamngan in an kah lengmang caah kahdohnak a chuak ṭhan kho men tiah CDF-Matupi sin in thawng theih a si.

Matupi Byu-Ha ah eidin chanding in a kalmi SAC ralkap mawṭaw thluan cu Mindat khua in March 24 ah an i thawh i Mindat ram chungah CDF-Mindat nih a kah lengmang hna caah SAC ralkap 20 leng an rak thi cang.

Kawlrawn pa cu, A zuatmi Vom nih thi lak a seh. Na/kan tangka dih in hriamnam na/kan cawkmi kha apeknak hmunhma kan i palh sual ahcun kanmah thihnak lila a site kho.

Cucaah hriamnam peknak hmun le hma zoh thiam ngai hau,hi hna sinah hriamnam pe usilaw hmailei ah a hawi Chinmi lila thah le kahnak ah ahmang te sual lai maw ti zong ruah chih a hau. An pengtlang ca lawng ruat in cu a pengtlang ca duhtlin lole Chinmi dang va doh le kah kha poilo titu ding an site sual maw ti zong zoh hau mi si.