US Cozah nih Kawlram Bawmhnak Pek Dingin An Izuam Cuahmah Cang!

US Cozah nih Kawlram Bawmhnak Pek Dingin An Izuam Cuahmah Cang!
=========
Kawlram kongah biatak tein bawmnak pe kho dingin kan i zuam cuahmah ko tiah American cozah, ramdang pehtlaihnak zungah ruahnak petu nih NUG cozah cu a theihter!

National United Government (NUG) cozah, caan karlak rampi president, rampi vuanci U Man Win Khaing Than, ramdang pehtlaihnak ah tuanvo ngeitu Daw Yin Ma Aung le American cozah ramdang pehtlaihnak zungah ruahnak petu Derek Chollet, Asia ram nichuahlei kongkau ah tuanvo ngeitu lutlaibik changtu Kin Moy hna cu January 27 ah sml 1:00 chung tonbiaruahnak an ngei tiah NUG cozah, president zung nih cathanh an chuah.

Cu tonbiaruahnak cu sml 1:00 chung an rau i, American cozah nih, ralkap nih rampi nawlngeihnak a laaknak kum 1 a tling deng cangmi Kawlram kongah biatak tein bawmnak pe kho dingin kan hawile ramdang hna he tuanti dingin kan i zuam cuahmah lio tiah a chim. Cubantukin NUG cozah leikap zong nih American cozah nih Kawlram kongah biatak tein bawmnak kan pe hram u tiah nawlnak an ngei tiah theih a si.

Cupinah National United Government (NUG) cozah nih atu ah kan ton cuahmahmi harsatnak pawl, minung le minung i zawnruahnak le bawmchannak, tlangcungmi hriamtlai phu hna he pehtlaihnak siseh atu kan tonmi ramkhel buainak hna hi tlangtla kho dingin Asia ramchung hruaitu hna cawlcanghnak le vawlei cung rampum huap in rian a tuantu i cawlcanghnak tibantuk kongah an ruahnak le hmuh ning tibantuk cu chimrelnak an ngei tiah cathanh an chuahmi ahcun an langhter.

F1 Visa Kongah a ka halmi te te nan um pah caah hika hin a tawi te ka rak tial lai. US F1 visa hi vawleicung huap in 60% lengmang kum fatin an sung ti si. 40% an awng kan ti lai cu. Sihmanhsehlaw, ramkhat le ramkhat zatuak hi aa lo cio lo. US nih Kawlram F1 visa an pek ning zong hi aa dang leng mang ve.

Tahchunnak ah 2020 chungah US nih Kawlram siangakchia visa an pek mi hi 62 lawng si. Covid-19 ruang ah a bik in si. 2021 ralkap uknak lak hnu Kawlram siangakchia visa an pekmi hi kan hnu kum November thla tiang ah 652 an si. 2020 chungah US nih Kawlram siangakchia visa an pek mi hi 62 lawng si. 2021 belte November tiang ah 652 an si. COVID-19 ruang ah pekmi an tlawm deuh cu a si.

Kum donghlei Omnicron a rak chuah hnu ah an vun rengh than i visa sungh a tam ngai than. A tu cu Embassy zong kan khar chung an ti. Zei tik dah an on than lai theih a si lo nain Fall Semester lai May thla hrawng ah an on than ko lai zumh a um.

A biapi mi cu ramdang sianginn kai duh ahcun lamphawk (short cut) si loin mirang holh zong fak pi study tuah a tha. Visa luhnak ca lawng si loin US phak tik ca hrim ah nun a fawi deuh.

Mirang holh a ti kho deuh lomi kum upa caah cun English language program in tuah a hau. Visa awn a har deuh kho men tiah ka ruah, nain US phaknak tiang a duhmi caah cun a lam tha bik a si fawn. Awn khawh lo ti cu a si lo. Kum no deuh caah cun Community College hi lam tha bik a si i visa awn zong a fawi deuh lai. Cun sianginn man zong a fawi.

2022 ah US nih Kawlram siangakchia zei tluk in dah visa an pek lai tihi theih khawh a si rih lo. Cu caah US visa kan tuah ding a si ahcun mirang ca kha cu study tuah ah a tha. Cu hlei ah risk pakhat lak bantuk a si caah sungh a tihmi nih cun tuah lo ding. Credit: Lian Thawng Hnin

Ralhrang Hna Nih A kan Teilo Caah Strategy Thar An Thlen! Raltuknak mawtaw tampi kan hmang lai, miakpi tha zaang le ralkap tha zaang kan hmang chih lai i, Vui sual rual dum le hau bauh in kan bauh hna lai, ti kha ahmasa bik an strategy cu a si. Cu ticun Hakha le Mindat in an rak kan nam tikah fak taktak in kan hliam hna caah, ral hmai an fong kho tilo. Cucaah an raltuk ning strategy kha a thar in an hun thlen. A tu an strategy thar hi kan zoh tikah Mawtaw ‘Cars’ kha hmang tuk loin kei in raltuknak ah kal in, acunglei in vanlawng nih bawmh hna ding kha an itimh.

Atutan an strategy hi an hlawh atlinglo ahcun strategy thar kha an suai kho lem ti lailo, ti hi zumh ciomi asi. Mawtaw in kan kal tikah a thi lomi kan tam pinah hliamhma zong tampi kan tuar, cucaah kei in kan kal ahcun athi lomi kan tlawm deuh lai i, ral bawmh aherhmi kha vanlawng nih akan bawm chih lai, ti khi an itimh mi cu a si.
Cucaah vanlawng tha zaang kha tamdeuh in ahmang teh lai.

Ralhrang pawl nih hmai an kal ngam lonak hmunhma kha vanlawng nih ‘bomb’ athlak hmasa lai, ral bawmh an herh tikah vanlawng in ‘parachutes’ in ralkap kha athlak teh hna lai, ‘ti hi zumh a si. Vanlawng ahmang tikah tihding asi hrim loh. A ruangcu; kan nih ral kan tukning hi,guerrila ‘ral thli’ in ral atukmi kan si caah kan umnak hmun kha fiangfai tein an theih lailoh caah khawika zawn ah dah bomb ka thlak lai, ‘ti kha atheih lailoh. Ruahdom in bomb thlak sehlaw, A zen le kuan kha alakin va hlawnh men khi asi caah vanlawng tha zaang kha santlainak a tlawm ngai teh lai.

Cucaah kan Chinram ahcun vanlawng tha zaang hi hmual aneituk lem lailoh. Vanlawng tha zaang hi hmual aneih lo ahcun kei in ral ram a kalmi ralhrang pawl hi fawi tein kan kah khawh cang hna lai. Aruangcu; ralhrang pawl cu thawng pe tu an neih loh, an vawlei asi lo pinah fing le tlang zong an theih loh, Hi hi kan teinak hna ding kan lam pakhat cu asi.

Afghannistan le Irag raltuknak ah vanlawng an hman ning kan zoh tikah, hmual aneihnak khi atlawm ngai, Ramtang hriamtlai ‘ral thli’ pawl an umnak kha fiang in an theih lo caah bomb an thlak mi kha alak ah ai cang hi atamtuk,, cucaah ahnu ahcun vanlawng tha zaang kha an hman duh tiloh. Khatlei ah ralthli pawl nih kan umnak hmun akan theih cang, ‘ti kha an theih tikah an ‘sakhan’ kha an chuahtak i, hmun 2/3 ah an ithen i ralthli in an vakah hna tikah khoika ah dah bomb kan thlak lai, ‘ti kha an theih ton lo caah vanlawng tha zaang kha an hmang kho ton lo.

Cun hmai suangin ral atuk mi hna kha, vanlawng parachutes in ral bawmh ding ah van lawng cung in athlak hna tikah, ral thli pawl nih mahkazawn ahhin athlak hna lai, ‘ti an zumhnak paoh ah bomb an kamh i, vanlawng in ralkap an thlak mi hna kha, bomb rawl ah an i cang tikah ahnu ahcun vanlawng in ral bawmhtu ding zong athlak ngam ti hna lo. Cucaah Afghannistan cozah an sunghnak aruang ngan ngai pakhat zong kha vanlawng tha zaang an hman khawhlo ruang le an ralkap hmaikal pawl an bawmh khawh hna lo caah a si.

Ralhrang pawl nihhin zeibantuk straregy zong va thlen ko hna seh, akan tei lailo, Aruangcu; Guerrila ralkap kan si, Kan vawlei kan fingtlang kanmah ta asi rih, An lungput le kan lungput hrim hi BAWI ruahnak le SAL ruahnak bantuk in ai thlau rih fawn, Thawngpang vialte kanmah ta an si rih hoi, Cucaah raltuknak ah aherhbik mi vialte hi kan kut ah a um dih, Cucaah an strategy suaimi le an van lawng tha zaang hi pakhathmanh tihding asi loh.

Kan ral tukning kan zohtikah ahramthawk ahcun ikhamnak ral lawng kan tuk khawh, Asinain nihin ni ahcun ral hmai ser in kan va doh khawh cang hna, Cucaah ral kantuk ning step 2 ah kan kai cang, Cucaah ramdawtu pasal tha hna, nan lung dongh hla seh, ‘teinak lam kan zawh chin lengmang cang. Credit: Van Neih Thang