SAC Ralkap Jet Fighter Nih Khuapi Ah Bomb A Thlak Ṭhan!
==========
Senthang peng Khuapi khua ah SAC ralkap Jet Fighter nih nihin May 11 zinglei ah bomb a thlak ṭhan, tiah theih a si.
Tuzinglei suimilam 12:05 ah SAC ralkap Jet Fighter nih Khuapi khua le CDF-Senthang Headquater ah bomb a thlak ṭhan. Cu ruangah Hakha-Matupi lam a him rih lo caah caan karlak chung kan kham, tiah CDF-senthang nih cathanh an chuah.
“Nihin May 11 zinglei suimilam 2:00 hrawng ah SAC ralkap Fighter nih CDF-senthang Headquarter ah bomb a thlak ṭhan ruangah sakhan cu a rawk dih. Minung tu cu aa hliammi an um lo,” tiah min langhter a duh lomi pakhat nih The Chin Post ah a chim. Fighter nih Khuapi khua ah a voihnihnak bomb a thlak ṭhan ruangah khua kiangkap a ummi khuami hna cu a himnak hmun ah rahrial in an zam hna, tiah theih a si.
Hakha peng,CDF-Senthang hmunkhuar cu nihin 11 May Burma suimilam in 2 am tluk ah khan vanlong in bomp a thlak hnawh hna,cu pinah tuchun suimilam 12 Noon ah khan Khuapi khua cu raltuknak vanlong hmangin bomp cu a thlak hnawh tthan hna ,asinain Bawipa nih kan miphun le kan pasalttha hna a ven hna caah him tein an um ko tiah kan theih.Bawipa sinah thlacamnak in bawm zungzal ko hna usih.
May 10 zanttim ah ralhrang langta nih Hakha peng khuapi khua bom a thlak, civil mi, thi le hliam an um lo, Inn lo tucu a rawkmi um pah rua ti tiang lawng si, mah zong cu confirmed a silo, a ruang cu ph line a that lo ngai caah awka i khen hartuk. Cun tuhi Tada Oo vanlanwgbual in Langta, Jet Chinram lei hoih ah a hun zuang lio.
CNA tatmaha area ah a hung lutmi ralhrang tatmah 77 pawl va dong dingin Hakha ralhrang 100 tluk an i thawh i, mah midong tu ding le Chinralkap an i kah lio si. Hakha ralhrang nih miakpi in heh tiah an hei bawmh uahmah lio. Ralhrang pawl cu Ruavan khua phanh hlan furlong 3 tluk duh ah an phan i, kan ralkap he cuka ah cun an i kap len.
Mah hna a va dongtu ding kalmi Hakha ralhrang 100 tluk cu, Hakha Zokhua kar ah Chinralkap he sml 4 chung tluk an i kap, raltuknak Langta( vanlawng) nih bawmh dingah a rak fuh hna nain, nickhuachia, ruahsur i, cum a zaam caah Langta cu bom thla kho loin aa khirh tthan tiah kan theih.
Nihin May 11 zan suimilam 7:00 in Hakha ah fak ngai in ruah a sur. Khuadawm cu a tam lo nain a sur ning hi a fah ngai caah Mocha Cyclone thlichia le ruah hruaitu a si kho, tiah tualchung mi cheukhat nih an zumh. Nihin zing suimilam 10:00 hrawng ah Yangon peng cheukhat zong ah ruah fak ngai in a sur, tiah Yangon ummi hna nih an chim. Myanmar ramchung le Mizoram lei ah May 13 in Mocha cyclone a hrang kho tiin khuacaan tuaktantu hna nih thawng an thanh i, cozah le zatlangbu hruaitu hna zong nih mipi sin ralrinpeknak an thanh cio hna.