US president thim zaan ah khan Pu Trump nih swing state vialte ah ceilak a tei

US president thim zaan ah khan Pu Trump nih swing state vialte ah ceilak a tei, vote 90% cung an rel cang hna. Democrat nih kan sung cang tiah an i ruah, Trump nih ka tei cang tiah mitku thaw ngai in a it. Trump nih a tei tuk caah election zohfeltu thiamsang tampi an khuaruahhar tuk cio.

Nain, khuadei lai zinglei ah Biden a vun thawng than i Trump nih a tei cia nak states ah Biden nih a tei than dih. A bingtalet in thil a vun cang. Mail in kuatmi vote ah Biden mee a tam tiah an ruah. Nain, ningcang lo riantuannak le mee firnak a um tiah Trump phu nih an ruah.

Tutan thimnak a buaiter tu cu mail in vote an pekmi hi a si ko, mah hi a hlankan tein Trump nih a doh ciami a si. Trump phu nih biaceihzung ah ningcang lo riantuannak tet-te he an langhter khawh ahcun ruah lo ning in thil aa mer than kho ko.

Relchap ding; Mizapi nih an ka cohlan ahcun’ kan ram le miphun caah ka sining dihlak le ka caan dihlak pek in ramrian tuan awk ah July 25 ah biachahnak ka tuah. Ka chawva tiang a herh ning pek ka rak i tim. Nain Nov 8 ah mipi nih an ka cohlang lo. Keimah pumpak caah cun ka sung tiah ka ruat lo.

Thimnak ka luh lio ah kai tinhmi pahnih: 1nak: keimah teinak ngah in eihmuar doh, fimcawnnak lei thlen, JCB zong cawk in thanchonak tampi tuah, kum 40 chung ramrian tuan in CM tiang va tuan te ding khi kai tinhmi cu a si.Mipi nih an cohlang rih lo.

2nak: kan miphun le ram caah tihnung tiah ka ruahmi party CNLD sunghter ding hi a biapi taktak ah ka chiah fawn, aruang cu CNLD phu an lungput le an biachim(Suu Kyi tiang an thuatmi) ka zoh tawn tikah kan miphun buaiter khotu an si tiah ka ruah caah anmah doh hi miphun dawt phun khat a si ve tiah ka ruat. Ka doh hna i an sung cikcek ve. Ka hlawhtling.

Mee thencheu duh menmen ah thimnak ka lut lo, ka miphun ka dawt tuk ve caah ka miphun caah riantuan ve ding thimnak ka luh kha a si. Ka miphun i a ral tiah ka ruahmi CNLD party doh ding zong kai tinhmi pakhat a si chih. Credit: Salai Lungthli Tum

Leave a Reply

Your email address will not be published. Required fields are marked *