US Ram Ah Angki Sen Hruk Sawmnak An Tuah Taktak Cang

ANGKI SEN HRUK SAWMNAK
===============
Burma Military nih anmah sermi phunghram kalh in rampi cozah nawl ngeihnak an lakmi duh lo nak le US le ramkip ummi le Kawlram chung ummi Burma rammi hna kan dirkamh hna ti langhter nak ah kiptuh le thiam (Thursday & Friday) ah ni 2 chung Perry Township District School Administrators, Staff, le student pawl ANGKI SEN (thil sen) i hruk cio ding in sianginn lei ṭuanvo ngeimi nih thawng an thanh hna.

Indianapolis um kanmah Chin community pawl zong Nili ni le Ninga ni hi thil sen (angki sen) hruk khawh i zuam cio hna usih. Sianginn kaimi nan fale a senmi rak hrukter dih te hna uh.

TUCHUN I PHONE CHAWNH MI; Kawl ralkap nih nawl ngeihnak an lakmi kong he pehtlai in minung pakhat chawnh kan duh ko tiah ca ka kuat. Suimilam pakhat renglo kan i chawn. Thil tam taktak a chim. Ka lau pah, ka khuaruah har pah, ka awlok chong pah. A phun phun ka ruat.

Thla 3 chung ah, thla 6 chung ah cu tin, thla 9 chung ah cu tin ti tehna um te ding phun khi a si rua. Hakha ah vote 5750, khua khat ah sing 100 e zei e ti tehna tiang kut dong sawhmi um dawh khi a lo. Ralkap nih nawl ngeihnak an lak hlan thil tuahmi pawl; step 1-7 tiang ti tehna… Cauk ṭial i zuar ve ka lung ah chuak! A herh tikah kan ṭial telai. Credit: Vanceuuk Khenglawt